《開市Ｇｏｏｄ　Ｍｏｒｎｉｎｇ》香江魚缸好消息：無再見年內新低；壞消息：仲係跌住收！日內高低波幅得二百零點，最終收跌１１點，收報１６３３４點，成交８８３億銀無睇頭！短線指標睇有力反彈，但睇恒指月線反映中長線無運行，究竟魚缸何去何從？凱基亞洲預測魚缸出年目標１９２６０點，其實都只係重返今年８月水平，既然話不利因素明年現曙光，點解仲睇到咁保守？　　國務院公布《空氣質量持續改善行動計劃》，目標在２０２５年全國地級及以上城市ＰＭ２﹒５濃度比２０２０年下降一成。Ａ股相關新能源股份同樣造好，更大幅跑贏Ｈ股火電股。明明兩地市場氣氛都差，點解讀兩者升幅差異？以神州現時嘅工業生產恢復進度而言，又有力支撐到火電股前景嗎？一直都有風聲話火電容量電價改革年內就會出台，但而家１２月都仲未出台，年內成功出台機會微？　　新世界系股份都夠驚嚇！連日回購嘅周大福（０１９２９）股價市值都暴跌，市值僅險守億銀關，北水又連番減持，仲要忙住場內增持阿媽新世界（０００１７），周大福始終都受阿媽累難翻身？現時新世界負債之重，恐成港版碧桂園？　　下星期一（１１日）《開市Ｇｏｏｄ　Ｍｏｒｎｉｎｇ》搵嚟凱基亞洲投資策略部主管溫傑，同大家分析上述股份、大市走勢，當然唔少得當日嘅焦點股啦！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｆＲｌｘｉＤｆＤＫｚｇ　打個卡先又得！

WoW WoW星期三：健康網購產品低至$99 (只限今天)► 火速行動