《魚缸博客》樂艙物流（０２４９０）今日上到升幅榜榜首，博客睇返個圖表紀錄，哇！股價炒高一倍都真係幾誇張下，而且乾到連賣盤都幾乎唔見曬，就真係好誇張。　　睇個格局似係有人打莊，不過物流呢期當炒都係真，早前馬士基、達飛、赫伯羅特等在內的頭部船公司陸續發布漲價通知，宣布上調多條亞洲出口航線的運費。上漲金額最高達２０００美元，與當前運價相比漲幅接近７０％。　　物流股未來只會越炒越有，皆因個世界已經唔同晒，個個都上網買嘢，都無咩興趣落街啦！其次就係紅海個邊而家咁危險，正常都要兜路行，運費又要提升；所以就算而家疫情過左開晒關，都唔見得需求會減少。　　不過值得關注係，樂艙物流之前公布業績公布，截至２０２３年１２月３１日止全年純利１﹒１９億元人民幣，按年跌６８﹒８％；每股盈利４５分，不派末期息。期內收入１２﹒３８億元人民幣，跌７３﹒１％。　　如果想炒就建議睇多兩日，等佢回一回落十蚊樓下，睇下有無機會入手，不過要留意返多唔多買賣盤，如果真係太少就唔建議入場，畢竟買入容易賣出難，但可以放入Ｗａｔｃｈ　Ｌｉｓｔ入面關注下！　　　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇】政府宣布垃圾徵費暫緩，未來將繼續推廣回收及減廢，你認為幾時先係垃圾徵費嘅時機？► 立即投票