《開市Ｇｏｏｄ　Ｍｏｒｎｉｎｇ》魚缸琴日經歷大升市後，今日表現仍然硬淨！魚缸早段曾瀉逾２００點，其後跌幅顯著收窄，尾市仲倒升１３點，收報２４９６５點。按周計，魚缸今個星期漲５８２點，連升五個星期。美中不足嘅係，今日魚缸上試兩萬五關失敗，大市成交額仲按日減少一成八，至約１５００幾億元。魚缸下星期能否乘勝追擊，突破呢個關口？　　發改委印發《促進綠色消費實施方案》，提出逐步取消各地新能源車輛購買限制，加強充換電、新型儲能、加氫等基礎設施建設。不過，國策對汽車股刺激作用不大，比亞迪（０１２１１）更逆市跌０﹒１％。車股幾時先有望復甦？據報寧德時代（深：３００７５０）因供貨不穩及欠缺海外生產基地而爆發棄用潮，電池供應商比亞迪（０１２１１）、贛鋒鋰業（０１７７２）能否搶佔寧德時代的市佔率？　　下星期一（２４日），《開市Ｇｏｏｄ　Ｍｏｒｎｉｎｇ》搵嚟光大證券國際財富管理策略師溫傑，同大家分析上述股份、大市走勢，同埋當日嘅焦點股！歡迎大家提問投資及其他股票問題。　　記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟（ｈｔｔｐｓ：╱╱ｙｏｕｔｕ﹒ｂｅ╱Ｌ９５ＦＤｔｎＷ２６Ｕ）打個卡先又得！

　

etnet榮獲HKEX Awards 2023 「最佳表現證券數據供應商」大獎► 了解詳情