20/06/2019 17:10
《小傳日記》利率暫不變，減息年底見；魚缸升似箭，重上百天線
《小傳日記》花旗國聯儲局噚晚又開完會，今次同「孖屐」預計一樣，維持利率唔變，但今年年尾最多可能減息５０個點子，消息當然令到隔晚花旗魚缸繼續踢高啦！香江方面今朝都跟住起哄，踢高咗１０６點之後，雖然升幅一度縮水至５５點，低見２８２５８，但Ａ場同人仔愈升愈有，內銀同內險佬全線回勇，帶動魚缸愈彈愈高，喺埋單前更一度最高見２８５６３點，鏟高３６１點，最終魚缸以接近全日最高位埋單，報２８５５０，升３４８點或逾１巴仙，上返５０天線同１００天線水平（２８５０８點左右），全日成交９７７﹒５９億銀少咗逾７巴仙。 國貨佬指數方面，收報１０９２２，升１５７點或逾１巴仙，距離上番一萬一關差一步。 Ａ場同樣踩行油，上證收報２９８７，升６９點或逾２巴仙，深證收報９１３４，升２０９點或逾２巴仙，兩市成交６０３０億人仔。 大隻藍戰士枕住有得升，大象（００００５）無因為減息預期拖後腳，輕微踢高５仙，報６５﹒２銀。生發發（００３８８）下個月會推出「界內證」，全日只係升４毫，報２７８﹒２銀。遊戲分析公司Ｎｉｋｏ Ｐａｒｔｎｅｒ話，「和平精英」有機會帶嚟１０億美金收入，ＱＱ（００７００）即時叉足電踢高近２巴仙，報３５４銀。ＡＩＡ（０１２９９）管理層話延期年金銷售成績唔錯，全日彈起近３巴仙，報８２﹒０５銀。神州移動（００９４１）就踢高逾半巴仙，報７０﹒２５銀。 坊間話花旗國貿易代表萊特希澤同財長努欽，將會喺Ｇ２０峰會前見神州國務院副總理劉鶴，但中美嘅好消息似乎已經畀香江「孖屐」消化晒，創科實業（００６６９）全日回吐逾１巴仙，報５８﹒５５銀，係表現最差藍戰士啊，慘！
＊摩笛聲奏起５Ｇ佬歡喜，藥明生物彈醫藥佬上攀＊ 侵侵前晚一個電話令到中美關係破冰，其實現時「孖屐」亦都有傳華為會成為「習特會」其中一議題，喺華為禁止有望緩和之下，一眾５Ｇ佬今日都造好啊！加上大摩話貿易戰可能會加速神州採購５Ｇ設備嘅速度，設備供應商可能因而受惠，仲建議增持中興（００７６３），喺摩笛吹奏下，中興今日升逾３巴仙，報２２﹒４５銀。鐵塔（００７８８）今日亦上返２蚊，大升４巴仙，報２﹒０６銀。南方通信（０１６１７）亦升２巴仙，報４﹒５９銀。京信通信（０２３４２）漲逾３巴仙，報１﹒７９銀。長飛光纖（０６８６９）就微升逾１巴仙，報１６銀。 醫藥佬就似乎個個都硬淨，之前被老細拆讓半成掟貨嘅藥明生物（０２２６９）今日就彈返近４巴仙，報７３﹒３５銀。兩隻藍戰士醫藥佬齊齊有２巴仙進帳，石藥（０１０９３）收報１２﹒４銀，中生製藥（０１１７７）就報７﹒７８銀。其他醫藥佬方面，康哲藥業（００８６７）亦揚逾２巴仙，報６﹒７５銀。石四藥（０２００５）同復星醫藥（０２１９６）齊齊走高近３巴仙，分別報７﹒０９銀同２３﹒２５銀。不過，國藥（０１０９９）就跣低２巴仙，報２７﹒４５銀，仲要係表現最差國貨佬，慘！
＊平保再回購股價未升夠，上證有睇頭券商走勢牛＊
平保（０２３１８）呢兩日差不多洗咗近１４億人仔回購Ａ股，連續幾日都撐起股價表現，加上佢旗下「壹帳通」又話要去花旗國上市，相信破紅底指日可待啦，全日埋單再漲近４巴仙，報９４﹒３５銀，盤中最高見９４﹒９銀，創１７個月新高！。另一隻孖寶國壽（０２６２８）都受帶挈急升逾３巴仙，報１９﹒３８銀。太保（０２６０１）飛起近４巴仙，報３１﹒４５銀。財險（０２３２８）升近２巴仙，報８﹒６１銀。新華保險（０１３３６）抽高近６巴仙，報３７﹒８５銀，係表現最好嘅國貨佬！ Ａ股連日反彈，連上證都就重返三千點關口，相信係因為Ｇ２０國峰會中美首腦會面，刺激神州「孖屐」交投旺盛。華泰六八八六（０６８８６）今日再飛起近半成，報１３﹒６８銀，兼且已經連升四日，加埋彈起逾一成八，勁！中信証券（０６０３０）再發力漲逾４巴仙，報１６﹒０２銀。廣發證券（０１７７６）升近４巴仙，報１６﹒０２銀。國泰君安（０２６１１）升近３巴仙，報１３﹒８銀。海通證券（０６８３７）漲４巴仙，報８﹒７９銀。
＊補貼更豪爽車佬向上闖，人仔連日彈鐵鳥比個讚＊
神州成都市財政局、經濟同信息化局等五個部門喺星期二（１８日）發布新能源車嘅補貼標準，即係喺中央財政嘅補貼基礎上，會額外加多五成補貼。雖然國泰君安今日出嚟撥冷水，話神州某啲地區將會喺下月１日實施國六排放標準，有關實施會為經銷商帶嚟利潤壓力，又將佢哋嘅行業評級評為「中性」，但消息阻止唔到砵砵車大佬走高嘅決心。吉利（００１７５）彈高近半成，報１３﹒３４銀，喺全日最叻嘅藍戰士。五菱（００３０５）同華晨（０１１１４）分別走高約４巴仙，前者報０﹒４１銀，後者則報８﹒５９銀。北汽（０１９５８）漲４巴仙，報４﹒７１銀。長汽（０２３３３）升近２巴仙，報５﹒６７銀。 人仔連日走高，離岸人仔（ＣＮＨ）今日更高見６﹒８６２２。加上油價偏軟，帶動鐵鳥全線飛高，東航（００６７０）彈半成，報４﹒８１銀。國航（００７５３）跟住飛高近半成，報８﹒０６銀。南航（０１０５５）踢高近７巴仙，報５﹒６３銀。屐飛（００２９３）跟升１巴仙，報１１﹒５４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊摩笛聲奏起５Ｇ佬歡喜，藥明生物彈醫藥佬上攀＊ 侵侵前晚一個電話令到中美關係破冰，其實現時「孖屐」亦都有傳華為會成為「習特會」其中一議題，喺華為禁止有望緩和之下，一眾５Ｇ佬今日都造好啊！加上大摩話貿易戰可能會加速神州採購５Ｇ設備嘅速度，設備供應商可能因而受惠，仲建議增持中興（００７６３），喺摩笛吹奏下，中興今日升逾３巴仙，報２２﹒４５銀。鐵塔（００７８８）今日亦上返２蚊，大升４巴仙，報２﹒０６銀。南方通信（０１６１７）亦升２巴仙，報４﹒５９銀。京信通信（０２３４２）漲逾３巴仙，報１﹒７９銀。長飛光纖（０６８６９）就微升逾１巴仙，報１６銀。 醫藥佬就似乎個個都硬淨，之前被老細拆讓半成掟貨嘅藥明生物（０２２６９）今日就彈返近４巴仙，報７３﹒３５銀。兩隻藍戰士醫藥佬齊齊有２巴仙進帳，石藥（０１０９３）收報１２﹒４銀，中生製藥（０１１７７）就報７﹒７８銀。其他醫藥佬方面，康哲藥業（００８６７）亦揚逾２巴仙，報６﹒７５銀。石四藥（０２００５）同復星醫藥（０２１９６）齊齊走高近３巴仙，分別報７﹒０９銀同２３﹒２５銀。不過，國藥（０１０９９）就跣低２巴仙，報２７﹒４５銀，仲要係表現最差國貨佬，慘！
＊平保再回購股價未升夠，上證有睇頭券商走勢牛＊
平保（０２３１８）呢兩日差不多洗咗近１４億人仔回購Ａ股，連續幾日都撐起股價表現，加上佢旗下「壹帳通」又話要去花旗國上市，相信破紅底指日可待啦，全日埋單再漲近４巴仙，報９４﹒３５銀，盤中最高見９４﹒９銀，創１７個月新高！。另一隻孖寶國壽（０２６２８）都受帶挈急升逾３巴仙，報１９﹒３８銀。太保（０２６０１）飛起近４巴仙，報３１﹒４５銀。財險（０２３２８）升近２巴仙，報８﹒６１銀。新華保險（０１３３６）抽高近６巴仙，報３７﹒８５銀，係表現最好嘅國貨佬！ Ａ股連日反彈，連上證都就重返三千點關口，相信係因為Ｇ２０國峰會中美首腦會面，刺激神州「孖屐」交投旺盛。華泰六八八六（０６８８６）今日再飛起近半成，報１３﹒６８銀，兼且已經連升四日，加埋彈起逾一成八，勁！中信証券（０６０３０）再發力漲逾４巴仙，報１６﹒０２銀。廣發證券（０１７７６）升近４巴仙，報１６﹒０２銀。國泰君安（０２６１１）升近３巴仙，報１３﹒８銀。海通證券（０６８３７）漲４巴仙，報８﹒７９銀。
＊補貼更豪爽車佬向上闖，人仔連日彈鐵鳥比個讚＊
神州成都市財政局、經濟同信息化局等五個部門喺星期二（１８日）發布新能源車嘅補貼標準，即係喺中央財政嘅補貼基礎上，會額外加多五成補貼。雖然國泰君安今日出嚟撥冷水，話神州某啲地區將會喺下月１日實施國六排放標準，有關實施會為經銷商帶嚟利潤壓力，又將佢哋嘅行業評級評為「中性」，但消息阻止唔到砵砵車大佬走高嘅決心。吉利（００１７５）彈高近半成，報１３﹒３４銀，喺全日最叻嘅藍戰士。五菱（００３０５）同華晨（０１１１４）分別走高約４巴仙，前者報０﹒４１銀，後者則報８﹒５９銀。北汽（０１９５８）漲４巴仙，報４﹒７１銀。長汽（０２３３３）升近２巴仙，報５﹒６７銀。 人仔連日走高，離岸人仔（ＣＮＨ）今日更高見６﹒８６２２。加上油價偏軟，帶動鐵鳥全線飛高，東航（００６７０）彈半成，報４﹒８１銀。國航（００７５３）跟住飛高近半成，報８﹒０６銀。南航（０１０５５）踢高近７巴仙，報５﹒６３銀。屐飛（００２９３）跟升１巴仙，報１１﹒５４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》講述被情緒困擾真實個案，情緒病最終如何走出低谷？► 即睇