《開市Ｇｏｏｄ　Ｍｏｒｎｉｎｇ》如果講聽日（１９日）港股嘅焦點，相信會落喺股份業績到，當中，就包括舜宇光學（０２３８２）同埋小米（０１８１０）。　　先講隻藍籌－－舜宇，佢上個月中就發咗盈警，估計去年度少賺一成二至一成半。不過，呢兩日股價都有得升，累計升幅近８巴仙。　　缸友唔好唔記得，佢之前中期業績之後，股價形成咗個大裂口，至今都未回補返。雖然今次放榜前發咗盈警，俾咗個心理準備大家，但業績差喺事實嚟，對投資者嚟講都唔喺好事。不過，有唔少大行又唔太悲觀，包括美銀美林、中金同埋大和等都畀舜宇超過１００銀嘅目標價，究竟佢幾時先至可以企穩呢個水平，做返隻「紅底股」呢？　　至於小米，「孖屐」對佢份業績睇法就比較參差，最差嘅就睇佢去年仲有虧損，而最好嘅，就估計佢扭虧為盈，轉賺超過１２０億人仔。究竟仲喺蝕定已經有錢賺？依家「孖屐」主要關注佢手機、物聯網同埋互聯網收入，呢幾方面業務睇唔睇好？績前買入又係咪合適？　　以今日（１８日）小米１１﹒９銀嘅收市價，同１７銀嘅招股價比較，仲有三成距離，究竟小米幾時先可以重返家鄉？而董事長雷軍講嘅，「要令第一日買入小米嘅投資者賺一倍」，又幾時可以做得到？　　聽日「開市Ｇｏｏｄ　Ｍｏｒｎｉｎｇ」，請嚟艾德證券期貨聯席董事陳政深，同大家詳細分析以上問題，請大家萬勿錯過。　　記住聽日８：５５ａｍ，準時ｃｌｉｃｋ入ｗｗｗ﹒ｅｔｎｅｔ﹒ｃｏｍ﹒ｈｋ或ｈｔｔｐ：╱╱ｆｂ﹒ｍｅ╱ｅｔｎｅｔ﹒ｃｏｍ﹒ｈｋ，昅實《經濟通》ＮｅｗｓＴＶ全新直播節目－－開市Ｇｏｏｄ　Ｍｏｒｎｉｎｇ喇！

　　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情