10/12/2018 17:43
《小傳日記》花旗市真爛，香江連跌慘；油佬逆勢漲，潤地撻得傷！
《小傳日記》上星期五（７日）花旗國又再愁雲慘霧啦！道指再度急瀉５５８點，當地媒體引述侵侵（特朗普）嘅身邊人士指，侵侵日日望實個市，並指責呢個係聯儲局責任，而ＶＩＸ恐慌曾經過升過２４，市場不安情緒令到大家都好擔心。道指收５５８點，跌幅逾２個巴仙，收報２４３３８點。納指跌２１９點，跌３巴仙，收報６９６９點。標普跌６２點，幅度亦有逾２巴仙，收報２６３３點。 香江魚缸又同花旗國一齊鬥跌得多，恆指今日低開２６８點後之後繼續急跌，並一度低見２５５７０點，插水４９２點。醫藥股又被拋售，而可能近日香江賣樓情況麻麻，本地地產股再度回吐，好在班油佬終於肯減產，所以油股都略略反彈。恆指最終收報２５７５２點，跌３１１點，跌幅１巴仙有多，連跌四日累挫千五點，全日主板成交額近７０６億銀減少近三成。國企指數收報１０２７３點，跌９６點，跌近１巴仙。 神州Ａ場都係慢慢下沉，上證收報２５８４點，跌２１點，跌近１巴仙。深證收報７６２４點，跌１０９點，跌逾１巴仙。 大隻藍戰士都係身子變弱，ＱＱ（００７００）跌近１巴仙，收報３０８銀。ＡＩＡ（０１２９９）跌近２巴仙，報６１﹒９銀。中移動（００９４１）跌近１巴仙，收報７６﹒９５銀。大象（００００５）升一格報６３﹒７５銀。生發發（００３８８）跌近２巴仙，收報２２５﹒４銀。
＊六內銀被罰股價無核突，潤地跌得狠內房無人問＊
神州銀保監又再記小過啦！呢次有６間銀行因虛增存款規模和濫用客戶資金，所以合共被罰１﹒５６億人仔，其中有５間都係有向香江上市，可能罰款金額都係太少，所以股價都無太大波動。其中浙商銀行（０２０１６）無升跌，報４﹒２５銀。民生銀行（０１９８８）跌逾半個巴仙，報５﹒５４銀。中信銀行（００９９８）升一格報４﹒７５銀。光大銀行（０６８１８）跌逾１巴仙，報３﹒４２銀。交通銀行（０３３２８）無升跌，報５﹒８５銀。 內房股不停尋底就變咗「新常態」，潤地（０１１０９）早一排人事大變天，有傳ＣＥＯ吳向東過檔去華夏幸福，而俞建就辭任公司執行董事及執行委員會成員，加埋人仔再跌，潤地股價都危險，全日挫近４巴仙，收報２８﹒１銀，為最差藍戰事。其他內房方面，中海外（００６８８）跌近２巴仙，報２６銀；世房（００８１３）跌逾３巴仙，報１８﹒５８銀；「四條三」恆大（０３３３３）無升跌，報２５蚊。
＊藥股又失靈藥明跌唔停，國指有新貴鐵塔有氣勢＊
神州上個禮拜公布咗藥品帶量採購中標結果，但中標同唔中標嘅醫藥佬賺嘅錢都較以往少咗好多，而中金就話，中生製藥（０１１７７）旗下兩個中標產品相比當前全國最低價嘅降幅達九成三同六成五，而石藥（０１０９３）更加係冇中標，搞到佢地近呢幾日都上演直線插水戲碼。雖然中金認為上述事件對藥企下年業績影響有限，但缸友都係繼續掟貨散水，朝早仲一眾藍戰士入面排緊包尾嘅石藥，下晝之後跌少咗，全日埋單唔見咗超過３巴仙，報１２﹒７６銀。中生製藥跣低近２巴仙，報５﹒２９銀。藥明生物（０２２６９）獲交銀國際撐腰，話有創新配套業務嘅藥企可以抵禦仿制藥價格下降，更維持佢嘅「掃貨」評級，但佢要照捱沽，兼仲要係表現最差嘅醫藥佬，全日急插超過一成半，報４９﹒９銀。其他街坊好似石四藥（０２００５）都勁跌近７巴仙，報６﹒６９銀。 神州鐵塔（００７８８）今日起「升呢」做國貨佬兼成為港股通買賣名單，全日逆市勁升超過３巴仙，報１﹒２８銀，係表現最好嘅國貨佬！神州火煱一哥海底撈（０６８６２）同易居（０２０４８）今日起都被納入北水可買賣名單，前者就彈起３巴仙，報１７﹒７２銀；後者就腳軟唔見咗１亳子，報１３﹒０６銀。
＊舜宇終反彈信利亦甩難，大刁冇沖喜安踏未彈起＊
神州手機鏡頭大佬舜宇（０２３８２）喺上個禮拜五公布咗１１月鏡頭出貨量數據，受惠華為同小米嘅手機愈嚟愈賣得，舜宇上個月出咗９０８９萬件手機鏡頭，按年多咗近五成九，野村都唱好，話數據好過預期，維持「掃貨」評級，「他屐」９０蚊。舜宇上個禮拜插咗一成一後，今日逆市反彈３巴仙，報６９﹒３５銀，仲要係表現最好嘅藍戰士！不過，又係搞鏡頭嘅丘鈦（０１４７８）就冇運行，跣低超過４巴仙，報４﹒２３銀。瑞聲（０２０１８）就硬淨Ｄ，只係跌半巴仙，報５０﹒５銀。其他街坊都有得搭順風車，信利（００７３２）跳起超過４巴仙，報１﹒２４銀。 神州波鞋一哥安踏（０２０２０）近排有一單大「刁」，就係同神州網絡巨企ＱＱ（００７００）及其他公司合組嘅財團收購芬蘭體育品牌Ａｍｅｒ Ｓｐｏｒｔｓ，安踏同ＱＱ就分別出資１５﹒４億歐元同１﹒５億歐元，安踏都話呢單「刁」可以提升公司嘅每股盈利，富瑞都唱好埋一份，維持佢嘅「掃貨」評級，「他屐」４８蚊。不過，缸友似乎對呢單「刁」冇乜興趣，但好彩嘅係只係跌咗近１巴仙，報３６﹒０５銀。 其他街坊同安踏一樣都冇乜點郁，特步（０１３６８）同３６１度（０１３６１）各自唔見咗超過半巴仙，報４﹒１５銀同１﹒８５銀。至於跟三葉草（Ａｄｉｄａｓ）同Ｎｉｋｅ搵食嘅製鞋一哥裕元（００５５１）就碌低２巴仙，報２２﹒１銀。
＊三桶油回落缸友感錯愕，壇金飆三成買咗確係醒＊ 嘩嘩嘩！講咗好咁耐嘅油組（ＯＰＥＣ）減產終於有定案，上星期油組及非油組國家「一錘定音」同意下年將日產量削減１２０萬桶，１月先減產每日８０萬桶，而非ＯＰＥＣ產油國就將額外減產每日４０萬桶，到下年４月再檢討，換言之減產最少會持續六個月，上星期五油價升逾２巴仙，「三桶油」今日都齊齊逆市上漲，三個最少都升近２巴仙，不過隨住紐油今日回吐「三桶油」午後已經回吐部份升幅，中海油（００８８３）今日最多升過２巴仙見１３﹒０８銀，但隨後只係升不足半巴仙，報１２﹒８２銀，中石油（００８５７）開市已經係全日高位見５﹒４１銀，隨後回落，全日升近１巴仙，報５﹒３６銀；中石化（００３８６）跌一格報６﹒４銀。 花旗國嗰邊經濟數據唔多好，令市場預測聯儲局將會減慢加息，美元繼續走弱，加上環球魚缸咁動盪，資金都轉去黃金避險，令到金礦股今日彈起，好似壇金礦業（００６２１）連升五日，今日再一支陽燭上，飆近三成三，以近全日高位０﹒０８１銀收市，勁！招金（０１８１８）都漲逾３巴仙，報７﹒６５銀；山東黃金（０１７８７）揚逾２巴仙，報１８﹒４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊六內銀被罰股價無核突，潤地跌得狠內房無人問＊
神州銀保監又再記小過啦！呢次有６間銀行因虛增存款規模和濫用客戶資金，所以合共被罰１﹒５６億人仔，其中有５間都係有向香江上市，可能罰款金額都係太少，所以股價都無太大波動。其中浙商銀行（０２０１６）無升跌，報４﹒２５銀。民生銀行（０１９８８）跌逾半個巴仙，報５﹒５４銀。中信銀行（００９９８）升一格報４﹒７５銀。光大銀行（０６８１８）跌逾１巴仙，報３﹒４２銀。交通銀行（０３３２８）無升跌，報５﹒８５銀。 內房股不停尋底就變咗「新常態」，潤地（０１１０９）早一排人事大變天，有傳ＣＥＯ吳向東過檔去華夏幸福，而俞建就辭任公司執行董事及執行委員會成員，加埋人仔再跌，潤地股價都危險，全日挫近４巴仙，收報２８﹒１銀，為最差藍戰事。其他內房方面，中海外（００６８８）跌近２巴仙，報２６銀；世房（００８１３）跌逾３巴仙，報１８﹒５８銀；「四條三」恆大（０３３３３）無升跌，報２５蚊。
＊藥股又失靈藥明跌唔停，國指有新貴鐵塔有氣勢＊
神州上個禮拜公布咗藥品帶量採購中標結果，但中標同唔中標嘅醫藥佬賺嘅錢都較以往少咗好多，而中金就話，中生製藥（０１１７７）旗下兩個中標產品相比當前全國最低價嘅降幅達九成三同六成五，而石藥（０１０９３）更加係冇中標，搞到佢地近呢幾日都上演直線插水戲碼。雖然中金認為上述事件對藥企下年業績影響有限，但缸友都係繼續掟貨散水，朝早仲一眾藍戰士入面排緊包尾嘅石藥，下晝之後跌少咗，全日埋單唔見咗超過３巴仙，報１２﹒７６銀。中生製藥跣低近２巴仙，報５﹒２９銀。藥明生物（０２２６９）獲交銀國際撐腰，話有創新配套業務嘅藥企可以抵禦仿制藥價格下降，更維持佢嘅「掃貨」評級，但佢要照捱沽，兼仲要係表現最差嘅醫藥佬，全日急插超過一成半，報４９﹒９銀。其他街坊好似石四藥（０２００５）都勁跌近７巴仙，報６﹒６９銀。 神州鐵塔（００７８８）今日起「升呢」做國貨佬兼成為港股通買賣名單，全日逆市勁升超過３巴仙，報１﹒２８銀，係表現最好嘅國貨佬！神州火煱一哥海底撈（０６８６２）同易居（０２０４８）今日起都被納入北水可買賣名單，前者就彈起３巴仙，報１７﹒７２銀；後者就腳軟唔見咗１亳子，報１３﹒０６銀。
＊舜宇終反彈信利亦甩難，大刁冇沖喜安踏未彈起＊
神州手機鏡頭大佬舜宇（０２３８２）喺上個禮拜五公布咗１１月鏡頭出貨量數據，受惠華為同小米嘅手機愈嚟愈賣得，舜宇上個月出咗９０８９萬件手機鏡頭，按年多咗近五成九，野村都唱好，話數據好過預期，維持「掃貨」評級，「他屐」９０蚊。舜宇上個禮拜插咗一成一後，今日逆市反彈３巴仙，報６９﹒３５銀，仲要係表現最好嘅藍戰士！不過，又係搞鏡頭嘅丘鈦（０１４７８）就冇運行，跣低超過４巴仙，報４﹒２３銀。瑞聲（０２０１８）就硬淨Ｄ，只係跌半巴仙，報５０﹒５銀。其他街坊都有得搭順風車，信利（００７３２）跳起超過４巴仙，報１﹒２４銀。 神州波鞋一哥安踏（０２０２０）近排有一單大「刁」，就係同神州網絡巨企ＱＱ（００７００）及其他公司合組嘅財團收購芬蘭體育品牌Ａｍｅｒ Ｓｐｏｒｔｓ，安踏同ＱＱ就分別出資１５﹒４億歐元同１﹒５億歐元，安踏都話呢單「刁」可以提升公司嘅每股盈利，富瑞都唱好埋一份，維持佢嘅「掃貨」評級，「他屐」４８蚊。不過，缸友似乎對呢單「刁」冇乜興趣，但好彩嘅係只係跌咗近１巴仙，報３６﹒０５銀。 其他街坊同安踏一樣都冇乜點郁，特步（０１３６８）同３６１度（０１３６１）各自唔見咗超過半巴仙，報４﹒１５銀同１﹒８５銀。至於跟三葉草（Ａｄｉｄａｓ）同Ｎｉｋｅ搵食嘅製鞋一哥裕元（００５５１）就碌低２巴仙，報２２﹒１銀。
＊三桶油回落缸友感錯愕，壇金飆三成買咗確係醒＊ 嘩嘩嘩！講咗好咁耐嘅油組（ＯＰＥＣ）減產終於有定案，上星期油組及非油組國家「一錘定音」同意下年將日產量削減１２０萬桶，１月先減產每日８０萬桶，而非ＯＰＥＣ產油國就將額外減產每日４０萬桶，到下年４月再檢討，換言之減產最少會持續六個月，上星期五油價升逾２巴仙，「三桶油」今日都齊齊逆市上漲，三個最少都升近２巴仙，不過隨住紐油今日回吐「三桶油」午後已經回吐部份升幅，中海油（００８８３）今日最多升過２巴仙見１３﹒０８銀，但隨後只係升不足半巴仙，報１２﹒８２銀，中石油（００８５７）開市已經係全日高位見５﹒４１銀，隨後回落，全日升近１巴仙，報５﹒３６銀；中石化（００３８６）跌一格報６﹒４銀。 花旗國嗰邊經濟數據唔多好，令市場預測聯儲局將會減慢加息，美元繼續走弱，加上環球魚缸咁動盪，資金都轉去黃金避險，令到金礦股今日彈起，好似壇金礦業（００６２１）連升五日，今日再一支陽燭上，飆近三成三，以近全日高位０﹒０８１銀收市，勁！招金（０１８１８）都漲逾３巴仙，報７﹒６５銀；山東黃金（０１７８７）揚逾２巴仙，報１８﹒４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情