25/05/2018 17:39
《小傳日記》侵侵拒見肥仔金，魚缸屠牛好友愁！
《小傳日記》侵侵（特朗普）噚晚（２４日）又畀Ｓｕｒｐｒｉｓｅ大家，決定取消原定喺下個月１２號，同肥仔金（金正恩）嘅世紀會面。雖然缸友早已有心理準備，但係道指噚晚都嚇一嚇，曾經急挫２８０點，好彩好快就回過神企番穩，最終只係唔見７５點報２４８１１。 不過，美朝局勢再度緊張，淡友當然唔會錯過呢個出兵機會，香江魚缸今朝（２５日）低開９６點後，下半場最多唔見２３４點至３０５２５，向下殺入恆指牛證重貨區，即係３０５００至３０５５８點。淡友戰勝後，恆指最終收跌１７２點報３０５８８；國指碌低１０４點收報１２０４７。全日成交９３６億銀左右。 大市仲捱打緊，不過將會喺下個月４號開始，被除下藍戰冠冕嘅聯想集團（００９９２）就反而嚟個谷底反彈，雖然季績見紅，但係各大行出手力撐，麥格理仲睇５﹒１銀，聯想開心彈高近７巴仙收４﹒１８銀，威盡藍戰！
＊油組或增產油佬攬住喊，阿爺降補貼風電佬心怯＊
國際油價自今個月起持續跳彈床，早排仲上返８０蚊美金，但隨住油價反彈返唔少，加上需求似乎都復甦緊，部分產油國都想生產多Ｄ石油賺多Ｄ錢，而俄國佬仲話會喺下個月舉行嘅油組會議上面，傾下增產嘅可能性，「孖屐」收到風相當驚青，油價噚晚就跣低超過１巴仙，早排升唔唔少嘅「三桶油」即時借勢回吐，中海油（００８８３）急挫近４巴仙，報１３﹒１２銀，全日表現最差嘅藍戰士。中石油（００８５７）就跣低３巴仙，報６﹒０５銀。中石化（００３８６）冇咁傷，都係腳軟跣低超過１巴仙，報７﹒３２銀。 其他能源街坊冇運行，事關阿爺話會用競爭方式配置風電項目嘅上網電價，即係唔再補貼咁多，大摩仲話咁樣會影響運營商嘅投資，華能新能源（００９５８）急跌近９巴仙，報３﹒０８銀。新天綠色能源（００９５６）?咗近７巴仙，報２﹒６９銀。風電設備大佬金風科技 （０２２０８）一樣急插近７巴仙，報１２﹒５４銀。 ＊新秀麗澄清沽壓仍好勁，阿爺鬧圈錢五洲即插水＊
新秀麗（０１９１０）噚日被Ｂｌｕｅ Ｏｒｃａ Ｃａｐｔｉａｌ狙擊後停賽，公司拿拿臨發澄清通告，否認沽空報告指控，仲話唔排除採取法律行動。可惜缸友都係投不信任票，今朝復賽後就齊齊掟貨，新秀麗收市又再插低逾１２巴仙收２６﹒９銀，成交又高達逾３０億銀，距離Ｂｌｕｅ Ｏｒｃａ噚日畀嘅１７﹒５９銀目標價又近咗了。 另一邊廂，五洲國際（０１３６９）雖然無被沽空機構狙擊，不過傷亡比新秀麗更加慘重，暴瀉近８５巴仙至０﹒０６８銀後就宣布停賽。事緣近日，人民日報系旗下《國際金融報》發布一篇文章，指公司同五豐演雙簧，多地配合玩「圈錢」遊戲。而五洲國際已經喺官網發嚴正聲明，話報道不實，將堅決採取法律手段維護企業名譽。有貨缸友要密切留意事情發展喇！ 仲有５月份焦點魚毛嘅民眾（００２７９），今個月股價蒸發逾九成後，今日總算收復ＤＤ失地，反擊近２８巴仙報０﹒１１１銀，重回「毫子一族」，成交約５億元銀。
＊石藥季績靚綠葉面青青，街坊開派對缸友急急追＊
醫藥佬又再次成為逆市奇葩，石藥（０１０９３）喺Ｌｕｎｃｈ個陣放榜，話今年首季賺多咗近４３巴仙，而大摩仲話石藥旗下一種醫癌症嘅藥物，可以威脅到主要競爭對手綠葉（０２１８６）。石藥下畫就不斷爆上，最多彈起８巴仙破頂，埋單都升咗近７巴仙，報２５﹒１銀，而綠葉就瞓低近６巴仙收９﹒１１銀。 街坊復星醫藥（０２１９６）（滬：６００１９６）噚晚宣布旗下一種用嚟醫淋巴瘤嘅藥物已經完全臨床試驗。雖然仲要等埋ＧＭＰ認證先可進行商業生產，但試驗過咗關，未來好大機會可以賣出去，成為公司另一個收入來源，帶動復藥全日爆上超過６巴仙，報４９﹒２５銀，而Ａ仔都彈起６巴仙。李氏大藥廠（００９５０）首季賺多咗五成，業績省鏡吸引唔少缸友避險，全日抽高近９巴仙，報１２﹒４２銀。其他街坊都有得坐吓順風車，威高股份（０１０６６）彈起近７巴仙，報６﹒６７銀；藥明生物（０２２６９）就抽高超過３巴仙，報８２﹒７５銀
＊阿里系炒完影業很疲倦，ＱＱ系腳軟閱文卻回暖＊
阿里同ＱＱ系噚日威盡魚缸，不過今日就已經無晒火，阿里影業（０１０６０）噚日大升逾三成後，今日急回近１１巴仙收市報１﹒０８銀，但其實如果低位入咗貨嘅缸友，都仲有錢落袋；兄弟阿里健康（００２４１）就跟住醫療佬逆市再衝高，但呢排升咗太多，收市只係漲不足１巴仙報６﹒９３銀，不過仍然企喺高位睇緊風景。 至於ＱＱ系入面，華誼騰訊（００４１９）、恆騰（００１３６）同華南城（０１６６８）都回吐番部分升幅，唔見１至５巴仙。反而曾經風光一時嘅閱文（００７７２）就跑出，踢高逾５巴仙報７０銀，向著５０天線（約７０﹒４５銀）邁進。之不過，回頭望番舊年１１月寫下嘅１１０銀「驚人」上市新高，真係車尾燈都望唔到呀。ＱＱ（００７００）則跌近１巴仙收４０４銀，再穿大股東掟貨價。 周末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊油組或增產油佬攬住喊，阿爺降補貼風電佬心怯＊
國際油價自今個月起持續跳彈床，早排仲上返８０蚊美金，但隨住油價反彈返唔少，加上需求似乎都復甦緊，部分產油國都想生產多Ｄ石油賺多Ｄ錢，而俄國佬仲話會喺下個月舉行嘅油組會議上面，傾下增產嘅可能性，「孖屐」收到風相當驚青，油價噚晚就跣低超過１巴仙，早排升唔唔少嘅「三桶油」即時借勢回吐，中海油（００８８３）急挫近４巴仙，報１３﹒１２銀，全日表現最差嘅藍戰士。中石油（００８５７）就跣低３巴仙，報６﹒０５銀。中石化（００３８６）冇咁傷，都係腳軟跣低超過１巴仙，報７﹒３２銀。 其他能源街坊冇運行，事關阿爺話會用競爭方式配置風電項目嘅上網電價，即係唔再補貼咁多，大摩仲話咁樣會影響運營商嘅投資，華能新能源（００９５８）急跌近９巴仙，報３﹒０８銀。新天綠色能源（００９５６）?咗近７巴仙，報２﹒６９銀。風電設備大佬金風科技 （０２２０８）一樣急插近７巴仙，報１２﹒５４銀。 ＊新秀麗澄清沽壓仍好勁，阿爺鬧圈錢五洲即插水＊
新秀麗（０１９１０）噚日被Ｂｌｕｅ Ｏｒｃａ Ｃａｐｔｉａｌ狙擊後停賽，公司拿拿臨發澄清通告，否認沽空報告指控，仲話唔排除採取法律行動。可惜缸友都係投不信任票，今朝復賽後就齊齊掟貨，新秀麗收市又再插低逾１２巴仙收２６﹒９銀，成交又高達逾３０億銀，距離Ｂｌｕｅ Ｏｒｃａ噚日畀嘅１７﹒５９銀目標價又近咗了。 另一邊廂，五洲國際（０１３６９）雖然無被沽空機構狙擊，不過傷亡比新秀麗更加慘重，暴瀉近８５巴仙至０﹒０６８銀後就宣布停賽。事緣近日，人民日報系旗下《國際金融報》發布一篇文章，指公司同五豐演雙簧，多地配合玩「圈錢」遊戲。而五洲國際已經喺官網發嚴正聲明，話報道不實，將堅決採取法律手段維護企業名譽。有貨缸友要密切留意事情發展喇！ 仲有５月份焦點魚毛嘅民眾（００２７９），今個月股價蒸發逾九成後，今日總算收復ＤＤ失地，反擊近２８巴仙報０﹒１１１銀，重回「毫子一族」，成交約５億元銀。
＊石藥季績靚綠葉面青青，街坊開派對缸友急急追＊
醫藥佬又再次成為逆市奇葩，石藥（０１０９３）喺Ｌｕｎｃｈ個陣放榜，話今年首季賺多咗近４３巴仙，而大摩仲話石藥旗下一種醫癌症嘅藥物，可以威脅到主要競爭對手綠葉（０２１８６）。石藥下畫就不斷爆上，最多彈起８巴仙破頂，埋單都升咗近７巴仙，報２５﹒１銀，而綠葉就瞓低近６巴仙收９﹒１１銀。 街坊復星醫藥（０２１９６）（滬：６００１９６）噚晚宣布旗下一種用嚟醫淋巴瘤嘅藥物已經完全臨床試驗。雖然仲要等埋ＧＭＰ認證先可進行商業生產，但試驗過咗關，未來好大機會可以賣出去，成為公司另一個收入來源，帶動復藥全日爆上超過６巴仙，報４９﹒２５銀，而Ａ仔都彈起６巴仙。李氏大藥廠（００９５０）首季賺多咗五成，業績省鏡吸引唔少缸友避險，全日抽高近９巴仙，報１２﹒４２銀。其他街坊都有得坐吓順風車，威高股份（０１０６６）彈起近７巴仙，報６﹒６７銀；藥明生物（０２２６９）就抽高超過３巴仙，報８２﹒７５銀
＊阿里系炒完影業很疲倦，ＱＱ系腳軟閱文卻回暖＊
阿里同ＱＱ系噚日威盡魚缸，不過今日就已經無晒火，阿里影業（０１０６０）噚日大升逾三成後，今日急回近１１巴仙收市報１﹒０８銀，但其實如果低位入咗貨嘅缸友，都仲有錢落袋；兄弟阿里健康（００２４１）就跟住醫療佬逆市再衝高，但呢排升咗太多，收市只係漲不足１巴仙報６﹒９３銀，不過仍然企喺高位睇緊風景。 至於ＱＱ系入面，華誼騰訊（００４１９）、恆騰（００１３６）同華南城（０１６６８）都回吐番部分升幅，唔見１至５巴仙。反而曾經風光一時嘅閱文（００７７２）就跑出，踢高逾５巴仙報７０銀，向著５０天線（約７０﹒４５銀）邁進。之不過，回頭望番舊年１１月寫下嘅１１０銀「驚人」上市新高，真係車尾燈都望唔到呀。ＱＱ（００７００）則跌近１巴仙收４０４銀，再穿大股東掟貨價。 周末愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇