28/07/2014 17:34
《小傳日記》再炒滬港通，魚缸衝衝衝；ＱＱ生發發，升得好輕鬆！
《小傳日記》今日（２８日）缸外真係熱到頭頂出煙，企多一陣都有啲頭暈暈嘅感覺；至於缸內都一樣熱爆，不過呢隻「熱」令到成班缸友開心到暈啦！今朝「孖屐」突然傳出「滬港通」將會喺１０月１３號正式開通，雖然祖國嗰邊就話無咁嘅事，香江呢邊又唔肯回應；不過兩地缸友話之你是堅是流，一於先炒為快。 Ａ仔場繼續高高高，急升逾２巴仙收２１７７點，創７個半月新高，熱鬧到不得了！原本香江今朝開市只係升３３點，但見到Ａ仔場咁開心，就梗係慶祝埋一份啦！眨吓眼就升逾２００點，上半埸成功彈高２８５點至２４５０１點，係２０１０年１１月以嚟高位，仲搞到４３隻大隻佬熊仔受靶，再次血流成河。完場時恆指仲有２１２點進帳，收２４４２８，已經創下「五連漲」，夾埋升咗約１０４１點啦！ 國貨指數都唔弱，埋單彈高７９點收１１０７２，一樣連升五日，對得住各位鄉親父老！總結全日，個市咁強，成交又點會少呀，全日有成８５４﹒６億銀，比上星期五（２５日）多番逾１１巴仙。
＊缸外與缸內同樣熱到暈，魚缸五連漲４３熊敗陣＊
老老實實，一早都預咗「滬港通」會喺１０月正式開通，今次只係傳埋會喺１３號登場，根本就無咩驚天動地好消息出現。不過，呢排個市咁旺，好友當然係將「無消息」變做「好消息」咁炒！最受惠就梗係港交所（００３８８）啦，明明市傳有三間祖國錢莊今年都嚟唔到上市，港所隨時連ＩＰＯ集資額「梗勁四」都不保，但係缸友都照衝入去掃貨，最高升到去１６９﹒６銀，創逾三年佳績，完場時都有逾３巴仙進帳收１６９銀，成交高達２３﹒６億銀，係全日第四大成交額股份。 炒得「滬港通」呢個消息，又點可以少咗券商股一份呢？第一上海（００２２７）係「有成交，有升幅」嘅代表，全日以２億銀踢高逾兩成，以最高位收市報１﹒３１銀。緊隨其次係申銀萬國（００２１８），成交就雖然少好多，只得約６１５０萬銀，不過升幅就有近１８巴仙，一樣咁勁！其他街坊國泰君安（０１７８８）同中國銀河（０６８８１）都有８至９巴仙進帳。 ＊券商收到了你升我又升，內銀追落後交行誇啦啦＊
除咗「滬港通」受惠股落鑊之外，中資股呢排嘅氣勢真係銳不可擋，祖國地主、祖國保險等等已經輪流炒高，今日就輪到祖國錢莊啦！工行（０１３９８）計劃發優先股「Ｃａｐ水」８００億人仔。每次提起「Ｃａｐ水」缸友都嗌怕怕，不過見啲錢係用嚟補充其他一級資本，咁缸友都好體諒嘅，再加埋瑞銀德銀都出聲支持，叫人買貨，完場時股價唔單止無跌，仲踢高１﹒５巴仙收市報５﹒２８銀添。 不過，要論升幅表現，工行都要輸畀交行（０３３２８）同民行（０１９８８）一截呀。上星期五，市傳交行已申請混合所有制試點，如果獲批准，唔排除未來會進一步引入新股東。咁咪即係可以引入民資？！小傳齋諗，已經有無限憧憬。交行果然不負眾望，全日踢高逾６巴仙收５﹒８１銀，係最叻仔錢莊；街坊民行就獲瑞信選為扶助中小企貸款政策受惠股，全日表現都相當唔錯，升近４巴仙收７﹒７６銀。
＊微眾開綠燈ＱＱ有榮焉，科網齊跳舞湯仔最高興＊
講開呢班政策受惠股，不得不提「股王」ＱＱ（００７００）今日嘅威水史！話說阿爺終於肯點頭，批准三間民營錢莊，其中一間就係ＱＱ持股３０巴仙嘅「前海微眾銀行」，雖然呢間民營錢莊註冊資本只係３０億人仔，對ＱＱ嚟講簡直係濕濕碎，但係能夠贏咗阿里巴巴飲頭啖湯，又見到阿爺嘅支持，對未來申請網上金融就更有信心啦！花旗就即刻出報告，睇好ＱＱ上望１４４銀，今日ＱＱ喺多重好消息刺激下，就寫上最光輝一頁，高見１２９﹒４銀嘅最好成績，完時嗰陣都彈高逾３巴仙收１２８﹒９銀，單憑個股之力，就推高大隻佬６９點啦！ ＱＱ升得咁勁，帶挈其他科網股都一齊開ＰＡＲＴＹ，愛將金山軟件（０３８８８）抽高５巴仙，細細粒嘅ＴＯＭ集團（０２３８３）急升近１４巴仙收１﹒６７銀，搶晒風頭。 ＊標普來祝福華南城踢高，金屬與煤炭今天亦風騷＊
中資股當紅，但題材炒來炒去都係得幾個，有時真係幾悶。今日見到靜咗好耐嘅物流股炒上都醒一醒神。華南城（０１６６８）畀標普將長期企業信用評級上調至「ＢＢ－」，刺激炒高近７巴仙收４﹒２３銀，仲破埋十天同廿天線。街坊中外運（００５９８）都踢高５﹒４７巴仙，收５﹒２１銀；不過嘉里物流（００６３６）就因為阿媽嘉里建設（００６８３）發盈警，搞到逆市碌低近１巴仙收１２﹒９銀。難得魚缸有「新星」，希望唔會得一日貨仔啦！ 另邊廂，近期炒上嘅有色金屬板塊今日表現都好省鏡，湖南有色（０２６２６）再飆逾１２巴仙，收２﹒７１銀。街坊中鋁（０２６００）都踢高逾４巴仙。另外，煤炭股表現都唔錯，當中恆鼎（０１３９３）表現最叻仔，升逾８巴仙，收１﹒０６銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式之 申述或訂立任何建議及推薦，讀者務請運用個人獨立思考能力自行作出投資決定 ，如因相關建議招致損失，概與《經濟通》、編者及作者無涉。
＊缸外與缸內同樣熱到暈，魚缸五連漲４３熊敗陣＊
老老實實，一早都預咗「滬港通」會喺１０月正式開通，今次只係傳埋會喺１３號登場，根本就無咩驚天動地好消息出現。不過，呢排個市咁旺，好友當然係將「無消息」變做「好消息」咁炒！最受惠就梗係港交所（００３８８）啦，明明市傳有三間祖國錢莊今年都嚟唔到上市，港所隨時連ＩＰＯ集資額「梗勁四」都不保，但係缸友都照衝入去掃貨，最高升到去１６９﹒６銀，創逾三年佳績，完場時都有逾３巴仙進帳收１６９銀，成交高達２３﹒６億銀，係全日第四大成交額股份。 炒得「滬港通」呢個消息，又點可以少咗券商股一份呢？第一上海（００２２７）係「有成交，有升幅」嘅代表，全日以２億銀踢高逾兩成，以最高位收市報１﹒３１銀。緊隨其次係申銀萬國（００２１８），成交就雖然少好多，只得約６１５０萬銀，不過升幅就有近１８巴仙，一樣咁勁！其他街坊國泰君安（０１７８８）同中國銀河（０６８８１）都有８至９巴仙進帳。 ＊券商收到了你升我又升，內銀追落後交行誇啦啦＊
除咗「滬港通」受惠股落鑊之外，中資股呢排嘅氣勢真係銳不可擋，祖國地主、祖國保險等等已經輪流炒高，今日就輪到祖國錢莊啦！工行（０１３９８）計劃發優先股「Ｃａｐ水」８００億人仔。每次提起「Ｃａｐ水」缸友都嗌怕怕，不過見啲錢係用嚟補充其他一級資本，咁缸友都好體諒嘅，再加埋瑞銀德銀都出聲支持，叫人買貨，完場時股價唔單止無跌，仲踢高１﹒５巴仙收市報５﹒２８銀添。 不過，要論升幅表現，工行都要輸畀交行（０３３２８）同民行（０１９８８）一截呀。上星期五，市傳交行已申請混合所有制試點，如果獲批准，唔排除未來會進一步引入新股東。咁咪即係可以引入民資？！小傳齋諗，已經有無限憧憬。交行果然不負眾望，全日踢高逾６巴仙收５﹒８１銀，係最叻仔錢莊；街坊民行就獲瑞信選為扶助中小企貸款政策受惠股，全日表現都相當唔錯，升近４巴仙收７﹒７６銀。
＊微眾開綠燈ＱＱ有榮焉，科網齊跳舞湯仔最高興＊
講開呢班政策受惠股，不得不提「股王」ＱＱ（００７００）今日嘅威水史！話說阿爺終於肯點頭，批准三間民營錢莊，其中一間就係ＱＱ持股３０巴仙嘅「前海微眾銀行」，雖然呢間民營錢莊註冊資本只係３０億人仔，對ＱＱ嚟講簡直係濕濕碎，但係能夠贏咗阿里巴巴飲頭啖湯，又見到阿爺嘅支持，對未來申請網上金融就更有信心啦！花旗就即刻出報告，睇好ＱＱ上望１４４銀，今日ＱＱ喺多重好消息刺激下，就寫上最光輝一頁，高見１２９﹒４銀嘅最好成績，完時嗰陣都彈高逾３巴仙收１２８﹒９銀，單憑個股之力，就推高大隻佬６９點啦！ ＱＱ升得咁勁，帶挈其他科網股都一齊開ＰＡＲＴＹ，愛將金山軟件（０３８８８）抽高５巴仙，細細粒嘅ＴＯＭ集團（０２３８３）急升近１４巴仙收１﹒６７銀，搶晒風頭。 ＊標普來祝福華南城踢高，金屬與煤炭今天亦風騷＊
中資股當紅，但題材炒來炒去都係得幾個，有時真係幾悶。今日見到靜咗好耐嘅物流股炒上都醒一醒神。華南城（０１６６８）畀標普將長期企業信用評級上調至「ＢＢ－」，刺激炒高近７巴仙收４﹒２３銀，仲破埋十天同廿天線。街坊中外運（００５９８）都踢高５﹒４７巴仙，收５﹒２１銀；不過嘉里物流（００６３６）就因為阿媽嘉里建設（００６８３）發盈警，搞到逆市碌低近１巴仙收１２﹒９銀。難得魚缸有「新星」，希望唔會得一日貨仔啦！ 另邊廂，近期炒上嘅有色金屬板塊今日表現都好省鏡，湖南有色（０２６２６）再飆逾１２巴仙，收２﹒７１銀。街坊中鋁（０２６００）都踢高逾４巴仙。另外，煤炭股表現都唔錯，當中恆鼎（０１３９３）表現最叻仔，升逾８巴仙，收１﹒０６銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式之 申述或訂立任何建議及推薦，讀者務請運用個人獨立思考能力自行作出投資決定 ，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇