20/03/2018 17:21
《小傳日記》魚缸拗腰升，阿爺喺大廳！
《小傳日記》花旗國科網佬噚晚（１９日）畀淡友突襲，納指傷勢好嚴重，大跌１３７點或１﹒８巴仙，收７３４４點，係５個幾星期以來最差表現嘅一日。跌得咁勁，都係因為Ｆａｃｅｂｏｏｋ捲入５０００萬名用戶資料外洩嘅醜聞，搞到股價跳水近７巴仙。道指當然都難逃一跌，蒸發咗３３５點或１﹒４巴仙收２４６１０，標普都唔見逾１巴仙，傷。 外圍跌得咁勁，香江魚缸（２０日）今朝當然跟隨低開１９８點報３１３１５，失守５０天線（約３１３９５）。就連聽日放榜嘅科網大哥ＱＱ（００７００）有大摩高盛力撐，都曾受累瞓低，再加埋中資金融佬無力，大市最多挫３３０點報３１１８３，十天線都宣告失守（約３１２５９點）。 不過「唔使驚，阿爺喺大廳」，十三屆全國人大一次會議閉幕後，國務院總理李克強開金口，話歡迎互聯網企業回Ａ，ＱＱ當堂醒神晒，成功夾高逾１巴仙，亦帶動大市拗腰窄幅升３６點報３１５４９，十天同五十天線都失而復得；國指就仲要唔見６３點報１２５９７。 缸友炒股不炒市，全日魚缸成交都有近１２３５億銀。
＊炒回Ａ憧憬舜宇升得勁，軟件佬風騷金蝶創新高＊
舜宇（０２３８２）噚日收市後就放榜，舊年多賺１﹒２８倍，表現好過市場預期，不過由於大市初段無咩力，所以舜宇今朝一開市都係呆吓呆吓。好彩有大行畀個「Ｌｉｋｅ」，大和升目標至１８５銀，加上李克強就指歡迎互聯網企業回Ａ，舜宇即刻發力跳起近９巴仙，報１５９﹒８銀，最勁仲見過１６１﹒２銀破埋頂。街坊瑞聲（０２０１８）叨光都衝前４巴仙，報１５９銀。呢兩隻「手機設備孖寶」為升幅最勁兩隻藍戰士。 軟件股又落鑊，金蝶（００２６８）再飛過彈起７巴仙，報７﹒９２銀，高見８﹒０２銀又再創新高。街坊金軟（０３８８８）雖然無金蝶咁出位，不過喺聽日放榜前表現都非常好，仲見過３０銀，係２０１５年６月以嚟新高，但尾市就縮返Ｄ，只係踢高近１巴仙，埋單報２９﹒３銀。
＊ＱＱ終倒升高盛讚好醒，平保派成績缸友稍觀望＊
祖國十三屆全國人大一次會議閉幕後，李克強話歡迎互聯網企業回歸Ａ股，仲話要為境內創新創業企業上市，創造更有利嘅法律條件！聽日放榜嘅股王ＱＱ本來被質低見４５６銀，但聽到阿爺嘅呼喚，都隨即夾高倒升，同時高盛仲畀「最牛價」５５０銀添，最終全日踢高咗逾１巴仙，報４６６﹒６銀。唔知聽日派埋成績表之後，可唔可以衝破４７６﹒６銀新高呢？ 由ＱＱ分拆出來嘅閱文（００７７２）就唔好彩啦，雖然佢純利大升約１４倍至近６億人仔；同時仲畀大摩、花旗唱好，其中花旗仲畀９１﹒１銀「他屐」，但最終收市時都腳軟逾３巴仙，報７９﹒５銀。 平保（０２３１８）收市後放榜喇，今朝雖然隨市跌低，仲低見８９﹒４銀兼失守９０蚊關口，其後急起直追，但最終仍冇咗少於半個巴仙，報９１﹒２５銀。平保最新公布去年度利潤８９０﹒８８億人仔，同比增長近４３巴仙，遠遠高於孖屐預期嘅７６３億人仔，睇嚟平保變身「紅底股」指日可待。 孖屐有傳沙特阿美出年只會喺沙特交易所上市，生發發（００３８８）又受打擊垂頭喪氣，收市時冇咗逾１巴仙，報２７４銀，相當不幸呀！
＊藥佬開派對無貨流眼淚，石藥業績勁中藥復牌醒＊
要數今日最醒神嘅魚毛，又點可以唔提到醫藥佬呢。石藥（０１０９３）噚日中午派成績表，全年多賺３２巴仙，其後仲有多間大行爭住升佢「他屐」同唱好，搞到呢條魚毛愈升愈有，高見２３﹒１５銀破頂，埋單升１１巴仙，報２２﹒５銀，係最好表現國貨佬。 各位街坊都唔執輸，藥明生物（０２２６９）噚日公布舊年多賺八成後，今日都跟住一班兄弟衝前６巴仙報７５﹒７銀，叻！中生製藥（０１１７７）跳起近７巴仙報１６﹒６銀；綠葉製藥（０２１８６）一樣係一線明星主角，袋近１２巴仙走人，報７﹒９４銀。中國中藥（００５７０）向平安人壽折讓配股喎，今朝就復牌收漲近５巴仙，報５﹒７９銀。
＊瑞信送個讚中燃氣急彈，１００毛超購華文續高收＊
中燃氣（００３８４）黑馬姿態跑出，事關獲瑞信送個「讚」，維持「掃貨」評級，「他屐」３０蚊不變；雖然大摩只係畀「持平」，「他屐」２４銀不變（仲低過現價），但缸友跟好不跟壞，午後中燃氣繼續發威，收市時開心跳高咗逾９巴仙，報２７﹒６銀，日內仲曾經高見２７﹒７銀，創上市新高，叻！ 開心嘅仲有濱海（０２８８６），舊年全年多賺２９巴仙至逾２億銀，派息５﹒５仙！唔單止咁，今朝仲錄得５７５０萬銀市前交易，佔已發行股本約３巴仙，小傳都想知究竟邊位豪客咁捧場呢，最終尾市仍可保持升勢，彈高逾１２巴仙報１﹒８２銀。 搞《１００毛》雜誌同「毛記電視」嘅毛記葵涌（０１７１６）招股反應持續升溫，孖屐消息仲話，佢招股頭兩日累計孖展額已經達到２３５億銀，相當於超購２９００倍，熱爆呀！揸住毛記葵涌１０巴仙股份嘅萬華媒體（００４２６）噚日炒一炒今日就無晒鑊氣，全日跌低近２巴仙，埋單１﹒５２銀；萬華媒體阿媽世界華文（００６８５）今日就再接再厲，繼續坐箭升咗逾４０巴仙，報２﹒６９銀，勁。 兩位創板細魚毛，仁智（０８０８２）同壹家壹品（０８１０１）夠晒鑊氣，前者宣布要約結束，要約人揸住近６３巴仙股價，但公眾持股只得逾２４巴仙，未達上市規定，今日股價就炒到不亦樂乎，飛升逾七成報０﹒４６銀；後者就收市前失驚無神跑前近４６巴仙收０﹒３６銀，勁！請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊炒回Ａ憧憬舜宇升得勁，軟件佬風騷金蝶創新高＊
舜宇（０２３８２）噚日收市後就放榜，舊年多賺１﹒２８倍，表現好過市場預期，不過由於大市初段無咩力，所以舜宇今朝一開市都係呆吓呆吓。好彩有大行畀個「Ｌｉｋｅ」，大和升目標至１８５銀，加上李克強就指歡迎互聯網企業回Ａ，舜宇即刻發力跳起近９巴仙，報１５９﹒８銀，最勁仲見過１６１﹒２銀破埋頂。街坊瑞聲（０２０１８）叨光都衝前４巴仙，報１５９銀。呢兩隻「手機設備孖寶」為升幅最勁兩隻藍戰士。 軟件股又落鑊，金蝶（００２６８）再飛過彈起７巴仙，報７﹒９２銀，高見８﹒０２銀又再創新高。街坊金軟（０３８８８）雖然無金蝶咁出位，不過喺聽日放榜前表現都非常好，仲見過３０銀，係２０１５年６月以嚟新高，但尾市就縮返Ｄ，只係踢高近１巴仙，埋單報２９﹒３銀。
＊ＱＱ終倒升高盛讚好醒，平保派成績缸友稍觀望＊
祖國十三屆全國人大一次會議閉幕後，李克強話歡迎互聯網企業回歸Ａ股，仲話要為境內創新創業企業上市，創造更有利嘅法律條件！聽日放榜嘅股王ＱＱ本來被質低見４５６銀，但聽到阿爺嘅呼喚，都隨即夾高倒升，同時高盛仲畀「最牛價」５５０銀添，最終全日踢高咗逾１巴仙，報４６６﹒６銀。唔知聽日派埋成績表之後，可唔可以衝破４７６﹒６銀新高呢？ 由ＱＱ分拆出來嘅閱文（００７７２）就唔好彩啦，雖然佢純利大升約１４倍至近６億人仔；同時仲畀大摩、花旗唱好，其中花旗仲畀９１﹒１銀「他屐」，但最終收市時都腳軟逾３巴仙，報７９﹒５銀。 平保（０２３１８）收市後放榜喇，今朝雖然隨市跌低，仲低見８９﹒４銀兼失守９０蚊關口，其後急起直追，但最終仍冇咗少於半個巴仙，報９１﹒２５銀。平保最新公布去年度利潤８９０﹒８８億人仔，同比增長近４３巴仙，遠遠高於孖屐預期嘅７６３億人仔，睇嚟平保變身「紅底股」指日可待。 孖屐有傳沙特阿美出年只會喺沙特交易所上市，生發發（００３８８）又受打擊垂頭喪氣，收市時冇咗逾１巴仙，報２７４銀，相當不幸呀！
＊藥佬開派對無貨流眼淚，石藥業績勁中藥復牌醒＊
要數今日最醒神嘅魚毛，又點可以唔提到醫藥佬呢。石藥（０１０９３）噚日中午派成績表，全年多賺３２巴仙，其後仲有多間大行爭住升佢「他屐」同唱好，搞到呢條魚毛愈升愈有，高見２３﹒１５銀破頂，埋單升１１巴仙，報２２﹒５銀，係最好表現國貨佬。 各位街坊都唔執輸，藥明生物（０２２６９）噚日公布舊年多賺八成後，今日都跟住一班兄弟衝前６巴仙報７５﹒７銀，叻！中生製藥（０１１７７）跳起近７巴仙報１６﹒６銀；綠葉製藥（０２１８６）一樣係一線明星主角，袋近１２巴仙走人，報７﹒９４銀。中國中藥（００５７０）向平安人壽折讓配股喎，今朝就復牌收漲近５巴仙，報５﹒７９銀。
＊瑞信送個讚中燃氣急彈，１００毛超購華文續高收＊
中燃氣（００３８４）黑馬姿態跑出，事關獲瑞信送個「讚」，維持「掃貨」評級，「他屐」３０蚊不變；雖然大摩只係畀「持平」，「他屐」２４銀不變（仲低過現價），但缸友跟好不跟壞，午後中燃氣繼續發威，收市時開心跳高咗逾９巴仙，報２７﹒６銀，日內仲曾經高見２７﹒７銀，創上市新高，叻！ 開心嘅仲有濱海（０２８８６），舊年全年多賺２９巴仙至逾２億銀，派息５﹒５仙！唔單止咁，今朝仲錄得５７５０萬銀市前交易，佔已發行股本約３巴仙，小傳都想知究竟邊位豪客咁捧場呢，最終尾市仍可保持升勢，彈高逾１２巴仙報１﹒８２銀。 搞《１００毛》雜誌同「毛記電視」嘅毛記葵涌（０１７１６）招股反應持續升溫，孖屐消息仲話，佢招股頭兩日累計孖展額已經達到２３５億銀，相當於超購２９００倍，熱爆呀！揸住毛記葵涌１０巴仙股份嘅萬華媒體（００４２６）噚日炒一炒今日就無晒鑊氣，全日跌低近２巴仙，埋單１﹒５２銀；萬華媒體阿媽世界華文（００６８５）今日就再接再厲，繼續坐箭升咗逾４０巴仙，報２﹒６９銀，勁。 兩位創板細魚毛，仁智（０８０８２）同壹家壹品（０８１０１）夠晒鑊氣，前者宣布要約結束，要約人揸住近６３巴仙股價，但公眾持股只得逾２４巴仙，未達上市規定，今日股價就炒到不亦樂乎，飛升逾七成報０﹒４６銀；後者就收市前失驚無神跑前近４６巴仙收０﹒３６銀，勁！請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情