31/03/2023 16:55
《開市Good Morning》溫傑周一講大市、餐飲股
《開市Good Morning》孖屐仲等緊今晚花旗公布2月個人物價開支(PCE),以揣測聯儲局息口去向,香江魚缸飆四百點後升幅顯著收窄,埋單升唔夠一百點,50天線(現處20618)得而復失。總結今年第一季,魚缸累漲618點或3﹒1巴仙。即將踏入四月份,魚缸仲有無得升?下個禮拜得返三日市,孖屐會唔會跟住「放假」無方向? 疫後社會逐步回復正常,民眾「報復性出行」增加,加上假日概念,唔少神州餐飲股都交出唔錯成績表!奈雪的茶(02150)去年虧損大降至4﹒7億人仔,全日大升一成七。海底撈(06862)仲叻!舊年純利約13﹒74億人仔,2021年度虧損41﹒63億人仔,即係話公司轉虧為盈,重新派末期股息每股11﹒6港仙。神州餐飲股股價近期都「硬淨」,疫情復甦仲可以炒幾耐?餐飲業最壞時候已經過去?想追貨又應該吼邊隻? 下周一(3日)《開市Good Morning》搵嚟凱基亞洲投資策略部主管溫傑,同大家分析上述股份、大市走勢!歡迎大家提問投資及其他股票問題。記得準時8:55am,昅實《經濟通》NewsTV直播節目--《開市Good Morning》喇!或者click入嚟https:╱╱www﹒youtube﹒com╱watch?v=-R6ZhNLgGRk打個卡先又得!
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動