18/04/2019 17:20
《小傳日記》魚缸終失三萬關，復活節後勢難翻？
《小傳日記》隔晚（１７日）花旗魚缸繼續牛皮，雖然高通同蘋果嘅官司終於解決咗，刺激高通踢高１２巴仙，蘋果都抽高近２巴仙，但ＩＢＭ成績差過預期，最終道指軟３點報２６４４９點。標指收跌６點報２９００點。納指失守八千關，報７９９６微跌４點。 香江噚日成功守住三萬關，但今日始終敵唔過沽壓，復活節長假期前都要做軟腳蟹，今朝已經撻低３６點，報３００８８，之後跌幅反覆不斷，不過食晏之前已經穿咗三萬關。缸友們繼續炒股唔炒市，雖然手機設備佬明顯有水流入，但一眾大隻佬都要捱沽，港股尾段仲曾經挫最多２２７點，低見２９８９６，最終魚缸埋單收報２９９６３，跌１６１點或半巴仙，無力挽回三萬關兼失守埋十天線（約３０００６點）。全日主板成交得約９１２﹒３７億，可能缸友們已經預備放假放軟手腳，比噚日少咗逾１２巴仙。國貨收報１１７６８，縮水８０點或超過半巴仙。 Ａ場同樣下挫，上證收報３２５０點，縮水１２點，跌幅近半巴仙。深證收報１０２８７，亦縮水５６點，跌幅逾半巴仙，兩市成交７５３４億人仔。 香江大隻藍戰士都跣低，大象（００００５）縮水２亳半子，報６７﹒６銀。ＱＱ（００７００）跣低逾１巴仙，收報３９１﹒６銀。生發發（００３８８）縮水８亳子，報２７７﹒２銀。神州移動（００９４１）繼續行下跌軌，埋單唔見３亳子，報７５﹒７銀。ＡＩＡ（０１２９９）全日軟３亳子，報７９﹒７銀。不過，創科實業（００６６９）收市之前發力，高收近２巴仙，報５８﹒２５銀，係表現最好藍戰士。
＊鐵塔季績好買盤如潮湧，郭台銘參選個股升不斷＊
５Ｇ股雖然近日無乜人講，但隨住商用５Ｇ落實日子漸近，「孖屐」又靜雞雞落鑊，其中，鐵塔（００７８８）噚日收市後公布咗首季業績，大嗱嗱多賺超過兩倍，鐵塔股價即時飛高高，漲近５巴仙，收報２﹒２銀，係表現最好國貨佬，最新山頂位已經去到２﹒２４銀，勁！京信通信（０２３４２）升近半巴仙，收報２﹒１１銀。中興通訊（００７６３）同樣收高逾２巴仙，收報２６﹒７５銀。聯想集團（００９９２）彈起逾２巴仙，收報７﹒３銀。 傳咗咁耐，寶島有錢佬郭台銘終於話出嚟參選下屆總統，雖然係國民黨內部初選，但已經有唔少呼聲！連同佢旗下嘅股份都一齊吶喊助威，其中，富智康（０２０３８）曾大漲近六成，但收市洩氣升得６巴仙，報１﹒５銀。雲智匯（０１０３７）都升過兩成幾，但最後平收，報０﹒９４銀。鴻騰精密（０６０８８）倒跌２巴仙，報４﹒３３銀。訊智海（０８０５１）同樣倒跌近５巴仙，報７﹒９銀。
＊阿爺推消費家電佬強勢，升勢終退潮吉利急回調＊
神州發改委公布咗份推動汽車、家電實施方案嘅文件，仲喺「孖屐」流傳，具體措施包括買新型綠色，或者智能化家電產品，就可以有１３巴仙補貼，單台上限８００蚊人仔，家電佬知道之後即時醒神起哄。創維數碼（００７５１）最誇啦啦踢高近２巴仙，報２﹒７２銀。海爾電器（０１１６９）起哄升逾１巴仙，報２３﹒１５銀。ＴＣＬ電子（０１０７０）走高近１巴仙，報４﹒３８銀。海信家電（００９２１）撐實升唔夠半巴仙，報１１﹒１６銀。國美零售（００４９３）無乜表現，報０﹒８５銀。 車佬噚日就踩行油鏟高，但即使今日發改委有促進砵砵車消費措施，例如２０２０年底前免徵收二手砵砵車交易增值稅，一眾車佬都出現回吐。比亞迪（０１２１１）大插水近４巴仙，報５７﹒３５銀，係表現最差國貨佬！吉利（００１７５）縮水近４巴仙，報１８﹒１２銀，係表現最差藍戰士！廣汽（０２２３８）亦跣低近４巴仙，報１０﹒０２銀。長汽（０２３３３）撻低近２巴仙，報６﹒９７銀。北汽（０１９５８）走低逾１巴仙，報６﹒２７銀。東風（００４８９）軟近１巴仙，報８﹒５４銀。不過，華晨（０１１１４）就一支獨秀踢高逾４巴仙，報９﹒５９銀。
＊缸友急急放追住掟內房，癌藥納醫保藥佬全跌倒＊
神州評級佬中金估計，內房佬今年銷售同資金環境會好過預期，估值仲有進一步向上嘅空間，預測由按年跌７巴仙升到跌２巴仙，不過，內房佬今日普遍畀人追住掟。時代中國（０１２３３）配售逾１億股籌１５億半，收報１４﹒７銀，大瀉逾８巴仙，曾經低見１４﹒５２銀，創近月低位。中海外（００６８８）第一季經營溢利只係按年升咗逾５巴仙，收報２８﹒７５銀，插水近３巴仙，四連陰穿咗五十天線（約２９﹒２２３銀）。其餘內房佬今日表現曳曳，雅居樂（０３３８３）縮水近３巴仙，報１２﹒４８銀。龍光（０３３８０）亦跣低近３巴仙，報１２﹒９２銀。佳兆業（０１６３８）唔見咗逾２巴仙，報３﹒３８銀。世房（００８１３）仆低逾２巴仙，報２４﹒２５銀。 神州醫保局近幾日公布咗醫保目錄調整方案，預計今年１０月完成所有目錄調整，抗癌藥同急搶救用藥，都會優先納入目錄，即係呢幾類藥物可能會焗住要降價，醫藥佬當然唔開心跣低。藥明生物（０２２６９）插水逾４巴仙，報８０﹒２５銀。佢兄弟藥明康德（０２３５９）就縮逾１巴仙啫，報９８﹒９５銀。信達生物（０１８０１）剎車近３巴仙，三連陰累跌逾１４巴仙，報２５銀。中生製藥（０１１７７）跣低逾２巴仙，報７﹒８銀。石藥（０１０９３）撻低近２巴仙，報１５﹒３４銀。國藥（０１０９９）仆低逾１巴仙，報３１﹒５５銀。康哲藥業（００８６７）軟逾１巴仙，報７﹒１４銀。復活節假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊鐵塔季績好買盤如潮湧，郭台銘參選個股升不斷＊
５Ｇ股雖然近日無乜人講，但隨住商用５Ｇ落實日子漸近，「孖屐」又靜雞雞落鑊，其中，鐵塔（００７８８）噚日收市後公布咗首季業績，大嗱嗱多賺超過兩倍，鐵塔股價即時飛高高，漲近５巴仙，收報２﹒２銀，係表現最好國貨佬，最新山頂位已經去到２﹒２４銀，勁！京信通信（０２３４２）升近半巴仙，收報２﹒１１銀。中興通訊（００７６３）同樣收高逾２巴仙，收報２６﹒７５銀。聯想集團（００９９２）彈起逾２巴仙，收報７﹒３銀。 傳咗咁耐，寶島有錢佬郭台銘終於話出嚟參選下屆總統，雖然係國民黨內部初選，但已經有唔少呼聲！連同佢旗下嘅股份都一齊吶喊助威，其中，富智康（０２０３８）曾大漲近六成，但收市洩氣升得６巴仙，報１﹒５銀。雲智匯（０１０３７）都升過兩成幾，但最後平收，報０﹒９４銀。鴻騰精密（０６０８８）倒跌２巴仙，報４﹒３３銀。訊智海（０８０５１）同樣倒跌近５巴仙，報７﹒９銀。
＊阿爺推消費家電佬強勢，升勢終退潮吉利急回調＊
神州發改委公布咗份推動汽車、家電實施方案嘅文件，仲喺「孖屐」流傳，具體措施包括買新型綠色，或者智能化家電產品，就可以有１３巴仙補貼，單台上限８００蚊人仔，家電佬知道之後即時醒神起哄。創維數碼（００７５１）最誇啦啦踢高近２巴仙，報２﹒７２銀。海爾電器（０１１６９）起哄升逾１巴仙，報２３﹒１５銀。ＴＣＬ電子（０１０７０）走高近１巴仙，報４﹒３８銀。海信家電（００９２１）撐實升唔夠半巴仙，報１１﹒１６銀。國美零售（００４９３）無乜表現，報０﹒８５銀。 車佬噚日就踩行油鏟高，但即使今日發改委有促進砵砵車消費措施，例如２０２０年底前免徵收二手砵砵車交易增值稅，一眾車佬都出現回吐。比亞迪（０１２１１）大插水近４巴仙，報５７﹒３５銀，係表現最差國貨佬！吉利（００１７５）縮水近４巴仙，報１８﹒１２銀，係表現最差藍戰士！廣汽（０２２３８）亦跣低近４巴仙，報１０﹒０２銀。長汽（０２３３３）撻低近２巴仙，報６﹒９７銀。北汽（０１９５８）走低逾１巴仙，報６﹒２７銀。東風（００４８９）軟近１巴仙，報８﹒５４銀。不過，華晨（０１１１４）就一支獨秀踢高逾４巴仙，報９﹒５９銀。
＊缸友急急放追住掟內房，癌藥納醫保藥佬全跌倒＊
神州評級佬中金估計，內房佬今年銷售同資金環境會好過預期，估值仲有進一步向上嘅空間，預測由按年跌７巴仙升到跌２巴仙，不過，內房佬今日普遍畀人追住掟。時代中國（０１２３３）配售逾１億股籌１５億半，收報１４﹒７銀，大瀉逾８巴仙，曾經低見１４﹒５２銀，創近月低位。中海外（００６８８）第一季經營溢利只係按年升咗逾５巴仙，收報２８﹒７５銀，插水近３巴仙，四連陰穿咗五十天線（約２９﹒２２３銀）。其餘內房佬今日表現曳曳，雅居樂（０３３８３）縮水近３巴仙，報１２﹒４８銀。龍光（０３３８０）亦跣低近３巴仙，報１２﹒９２銀。佳兆業（０１６３８）唔見咗逾２巴仙，報３﹒３８銀。世房（００８１３）仆低逾２巴仙，報２４﹒２５銀。 神州醫保局近幾日公布咗醫保目錄調整方案，預計今年１０月完成所有目錄調整，抗癌藥同急搶救用藥，都會優先納入目錄，即係呢幾類藥物可能會焗住要降價，醫藥佬當然唔開心跣低。藥明生物（０２２６９）插水逾４巴仙，報８０﹒２５銀。佢兄弟藥明康德（０２３５９）就縮逾１巴仙啫，報９８﹒９５銀。信達生物（０１８０１）剎車近３巴仙，三連陰累跌逾１４巴仙，報２５銀。中生製藥（０１１７７）跣低逾２巴仙，報７﹒８銀。石藥（０１０９３）撻低近２巴仙，報１５﹒３４銀。國藥（０１０９９）仆低逾１巴仙，報３１﹒５５銀。康哲藥業（００８６７）軟逾１巴仙，報７﹒１４銀。復活節假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情