21/09/2017 17:23
《小傳日記》下月終縮表，ＱＥ再見了；迪仔與中金，齊做風頭躉！
《小傳日記》耶倫姨姨開完議息會議後，喺香江時間今日（２１日）凌晨宣布維持息率不變，一如孖屐預期；而全城睇到實嘅「縮表」，亦有晒計劃喇！同大家估計嘅一樣，下個月開始啟動，每個月縮減規模最多１００億美金。不過，有一點要留意，耶倫姨姨已比咗Ｔｉｐｓ大家，今年底前應該會加息一次架，而普遍缸友就估喺１２月會加，大家要Ｍａｒｋ低１２月１２日及１３日議息日子喺月曆到喇！ 既然議息結果同預期無落差，香江魚缸就繼續炒股不炒市，恆指仍然喺二萬八關整固，埋單微跌１７點報２８１１０；國指贏馬鼻，升２４點報１１１９８。 魚毛方面，噚日獲摩通吹起嘅迪仔（０１２１１）今日拉埋囝囝比亞迪電子（００２８５）再做風頭躉，引入股王ＱＱ（００７００）嘅中金（０３９０８）炒起超過１８巴仙，獲「大劉」太太睇中嘅佳兆業（０１６３８）爆升逾兩成，都成為孖屐焦點！ 有咁多炒作主題，全日魚缸成交都唔會少得去邊，完場錄得近１０８５億銀。
＊迪仔開Ｔｕｒｂｏ阿仔冇走寶，投行升目標天能向上飆＊
電動砵砵車升起上嚟真係擋都擋唔住，當比亞迪喺９月頭仲喺５０蚊樓下成隻蟹咁之際，阿爺出嚟話諗住大搞電動砵砵車，噚日細摩話睇好迪仔升呢做「紅底股」，迪仔老細王傳福今日仲話要搞埋電池供應業務，好消息一浪接一浪，迪仔就開足Ｔｕｒｂｏ向前衝，最高紀錄已經去到７３﹒９銀，創咗超過七年新高，埋單計數就升咗近４巴仙，報７１﹒６５銀，９月以嚟已經升咗近５４巴仙，認真巴閉。囝囝比亞迪電子雖然唔係搞開砵砵車，但一樣坐順風車爆升咗超過１６巴仙，報２４﹒８５銀，最新山頂位已經去到２５﹒１銀。 神州電池佬喺迪仔嘅帶挈下，全日叉足電，天能動力（００８１９）仲同時畀中信建投唱好，「他屐」由８﹒７銀升至９﹒２銀，評級就畀咗個「Ｂｕｙ」，全日最多爆高咗超過半成，喺８﹒２８銀山頂位插咗旗，而埋單只係升超過兩巴仙，報８﹒０５銀；佢嘅勁敵超威動力（００９５１）表現差唔多，收市升咗近兩巴仙，報４﹒９１銀；街坊理士（００８４２）就升超過１巴仙，報１﹒６４銀。
＊中金引ＱＱ股價升到笑，新世界放榜缸友好失望＊
世上冇咩事業係唔需要用到互聯網，所以神州互聯網大佬ＱＱ同阿里巴巴呢幾年就好似八爪魚咁去搞唔同業務，而ＱＱ近期就睇中咗中金，使近２９億港紙買起中金約１２巴仙嘅Ｈ股股份，中金之後仲要畀招商證券唱好，「他屐」由１６﹒１銀升到去２１﹒２銀，評級就由持有升到去買入，中金今日最多爆升咗超過１９巴仙，最新山頂位去到１８﹒４８銀，埋單就升咗超過１８巴仙，報１８﹒３２銀。 魚缸無咩方向，ＱＱ收市就升咗唔夠１巴仙，報３４７﹒２銀。另一隻重磅藍戰士ＡＩＡ（０１２９９）話諗住買起袋鼠國聯邦錢莊喺袋鼠國同奇異果國嘅人壽保險業務，承惠３８億澳紙，即係２３７﹒５億港紙，最快出年傾得成，但ＡＩＡ今日只係升咗唔夠１巴仙，報６０﹒２銀；本地薑新世界（０００１７）今日放榜，但截至６月３０日止年度賺少咗超過１１巴仙，唔夠「孖屐」預期好，全日插咗超過３巴仙，報１１﹒０４銀，係最差藍戰士。
＊傳復星掟貨民行急滑落，永達勢頭勁賭股亦Ｓｈａｒｐ醒＊
民行（０１９８８）呢兩日真係多災多難啦，先係俾大和降目標價同維持「遜於大市」評級，今朝就傳復星（００６５６）掟貨，總共賣咗民行６﹒４３億股套現４７億銀咁話喎。雖然復星就回應話係正常交易行為，民行都依然瞓低近３巴仙，報７﹒４８銀。 噚日（２０日）永達汽車（０３６６９）勢頭強勁，急升咗５巴仙仲破埋頂，不過今日就現回吐啦，市前仲錄到有近７億銀嘅大手交易，唔通有大戶趁高袋咗錢就走？永達今日曾跌穿１０天線（１１﹒６１銀），最終跣低逾４巴仙報１１﹒７８銀。 瑞信點名讚馬交嘅博彩業，預計９月行業嘅收入會增長１３至１５巴仙，仲特別睇好銀娛（０００２７）同金沙（０１９２８），分別將佢哋嘅目標ｓｅｔ喺６２銀同４３﹒５銀，同畀個「增持」評級佢哋。銀娛跳起逾２巴仙，報５４﹒１５銀，係今日最叻藍戰士！金沙就彈高逾１巴仙，報３９﹒５５銀，兩者都上過２０１４年１１月以嚟嘅高位啊！
＊券商有鑊氣華泰即起飛，十月將縮表地產唔識笑＊
券商佬全線落鑊，華泰六八八六（０６８８６），最高衝過上１８﹒９８銀，創逾１年半高位，收市都仲衝前近４巴仙報１８﹒６銀，勁！其他街坊都唔執輸，信証（０６０３０）升破咗５０天線，最終跳起近３巴仙，報１８﹒４４銀。光控（００１６５）踢高近４巴仙，報１９﹒４６銀；廣發（０１７７６）跳起１巴仙，報１７﹒６６銀；海證（０６８３７）彈高近２巴仙，報１３﹒２６銀。 聯儲局公布議息結果，話今次唔加息，而會喺１０月起「縮表」。雖然同孖履預期差唔多，地產佬都仲係有少少腳軟。信置（０００８３）今日一度喺藍戰士排行榜包尾，曾經插穿２０天線（１３﹒６６２銀），最後收復番部分失地，跌低唔夠１巴仙，報１３﹒７８銀。長實（０１１１３）跣低２巴仙，報６５﹒６５銀；新地（０００１６）瞓低近１巴仙報１３１﹒８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊迪仔開Ｔｕｒｂｏ阿仔冇走寶，投行升目標天能向上飆＊
電動砵砵車升起上嚟真係擋都擋唔住，當比亞迪喺９月頭仲喺５０蚊樓下成隻蟹咁之際，阿爺出嚟話諗住大搞電動砵砵車，噚日細摩話睇好迪仔升呢做「紅底股」，迪仔老細王傳福今日仲話要搞埋電池供應業務，好消息一浪接一浪，迪仔就開足Ｔｕｒｂｏ向前衝，最高紀錄已經去到７３﹒９銀，創咗超過七年新高，埋單計數就升咗近４巴仙，報７１﹒６５銀，９月以嚟已經升咗近５４巴仙，認真巴閉。囝囝比亞迪電子雖然唔係搞開砵砵車，但一樣坐順風車爆升咗超過１６巴仙，報２４﹒８５銀，最新山頂位已經去到２５﹒１銀。 神州電池佬喺迪仔嘅帶挈下，全日叉足電，天能動力（００８１９）仲同時畀中信建投唱好，「他屐」由８﹒７銀升至９﹒２銀，評級就畀咗個「Ｂｕｙ」，全日最多爆高咗超過半成，喺８﹒２８銀山頂位插咗旗，而埋單只係升超過兩巴仙，報８﹒０５銀；佢嘅勁敵超威動力（００９５１）表現差唔多，收市升咗近兩巴仙，報４﹒９１銀；街坊理士（００８４２）就升超過１巴仙，報１﹒６４銀。
＊中金引ＱＱ股價升到笑，新世界放榜缸友好失望＊
世上冇咩事業係唔需要用到互聯網，所以神州互聯網大佬ＱＱ同阿里巴巴呢幾年就好似八爪魚咁去搞唔同業務，而ＱＱ近期就睇中咗中金，使近２９億港紙買起中金約１２巴仙嘅Ｈ股股份，中金之後仲要畀招商證券唱好，「他屐」由１６﹒１銀升到去２１﹒２銀，評級就由持有升到去買入，中金今日最多爆升咗超過１９巴仙，最新山頂位去到１８﹒４８銀，埋單就升咗超過１８巴仙，報１８﹒３２銀。 魚缸無咩方向，ＱＱ收市就升咗唔夠１巴仙，報３４７﹒２銀。另一隻重磅藍戰士ＡＩＡ（０１２９９）話諗住買起袋鼠國聯邦錢莊喺袋鼠國同奇異果國嘅人壽保險業務，承惠３８億澳紙，即係２３７﹒５億港紙，最快出年傾得成，但ＡＩＡ今日只係升咗唔夠１巴仙，報６０﹒２銀；本地薑新世界（０００１７）今日放榜，但截至６月３０日止年度賺少咗超過１１巴仙，唔夠「孖屐」預期好，全日插咗超過３巴仙，報１１﹒０４銀，係最差藍戰士。
＊傳復星掟貨民行急滑落，永達勢頭勁賭股亦Ｓｈａｒｐ醒＊
民行（０１９８８）呢兩日真係多災多難啦，先係俾大和降目標價同維持「遜於大市」評級，今朝就傳復星（００６５６）掟貨，總共賣咗民行６﹒４３億股套現４７億銀咁話喎。雖然復星就回應話係正常交易行為，民行都依然瞓低近３巴仙，報７﹒４８銀。 噚日（２０日）永達汽車（０３６６９）勢頭強勁，急升咗５巴仙仲破埋頂，不過今日就現回吐啦，市前仲錄到有近７億銀嘅大手交易，唔通有大戶趁高袋咗錢就走？永達今日曾跌穿１０天線（１１﹒６１銀），最終跣低逾４巴仙報１１﹒７８銀。 瑞信點名讚馬交嘅博彩業，預計９月行業嘅收入會增長１３至１５巴仙，仲特別睇好銀娛（０００２７）同金沙（０１９２８），分別將佢哋嘅目標ｓｅｔ喺６２銀同４３﹒５銀，同畀個「增持」評級佢哋。銀娛跳起逾２巴仙，報５４﹒１５銀，係今日最叻藍戰士！金沙就彈高逾１巴仙，報３９﹒５５銀，兩者都上過２０１４年１１月以嚟嘅高位啊！
＊券商有鑊氣華泰即起飛，十月將縮表地產唔識笑＊
券商佬全線落鑊，華泰六八八六（０６８８６），最高衝過上１８﹒９８銀，創逾１年半高位，收市都仲衝前近４巴仙報１８﹒６銀，勁！其他街坊都唔執輸，信証（０６０３０）升破咗５０天線，最終跳起近３巴仙，報１８﹒４４銀。光控（００１６５）踢高近４巴仙，報１９﹒４６銀；廣發（０１７７６）跳起１巴仙，報１７﹒６６銀；海證（０６８３７）彈高近２巴仙，報１３﹒２６銀。 聯儲局公布議息結果，話今次唔加息，而會喺１０月起「縮表」。雖然同孖履預期差唔多，地產佬都仲係有少少腳軟。信置（０００８３）今日一度喺藍戰士排行榜包尾，曾經插穿２０天線（１３﹒６６２銀），最後收復番部分失地，跌低唔夠１巴仙，報１３﹒７８銀。長實（０１１１３）跣低２巴仙，報６５﹒６５銀；新地（０００１６）瞓低近１巴仙報１３１﹒８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇