16/01/2018 17:58
《小傳日記》魚缸爆升創收市記錄，史上新高話咁快就到！
《小傳日記》魚缸牛氣沒法擋，噚日（１５日）十四連升雖然斷咗纜，但都完全無阻好友挑戰史上新高嘅決心！今日（１６日）香江魚缸開市已經反擊８４點，之後簡直如入無人境地，生發發（００３８８）爆升近６巴仙，祖國錢莊建工中行手牽手跳起３至４巴仙，ＱＱ（００７００）又夾高２﹒５巴仙。最終恆指以全日高位３１９０４完場，率先寫下收市新高，飆升５６５點或１﹒８巴仙，距離３１９５８史上最高位只係得５４點，真係聽朝一開波話咁快就到！ 再睇埋Ａ場表現，明顯已經守穩３４００點，今日更發力彈起近１巴仙收３４３６點；難怪國指相當風騷，一班中資金融佬領軍，以２﹒５巴仙升幅或３１６點跑贏大市，收１２７８７。勁！ 今日大升市仲要有成交配合，全日錄得超過１６４６億銀大成交，缸友今晚真係要唞足精神，聽日睇實魚缸，準備見證史上最強一刻吧！
＊ＱＱ拍ＬＥＧＯ平保創新高，生意做唔停生發發風騷＊
股王ＱＱ今日多多新聞，首先公司宣布同Ｌｅｇｏ公司合作開發兒童網上遊戲，另外有傳出同蘋果公司達成共識，將ｉＯＳ設備恢復微信打賞功能，同埋市傳ＱＱ投資嘅快手尋求融資約１０億美金。連串好消息之下，ＱＱ開心衝前近３巴仙，報４４４﹒２銀，睇個勢話咁快又將破頂！ 市道咁旺，當然唔少得經營魚缸嘅生發發啦，行政總裁李小加仲話，今年係推Ａ場衍生產品嘅好時機！之前已經傳出多間大企業打算嚟香江上市；當中，小米上市計劃仲愈來愈多消息傳出，話好大機會揀香江上場添！再加上平保（０２３１８）嗰邊又有消息，傳嚟緊分拆陸金所上市。總之，生發發做生意都做到手軟，今日好給力，跳起近６巴仙，報２８８﹒４銀！ 平保就聽到摩笛起飛，大摩升「他屐」近三成，股價飛起近３巴仙，報９０﹒６５銀，盤中高見９１銀創新高！ 神州消費股亦繼續成為大市動力，蒙牛（０２３１９）衝前４巴仙，報２４﹒５５銀。青啤（００１６８）、雨潤（０１０６８）亦有近４巴仙至１４巴仙進帳，報４７﹒６５銀、１﹒２１銀。
＊錢莊再破頂氣勢果然勁，升幅近一成萬科甚精靈＊
神州錢莊近來真係夠晒靚仔，阿爺話去槓桿之下粒粒都係升市巨星。當中招行（０３９６８）早前獲中銀國際唱好，今日就高見３６﹒２５銀創上市新高；街坊建行（００９３９）、工行（０１３９８）亦都分別高見８﹒１３銀、６﹒８８銀齊齊破頂，三者埋單分別有３巴仙至４巴仙進帳，各自報３６銀、８﹒１３銀、６﹒８７銀，成個魚缸變咗佢哋嘅遊樂場！ 神州磚頭噚日雖然跌得比較多，但係今日反攻返上去。萬科（０２２０２）（深：０００００２）早幾日獲摩通送上祝福，升目標至１０銀，今日Ａ場創逾十年高，Ｈ股呢邊跳起逾９巴仙，報４２﹒２銀，榮升全球最大市值磚頭佬添，恭喜晒！ 仲有，阿爺開展新一輪土地利用總體規劃編制試點工作，碧桂園（０２００７）、雅居樂（０３３８３）分別飛起３巴仙同逾４巴仙，報１７﹒７８銀、１３﹒７銀。 禹洲（０１６２８）以３８億人仔，買咗沿海家園（０１１２４）喺瀋陽同埋天津嘅土地。結果禹洲就剷高逾１４巴仙，報５﹒５８銀；而沿海就仍然停牌。
＊希瑪再飛升認真夠吸睛，宏橋突抽水粉絲頭擰擰＊
超購逾１５６８倍嘅焦點新丁希瑪（０３３０９）入缸翌日依然狀態大勇，成為缸友掃貨對象！今日再飆高近４４巴仙，報７﹒３５銀，日內最高見７﹒４４銀，高招股價２﹒９銀約１﹒６倍。如果你忍得手仲未沽，唔計手續費，每手帳面賺９０８０銀。勁呀！ 所謂「有人歡喜，就有人愁」！宏橋（０１３７８）今日重投魚缸呢個大家庭，就以「先舊後新」配股抽水６２億銀，折讓約１０巴仙，粉絲當然唔開心，決定走貨好過！完場時逆市無咗近７巴仙，報９﹒９９銀！ 泊埋去淘寶中國嘅高鑫零售（０６８０８），獲麥格理升「他屐」，由１０銀升至１４銀，評級續予「掃貨」，收市時就急升約８巴仙，報９﹒２６銀。另外，之前佢同淘寶單「大刁」已經係上周五（１２日）截咗止啦，完成後缸友仍繼續持有近７２巴仙股權。
＊賭股高高高瑞聲卻憔悴，至愛當炒股中興多人追＊
「手機雙雄」之一嘅瑞聲（０２０１８）就唔好彩喇，大升市之日，被缸友急急拋貨，全日無癮收挫約３巴仙，埋單１３９﹒７銀，係表現最差嘅藍籌股；而街坊舜宇（０２３８２）就比較幸運，本來跌緊約３巴仙，但午後有力上返去，全日升近３巴仙，報１１０﹒８銀。 仲有，《經濟通》新欄「至愛當炒股」今日貼隻中興（００７６３），隻股飛起７％。「至愛當炒股」星期二及五出街，大家要昅實啦！ 唔知係迷農曆新年就快嚟到，憧憬馬交賭收可見反彈，博彩佬例牌都會被缸友列入重點掃貨名單，當中銀娛（０００２７）就被大行瑞信視為行業首選，預料去年第四季嘅中場業務增長達１５巴仙至１６巴仙，繼續畀佢「掃貨」評級，「他屐」就畀７９銀。完場時銀娛仍飛高約２巴仙，報６３﹒１５銀；至於街坊永利（０１１２８）就繼續造好，全日剷高逾４巴仙，報２５﹒４銀；美高梅（０２２８２）亦圍埋一齊開Ｐａｒｔｙ添，全日衝前近２巴仙，報２４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊ＱＱ拍ＬＥＧＯ平保創新高，生意做唔停生發發風騷＊
股王ＱＱ今日多多新聞，首先公司宣布同Ｌｅｇｏ公司合作開發兒童網上遊戲，另外有傳出同蘋果公司達成共識，將ｉＯＳ設備恢復微信打賞功能，同埋市傳ＱＱ投資嘅快手尋求融資約１０億美金。連串好消息之下，ＱＱ開心衝前近３巴仙，報４４４﹒２銀，睇個勢話咁快又將破頂！ 市道咁旺，當然唔少得經營魚缸嘅生發發啦，行政總裁李小加仲話，今年係推Ａ場衍生產品嘅好時機！之前已經傳出多間大企業打算嚟香江上市；當中，小米上市計劃仲愈來愈多消息傳出，話好大機會揀香江上場添！再加上平保（０２３１８）嗰邊又有消息，傳嚟緊分拆陸金所上市。總之，生發發做生意都做到手軟，今日好給力，跳起近６巴仙，報２８８﹒４銀！ 平保就聽到摩笛起飛，大摩升「他屐」近三成，股價飛起近３巴仙，報９０﹒６５銀，盤中高見９１銀創新高！ 神州消費股亦繼續成為大市動力，蒙牛（０２３１９）衝前４巴仙，報２４﹒５５銀。青啤（００１６８）、雨潤（０１０６８）亦有近４巴仙至１４巴仙進帳，報４７﹒６５銀、１﹒２１銀。
＊錢莊再破頂氣勢果然勁，升幅近一成萬科甚精靈＊
神州錢莊近來真係夠晒靚仔，阿爺話去槓桿之下粒粒都係升市巨星。當中招行（０３９６８）早前獲中銀國際唱好，今日就高見３６﹒２５銀創上市新高；街坊建行（００９３９）、工行（０１３９８）亦都分別高見８﹒１３銀、６﹒８８銀齊齊破頂，三者埋單分別有３巴仙至４巴仙進帳，各自報３６銀、８﹒１３銀、６﹒８７銀，成個魚缸變咗佢哋嘅遊樂場！ 神州磚頭噚日雖然跌得比較多，但係今日反攻返上去。萬科（０２２０２）（深：０００００２）早幾日獲摩通送上祝福，升目標至１０銀，今日Ａ場創逾十年高，Ｈ股呢邊跳起逾９巴仙，報４２﹒２銀，榮升全球最大市值磚頭佬添，恭喜晒！ 仲有，阿爺開展新一輪土地利用總體規劃編制試點工作，碧桂園（０２００７）、雅居樂（０３３８３）分別飛起３巴仙同逾４巴仙，報１７﹒７８銀、１３﹒７銀。 禹洲（０１６２８）以３８億人仔，買咗沿海家園（０１１２４）喺瀋陽同埋天津嘅土地。結果禹洲就剷高逾１４巴仙，報５﹒５８銀；而沿海就仍然停牌。
＊希瑪再飛升認真夠吸睛，宏橋突抽水粉絲頭擰擰＊
超購逾１５６８倍嘅焦點新丁希瑪（０３３０９）入缸翌日依然狀態大勇，成為缸友掃貨對象！今日再飆高近４４巴仙，報７﹒３５銀，日內最高見７﹒４４銀，高招股價２﹒９銀約１﹒６倍。如果你忍得手仲未沽，唔計手續費，每手帳面賺９０８０銀。勁呀！ 所謂「有人歡喜，就有人愁」！宏橋（０１３７８）今日重投魚缸呢個大家庭，就以「先舊後新」配股抽水６２億銀，折讓約１０巴仙，粉絲當然唔開心，決定走貨好過！完場時逆市無咗近７巴仙，報９﹒９９銀！ 泊埋去淘寶中國嘅高鑫零售（０６８０８），獲麥格理升「他屐」，由１０銀升至１４銀，評級續予「掃貨」，收市時就急升約８巴仙，報９﹒２６銀。另外，之前佢同淘寶單「大刁」已經係上周五（１２日）截咗止啦，完成後缸友仍繼續持有近７２巴仙股權。
＊賭股高高高瑞聲卻憔悴，至愛當炒股中興多人追＊
「手機雙雄」之一嘅瑞聲（０２０１８）就唔好彩喇，大升市之日，被缸友急急拋貨，全日無癮收挫約３巴仙，埋單１３９﹒７銀，係表現最差嘅藍籌股；而街坊舜宇（０２３８２）就比較幸運，本來跌緊約３巴仙，但午後有力上返去，全日升近３巴仙，報１１０﹒８銀。 仲有，《經濟通》新欄「至愛當炒股」今日貼隻中興（００７６３），隻股飛起７％。「至愛當炒股」星期二及五出街，大家要昅實啦！ 唔知係迷農曆新年就快嚟到，憧憬馬交賭收可見反彈，博彩佬例牌都會被缸友列入重點掃貨名單，當中銀娛（０００２７）就被大行瑞信視為行業首選，預料去年第四季嘅中場業務增長達１５巴仙至１６巴仙，繼續畀佢「掃貨」評級，「他屐」就畀７９銀。完場時銀娛仍飛高約２巴仙，報６３﹒１５銀；至於街坊永利（０１１２８）就繼續造好，全日剷高逾４巴仙，報２５﹒４銀；美高梅（０２２８２）亦圍埋一齊開Ｐａｒｔｙ添，全日衝前近２巴仙，報２４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇