《開市Ｇｏｏｄ　Ｍｏｒｎｉｎｇ》香江魚缸又跌啦！今朝低開９３點明明最多升１１點，一度重上萬六關，可惜未能跟隨Ａ股向好，反覆向下跌穿１５９００水平，收市勁跌２０３點報１５８７８點，成交無睇頭得返７７７億銀。兔年得返半日市，想「兔」氣揚眉無乜可能，不過照咁睇魚缸隨市頹到「龍」時？面對ＡＨ魚缸持續疲弱，在農曆新年前再見中央積極表態支持，中央匯金將加大ＥＴＦ增持力度及規範，對大市產生一定維穩作用，但長假後的政策利率安排都值得期待，年後再出招機會大唔大？　　神州近排興起「賣樓換租屋」的趨勢，唔少３５歲以上、原本係有樓一族的民眾，有感「揸Ｃａｓｈ比磚頭更安心」而呢個情況在一線城市情況尤其明顯，理論上呢批民眾唔使再供樓後，可以釋放一部分消費力出來，對經濟反而有幫助？　　據報國藥（０１０９９）打算再度爭取將旗下中國中藥（００５７０）私有化，刺激中國中藥股價在星期二同三大幅拉升，今日仲停左牌，表示涉及收購合併事宜內幕消息。私有化理論上應該係好事？對公司業務發展影響又大唔大？　　聽日（９日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｊＰｐｅ５ＴＦｖＧｕ８打個卡先又得！

etnet健康網購 | 6月限定優惠【送：明目藍莓精華36:1】乙樽► 火速行動