16/10/2019 17:37
《小傳日記》施政報告稍驚喜，磚頭港鐵有鑊氣！
《小傳日記》今個月過咗一半，花旗國魚毛第三季嘅成績表開始公布，表現暫時都唔錯，帶動道指隔晚（１５日）踢高２３７點。香江魚缸今朝（１６日）都跟住高開４９點，報２６５５３點，有傳米字國同歐盟就「脫歐」問題嘅分歧收窄，長和（００００１）曾經領漲帶動大市氣氛，加上本地磚頭佬喺《施政報告》公布之前有追捧，魚缸曾經高見２６６９８，鏟高１９４點。 不過，奶媽（林鄭月娥）今朝１１點去到立法會兩次畀議員打斷，最終奶媽午收前咩都公布唔到，魚缸升幅收窄至２點午收。不過，奶媽決定中午喺禮賓府透過播片發表報告，魚缸午後後再踩行油，本地磚頭佬再次鏟高，最終魚缸全日埋單報２６６６４，鏟高１６０點或逾半巴仙，主板成交約８２３億銀增多近９巴仙。國貨收報１０５３２，走高３２點。 Ａ場變軟腳蟹，上證綜指報２９７８撻低１２點或近半巴仙。深成指報９６４２跣低２９點或近半巴仙，兩市成交約４２３５億銀人仔。 大隻藍戰士方面，有傳大象（００００５）請咗花旗投行Ｌａｚａｒｄ賣法蘭西零售銀行業務，全日收高１毫半子，報６０﹒１銀。ＱＱ（００７００）畀大和降「他屐」到４１０銀，重申「買貨」評級，收升逾半巴仙，報３３１銀。生發發（００３８８）進帳２毫子，報２３６﹒２銀。上個月信貸數據好過預期，建行（００９３９）收高兩格，報６﹒２８銀。神州移動（００９４１）挫逾１巴仙，報６５﹒１銀。ＡＩＡ（０１２９９）今日有多宗大手買賣，全日鏟高近２巴仙，報７５﹒０５銀，成交金額高逾４５億銀。
＊房策成重點磚頭佬脫險，港府出新政領展今回升＊ 施政報告提出以《土地收回條例》收返７００公頃私人土地，用嚟增加公營房屋嘅供應，私人房屋土地預計因此少咗，同時宣布「土地共享先導計劃」最快下年可以接受申請，刺激本地磚頭佬齊齊反彈，新世界（０００１７）飆逾４巴仙，報１０﹒７６銀，係升幅最大嘅藍戰士。恆地（０００１２）走高近３巴仙，報３８﹒２５銀。新地（０００１６）揚近３巴仙，報１１５﹒２銀。長實（０１１１３）漲逾２巴仙，報５３﹒６５銀。政府加快三個鐵路項目進度，港鐵（０００６６）急漲近３巴仙，報４４﹒９５銀。 香江政府計劃推出多項增加土地供應措施，有望暫時紓緩社會嘅民怨，穩定政局，房託隨孖屐走高。領展（００８２３）急升近３巴仙，報８４﹒３５銀。置富產業信託（００７７８）踢高近３巴仙，報９﹒１銀。冠君產業信託（０２７７８）漲逾１巴仙，報５﹒０８銀。陽光房產基金（００４３５）起哄近４巴仙，報５﹒２１銀。泓富產業信託（００８０８）無升跌，報２﹒９２銀。
＊安踏朵最響體品福齊享，神州磚頭勁物管齊爭勝＊
近排弗若斯沙利文報告話，按照上年零售總額嚟計，神州喺世界第二大嘅運動鞋服零售「孖屐」，仲要喺世界上增長最快嘅主要「孖屐」之一。所以大部分體品佬嗰大勢仲未完，其中，安踏（０２０２０）就鏟起逾４巴仙，報７５﹒６５銀，仲喺表現最佳嘅國貨佬，盤中見７５﹒９銀除咗創上市新高！特步（０１３６８）起飛逾３巴仙，報５﹒２１銀。３６１度（０１３６１）跳起逾２巴仙，報１﹒８３銀。神州動向（０３８１８）無升跌，報０﹒９銀。「體操王子」李寧（０２３３１）跳彈半巴仙，報２６﹒９銀。 神州磚頭佬今日表現醒神，「四條三」恆大（０３３３３）炒起４個巴仙，報１８﹒６６銀；潤地（０１１０９）升近３巴仙報３６﹒５５銀，鍵見３６﹒６銀上市新高，勁！碧桂園（０２００７）亦升近２巴仙報１０﹒７８銀。 神州磚頭旺，順勢帶挈埋物管佬跳起，雅生活服務（０３３１９）朝早有大手吸納７２萬股交叉盤，涉資近１５６１萬銀，埋單保持住嗰勢，起飛近４巴仙，報２２﹒１５銀。彩生活（０１７７８）彈近１巴仙，報４﹒１８銀。永升生活服務（０１９９５）踼高逾２巴仙，報４﹒１７銀。綠城服務（０２８６９）及新城悅服務（０１７５５）各輕跳約１巴仙及半巴仙，分別收報７﹒８３銀及８﹒３４銀。
＊花旗油庫剩油佬唔生性，有難要同當煤佬肝膽喪＊
三桶油唔生性，缸友收到風花旗國原油庫存預期可能會大增，搞到個個都碌低晒，中石油（００８５７）碌低唔夠１巴仙，報４﹒０８銀。中石化（００３８６）跌兩格報４﹒６４銀。中海油（００８８３）就唔跟大隊，高兩格收報１１﹒８６銀。 煤炭佬亦都一擔擔，但佢同石油佬都「有福同享，有難同當」而全線趴低。藍戰士神華（０１０８８）插落近３巴仙，報１５﹒５８銀，係全日表現最差嘅藍戰士同國貨佬。兗州煤業（０１１７１）跌近１巴仙，報８﹒０２銀。中煤能源（０１８９８）都係跌逾半個巴仙，報３﹒１８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊房策成重點磚頭佬脫險，港府出新政領展今回升＊ 施政報告提出以《土地收回條例》收返７００公頃私人土地，用嚟增加公營房屋嘅供應，私人房屋土地預計因此少咗，同時宣布「土地共享先導計劃」最快下年可以接受申請，刺激本地磚頭佬齊齊反彈，新世界（０００１７）飆逾４巴仙，報１０﹒７６銀，係升幅最大嘅藍戰士。恆地（０００１２）走高近３巴仙，報３８﹒２５銀。新地（０００１６）揚近３巴仙，報１１５﹒２銀。長實（０１１１３）漲逾２巴仙，報５３﹒６５銀。政府加快三個鐵路項目進度，港鐵（０００６６）急漲近３巴仙，報４４﹒９５銀。 香江政府計劃推出多項增加土地供應措施，有望暫時紓緩社會嘅民怨，穩定政局，房託隨孖屐走高。領展（００８２３）急升近３巴仙，報８４﹒３５銀。置富產業信託（００７７８）踢高近３巴仙，報９﹒１銀。冠君產業信託（０２７７８）漲逾１巴仙，報５﹒０８銀。陽光房產基金（００４３５）起哄近４巴仙，報５﹒２１銀。泓富產業信託（００８０８）無升跌，報２﹒９２銀。
＊安踏朵最響體品福齊享，神州磚頭勁物管齊爭勝＊
近排弗若斯沙利文報告話，按照上年零售總額嚟計，神州喺世界第二大嘅運動鞋服零售「孖屐」，仲要喺世界上增長最快嘅主要「孖屐」之一。所以大部分體品佬嗰大勢仲未完，其中，安踏（０２０２０）就鏟起逾４巴仙，報７５﹒６５銀，仲喺表現最佳嘅國貨佬，盤中見７５﹒９銀除咗創上市新高！特步（０１３６８）起飛逾３巴仙，報５﹒２１銀。３６１度（０１３６１）跳起逾２巴仙，報１﹒８３銀。神州動向（０３８１８）無升跌，報０﹒９銀。「體操王子」李寧（０２３３１）跳彈半巴仙，報２６﹒９銀。 神州磚頭佬今日表現醒神，「四條三」恆大（０３３３３）炒起４個巴仙，報１８﹒６６銀；潤地（０１１０９）升近３巴仙報３６﹒５５銀，鍵見３６﹒６銀上市新高，勁！碧桂園（０２００７）亦升近２巴仙報１０﹒７８銀。 神州磚頭旺，順勢帶挈埋物管佬跳起，雅生活服務（０３３１９）朝早有大手吸納７２萬股交叉盤，涉資近１５６１萬銀，埋單保持住嗰勢，起飛近４巴仙，報２２﹒１５銀。彩生活（０１７７８）彈近１巴仙，報４﹒１８銀。永升生活服務（０１９９５）踼高逾２巴仙，報４﹒１７銀。綠城服務（０２８６９）及新城悅服務（０１７５５）各輕跳約１巴仙及半巴仙，分別收報７﹒８３銀及８﹒３４銀。
＊花旗油庫剩油佬唔生性，有難要同當煤佬肝膽喪＊
三桶油唔生性，缸友收到風花旗國原油庫存預期可能會大增，搞到個個都碌低晒，中石油（００８５７）碌低唔夠１巴仙，報４﹒０８銀。中石化（００３８６）跌兩格報４﹒６４銀。中海油（００８８３）就唔跟大隊，高兩格收報１１﹒８６銀。 煤炭佬亦都一擔擔，但佢同石油佬都「有福同享，有難同當」而全線趴低。藍戰士神華（０１０８８）插落近３巴仙，報１５﹒５８銀，係全日表現最差嘅藍戰士同國貨佬。兗州煤業（０１１７１）跌近１巴仙，報８﹒０２銀。中煤能源（０１８９８）都係跌逾半個巴仙，報３﹒１８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情