05/08/2020 11:45
《古臣周記–古臣》提早部署5G手機潮,瑞聲光學業務惹憧憬!
《古臣周記》第三季係傳統手機嘅銷售旺季,雖然今年疫情緣故,蘋果新「唉瘋」唔能夠喺九月順利面世,要推遲幾個星期到十月先出到,但由於係蘋果首款5G手機,所以孖屐都非常期待。不過,近排啲手機設備都已經升咗唔少,好似鏡頭龍頭製造商舜宇光學(02382)已經升抵今年年初高位,而同業瑞聲科技(02018)亦都已經重上返60銀嘅水平,仲係咪買入嘅時機呢? 經歷首季疫情嘅衝擊,全球手機出貨量按季大跌一成三,跌至2013年以來最低嘅水平,亦都係史上最大跌幅。不過,受惠於神州手機孖屐喺次季強勁復甦,帶動華為手機出貨量成為全球第一,而蘋果在華嘅出貨量更出現按季同按年分別有兩成半同三成半嘅驚人升幅。不過,第二季手機強勁復甦嘅利好消息相信已經消化得七七八八,要帶動股價更上一層樓需密切關注第三季嘅手機銷售同需求,當中阿臣認為,5G手機將成為其中一個催化劑。
*神州5G普及不成問題,料今年5G機孖屐暢旺* 如果缸友仲有印象,應該記得今年年初手機設備佬落鑊都係因為今年係「5G元年」,咁喺疫情蔓延之下,神州5G建設同5G手機普及嘅進展有無受影響呢?今年神州三大電訊商目標係全年開通超過60萬個5G基站,而直至六月底,官方數字顯示,三大電訊商已完成開通逾40萬個基站,要完成餘下基站數目絕對無難度,而且仲好可能超額完成。 同時,神州5G手機嘅普及度都逐步提升,5G手機佔整體出貨量由3月嘅不足三成,提升至今年6月嘅逾六成。有外資大行早前已將今明年5G手機出貨量上修至2﹒25億、5﹒25億部,仲話今年神州係主力嘅孖屐,料出年神州5G機滲透率可以達到八成。而寶島手機晶片設計及製造商聯發科預測,今年5G市場發展暢旺,全年5G手機出貨量維持預計1﹒7億至2億部嘅看法,而且好可能貼近上方,到出年有機會再增長一倍幾。
*鏡頭升級為兵家爭奪之地,瑞聲掌晶圓級玻璃技術*
喺眾多手機設備股當中,古臣比較睇好鏡頭股,因為今年多部品牌旗鑑機都主打多鏡頭,好似今日舉行產品發佈會嘅三星,當中Galaxy Note 20系列除咗可能推出唔同尺寸嘅折疊屏幕之外,仲會配備三個鏡頭。而備受矚目嘅蘋果「唉瘋12」,據報道指將加入光學雷達掃描儀鏡頭,共配備四鏡頭,而最大嘅亮點之一就係由邊框再次回歸至平整設計,相信可以吸引唔少「果粉」入場。 講到鏡頭股,龍頭舜宇光學當然前景唔錯,但古臣今日就想重點講下隻蘋果概念股瑞聲科技。上月瑞聲光學業務引入小米(01810)同OPPO等品牌製造商作為戰略投資者,其光學業務勾起古臣嘅注意力。睇返集團今年首季業績,光學業務嘅增長逾六成一,只佔整體收入近7巴仙,而且毛利率亦都係大約10巴仙。而第二季度月產量已接近6千萬,料第三季可以達到億隻規模。而舜宇六月手機鏡頭出貨量就大約1﹒2億隻。 而講到技術,瑞聲目前嘅6P同7P塑膠鏡頭已分別同客戶達成合作協定,及開始客戶導入,並期望喺今年第四季實現量產。而集團獨有嘅晶圓級玻璃(「WLG」)產品亦將陸續量產,玻璃鏡頭同目前普遍使用嘅塑膠鏡頭相比,可以提高解析度、減少照片周邊變形,以及增加廣角。 據內媒引述瑞聲嘅管理層預計,其光學鏡頭毛利率可以喺第二季達到三成,預計6月有望達到四成。不過,大行瑞信就認為,雖然次季光學業務嘅毛利率將按季改善,但唔會達到三成。
*瑞聲可吼低位買入,中線可望72銀*
阿臣認為,蘋果第二季手機出貨量表現較預期好,相信瑞聲次季嘅業績都可以接受,再加上5G手機熱潮,以及未來嘅鏡頭業務值得憧憬,建議可以搵位買入瑞聲,並作中線部署。睇返個公仔圖,瑞聲喺現價水平約62銀似乎等待緊突破嘅機會,不過呢排孖屐嘅走勢都係反覆偏弱,所以短期有見「雙頂」嘅可能性。保險起見,應該趁回落至20天線約58銀先買,只要唔跌穿呢轉升浪約52銀嘅起步點都可以繼續持有,中線目標可以上望今年高位72銀。 至於阿臣個倉,平安好醫生(01833)、微盟(02013)今年累積升幅已經逾倍,而自買入至今都有唔錯升幅,所以打算短期分別到達140銀同12銀先行獲利。
表列截至8月5日阿臣投資組合表現: 股份 股數 平均買入價(元) 現價(元) 總值(元) --------------------------------------- 港股: SPDR金ETF 10股 1097﹒00 1466﹒50 14665 平安好醫生 200股 52﹒90 130﹒40 26080 阿里巴巴 200股 210﹒50 254﹒80 50960 微盟集團 2000股 4﹒55 10﹒94 21880 三一國際 2000股 4﹒11 4﹒01 8020 港交所 100股 264﹒50 383﹒80 38380 --------------------------------------- 股票市值 : 159985元 剩餘現金 : 76454元 組合淨值 : 236439元 組合本月收益表現: + 1﹒4%(截至上月底止組合淨值:233074元) 組合累計收益表現: +125﹒2%(本金105000元計)(2016年8月開倉) *數據截至今日11:20am
*神州5G普及不成問題,料今年5G機孖屐暢旺* 如果缸友仲有印象,應該記得今年年初手機設備佬落鑊都係因為今年係「5G元年」,咁喺疫情蔓延之下,神州5G建設同5G手機普及嘅進展有無受影響呢?今年神州三大電訊商目標係全年開通超過60萬個5G基站,而直至六月底,官方數字顯示,三大電訊商已完成開通逾40萬個基站,要完成餘下基站數目絕對無難度,而且仲好可能超額完成。 同時,神州5G手機嘅普及度都逐步提升,5G手機佔整體出貨量由3月嘅不足三成,提升至今年6月嘅逾六成。有外資大行早前已將今明年5G手機出貨量上修至2﹒25億、5﹒25億部,仲話今年神州係主力嘅孖屐,料出年神州5G機滲透率可以達到八成。而寶島手機晶片設計及製造商聯發科預測,今年5G市場發展暢旺,全年5G手機出貨量維持預計1﹒7億至2億部嘅看法,而且好可能貼近上方,到出年有機會再增長一倍幾。
*鏡頭升級為兵家爭奪之地,瑞聲掌晶圓級玻璃技術*
喺眾多手機設備股當中,古臣比較睇好鏡頭股,因為今年多部品牌旗鑑機都主打多鏡頭,好似今日舉行產品發佈會嘅三星,當中Galaxy Note 20系列除咗可能推出唔同尺寸嘅折疊屏幕之外,仲會配備三個鏡頭。而備受矚目嘅蘋果「唉瘋12」,據報道指將加入光學雷達掃描儀鏡頭,共配備四鏡頭,而最大嘅亮點之一就係由邊框再次回歸至平整設計,相信可以吸引唔少「果粉」入場。 講到鏡頭股,龍頭舜宇光學當然前景唔錯,但古臣今日就想重點講下隻蘋果概念股瑞聲科技。上月瑞聲光學業務引入小米(01810)同OPPO等品牌製造商作為戰略投資者,其光學業務勾起古臣嘅注意力。睇返集團今年首季業績,光學業務嘅增長逾六成一,只佔整體收入近7巴仙,而且毛利率亦都係大約10巴仙。而第二季度月產量已接近6千萬,料第三季可以達到億隻規模。而舜宇六月手機鏡頭出貨量就大約1﹒2億隻。 而講到技術,瑞聲目前嘅6P同7P塑膠鏡頭已分別同客戶達成合作協定,及開始客戶導入,並期望喺今年第四季實現量產。而集團獨有嘅晶圓級玻璃(「WLG」)產品亦將陸續量產,玻璃鏡頭同目前普遍使用嘅塑膠鏡頭相比,可以提高解析度、減少照片周邊變形,以及增加廣角。 據內媒引述瑞聲嘅管理層預計,其光學鏡頭毛利率可以喺第二季達到三成,預計6月有望達到四成。不過,大行瑞信就認為,雖然次季光學業務嘅毛利率將按季改善,但唔會達到三成。
*瑞聲可吼低位買入,中線可望72銀*
阿臣認為,蘋果第二季手機出貨量表現較預期好,相信瑞聲次季嘅業績都可以接受,再加上5G手機熱潮,以及未來嘅鏡頭業務值得憧憬,建議可以搵位買入瑞聲,並作中線部署。睇返個公仔圖,瑞聲喺現價水平約62銀似乎等待緊突破嘅機會,不過呢排孖屐嘅走勢都係反覆偏弱,所以短期有見「雙頂」嘅可能性。保險起見,應該趁回落至20天線約58銀先買,只要唔跌穿呢轉升浪約52銀嘅起步點都可以繼續持有,中線目標可以上望今年高位72銀。 至於阿臣個倉,平安好醫生(01833)、微盟(02013)今年累積升幅已經逾倍,而自買入至今都有唔錯升幅,所以打算短期分別到達140銀同12銀先行獲利。
表列截至8月5日阿臣投資組合表現: 股份 股數 平均買入價(元) 現價(元) 總值(元) --------------------------------------- 港股: SPDR金ETF 10股 1097﹒00 1466﹒50 14665 平安好醫生 200股 52﹒90 130﹒40 26080 阿里巴巴 200股 210﹒50 254﹒80 50960 微盟集團 2000股 4﹒55 10﹒94 21880 三一國際 2000股 4﹒11 4﹒01 8020 港交所 100股 264﹒50 383﹒80 38380 --------------------------------------- 股票市值 : 159985元 剩餘現金 : 76454元 組合淨值 : 236439元 組合本月收益表現: + 1﹒4%(截至上月底止組合淨值:233074元) 組合累計收益表現: +125﹒2%(本金105000元計)(2016年8月開倉) *數據截至今日11:20am
etnet榮獲HKEX Awards 2023 「最佳表現證券數據供應商」大獎► 了解詳情