06/11/2019 11:31
《古臣周記-古臣》雙十一快到,小米同手機設備股有得炒!
《古臣周記》唔少手機製造商好似小米(01810)、蘋果、華為早喺九月已經推出今年嘅新機,當中蘋果嘅新手機銷情仲好過孖屐預期,相信今年仍然吸引唔少人換機。嚟到十一月,雖然唔少缸友可能都已經換咗機,不過亦有缸友再睇定啲先,諗住趁神州最大型嘅網購日子,俗稱「光棍節」嘅「雙十一」(11月11日)以優惠價搶購。 神州「雙十一」展現神州人強勁嘅消費力,舊年阿里巴巴「雙十一」銷量達到2135億人仔嘅新高,按年增長達兩成七。所以可以趁依家落柯打嘅階段部署下啲手機股。 *小米「雙十一」手機優惠期聽日開始* 小米嘅「雙十一」優惠期喺聽日(7日)開始,每日連續推出兩項產品,包括今年嘅旗艦手機小米9,售價由3699銀人仔減至3299銀人仔。除咗手機之外,小米其他家電系列都有折扣,最多減400銀。睇番舊年小米喺雙十一嘅「戰績」,小米新零售全渠道支付金額達到52﹒51億人仔,多過前年喺淘寶旗下天貓旗艦店嘅24﹒64億人仔逾一倍。 除咗小米可以趁「雙十一」前夕炒一炒之外,其他手機設備股一樣有潛力,因為手機出貨量增加,手機設備股亦自然水漲船高。舊年天貓公布嘅十大暢銷手機品牌入面,最多人買嘅就係蘋果,其中旗艦新機「唉瘋」XS Max最搶手;而華為都係排第二。再加上嚟緊第四季就係傳統銷售旺季,花旗國嘅感恩節、黑色星期五同聖誕節亦快到,相信可以進一步帶動蘋果今年嘅銷情,有利蘋果手機聲學設備嘅核心供應商瑞聲科技(02018)嘅前景。 *手機出貨量復甦,5G係下一個戰場* 根據最新嘅行業數據,第三方調查公司Canalys公布,全球第三季智能手機出貨量達到3﹒52億部,按年增加1巴仙,係兩年以來第一次出現增長。其中,三星出貨量最高,按年增加一成一至7890萬部,而華為緊隨其後,按年增長兩成九至6680萬部。 上星期神州宣布正式開啟5G商用,各大電訊商都公布咗服務計劃,有機會帶動新一輪換機潮,而有出5G手機嘅廠商就更大機會受惠。喺神州呢個孖屐上,華為5G領先神州同業,加上Canalys嘅數據顯示,華為今年第三季嘅市佔率創新高,達到四成二,絕對有資格喺出年5G元年分一杯羹。以華為作為最大客戶嘅手機鏡頭供應商舜宇光學(02382)可望繼續向上! *瑞聲抵過舜宇,阿臣部署業績後買入*
阿臣認為,小米都係短期炒區間,再上升水位有限,唔夠手機設備股升幅潛力咁大。而咁多隻手機設備股入面,瑞聲嘅預測市盈率比較低,大約21﹒4倍,而舜宇有37﹒1倍,丘鈦(01478)亦有25﹒3倍。但要留意嘅係,瑞聲星期五(8日)就放榜,但大行普遍對佢嘅季績都唔太睇好,所以阿臣打算趁佢績後回落返50銀樓下再買。 另外,阿臣上星期抽到一手中手游(00302),喺上市當日就喺3蚊走咗,唔計手續費賺咗340銀,夠飲餐茶。
表列截至11月6日(11:15am止)阿臣投資組合表現:
股份 股數 平均買入價(元) 現價(元) 總值(元) ---------------------------------------- 港股: 金界 2000股 9﹒65 14﹒54 29080 煤氣 1000股 16﹒00 15﹒38 15380 SPDR金ETF 10股 1097﹒00 1097﹒00 10970 ---------------------------------------- 股票市值 : 55430元 剩餘現金 :約110042元 組合淨值 :約165472元 組合本月收益表現: +0﹒5%(截至上月底止組合淨值:164671元) 組合累計收益表現: +57﹒6%(本金105000元計)(2016年8月開倉)
*數據截至今日11:15am
阿臣認為,小米都係短期炒區間,再上升水位有限,唔夠手機設備股升幅潛力咁大。而咁多隻手機設備股入面,瑞聲嘅預測市盈率比較低,大約21﹒4倍,而舜宇有37﹒1倍,丘鈦(01478)亦有25﹒3倍。但要留意嘅係,瑞聲星期五(8日)就放榜,但大行普遍對佢嘅季績都唔太睇好,所以阿臣打算趁佢績後回落返50銀樓下再買。 另外,阿臣上星期抽到一手中手游(00302),喺上市當日就喺3蚊走咗,唔計手續費賺咗340銀,夠飲餐茶。
表列截至11月6日(11:15am止)阿臣投資組合表現:
股份 股數 平均買入價(元) 現價(元) 總值(元) ---------------------------------------- 港股: 金界 2000股 9﹒65 14﹒54 29080 煤氣 1000股 16﹒00 15﹒38 15380 SPDR金ETF 10股 1097﹒00 1097﹒00 10970 ---------------------------------------- 股票市值 : 55430元 剩餘現金 :約110042元 組合淨值 :約165472元 組合本月收益表現: +0﹒5%(截至上月底止組合淨值:164671元) 組合累計收益表現: +57﹒6%(本金105000元計)(2016年8月開倉)
*數據截至今日11:15am
etnet榮獲HKEX Awards 2023 「最佳表現證券數據供應商」大獎► 了解詳情