13/11/2019 17:15
《小傳日記》魚缸跌勢去如燕，連失多條平均線！
《小傳日記》侵侵一邊話好快會同神州達成首階段貿易協議，但同時又表明，如果簽唔成，就會大幅加關稅。雖然隔晚（１２日）標指同納指都創收市新高，但適逢香江網民連續第三日發起「三罷行動」，今朝返工果陣，可以話係三日以嚟最混亂，缸友以「手指投票」，恆指低開３０４點報２６７６１點，已經係全日最高位。 中環中午又有「和你ＬＵＮＣＨ」行動，港股隨之擴大跌幅，曾經急挫近６００點，低位落到去２６４６５點，收市仍然要跣低４９３點或近２巴仙，報２６５７１點，創一個月低，仲一口氣失埋２０天（約２７０２２點）、５０天（約２６６４０點）同埋１００天線（約２６９７７點）；主板成交大增一成四，至１４６９億。國貨收報１０５１９，唔見近２巴仙或跌１７１點。 神州股市各行各路，滬綜指跌唔夠半巴仙或跌９點，報２９０５；深成指就升唔夠半巴仙或彈起１７點，報９６８７；兩市全日成交合共３５９３億人仔，按日減少近兩巴仙。 大隻藍戰士方面，有傳阿里來港第二上市計劃獲批，收市後放榜嘅ＱＱ（００７００）軟近１巴仙，報３２７﹒４銀；雖然阿里就嚟嚟，但個市唔好，生發發（００３８８）都要低收逾２巴仙，報２４２﹒２銀。ＡＩＡ（０１２９９）同香江經濟相關，全日仆直逾３巴仙，報７７﹒７５銀。人仔回軟，神州銀行股都流眼淚，建行（００９３９）同工行（０１３９８）分別下沉近２巴仙，前者報６﹒２１銀，後者就報５﹒６２銀。
＊政局陷混沌磚頭跌未盡，領展業績讚缸友卻急散＊
香江自今個星期一（１１日）有警察喺西灣河向手無寸鐵嘅示威者開咗三槍後，連日嚟嘅示威活動明顯升溫，而中文大學更如戰場一樣，被催淚彈弄得一片狼藉。動亂未止，唔少本地薑公司都首當其衝，而磚頭佬更加係全線重挫，新世界（０００１７）蒸發咗半成，報１０﹒４６銀，係表現最差嘅藍戰士！信置（０００８３）唔見咗逾３巴仙，報１１﹒４４銀。恆地（０００１２）跌咗近３巴仙，報３７﹒２５銀。新地（０００１６）插水逾兩巴仙，報１０９﹒４銀。 收租佬方面，九倉（００００４）同九置（０１９９７）各自蒸發咗近四巴仙，報１８﹒３４銀同４２﹒２５銀。希慎（０００１４）都唔見約４巴仙，報２９﹒７銀。太地（０１９７２）跌咗超過３巴仙，報２２﹒７銀。領展（００８２３）中期可分派收入增加８巴仙，而續租租金平均加幅都有一成八；再加上佢話要將每手買賣單位拆細至１００股，但缸友依然睇淡佢嘅前景，全日都要跟住個市跌逾１巴仙，報８１﹒１銀。 示威加劇令「孖屐」睇衰香江經濟前景，銀行股自然難撈，大象（００００５）跣低逾１巴仙，報５８﹒２５銀。小象（０００１１）、中銀（０２３８８）、東亞（０００２３）各自蒸發逾兩巴仙，報１６２﹒５銀、２６﹒９５銀同１８﹒１２銀。
＊人仔繼續跌內地磚頭泄，上日齊爆升物管今日清＊
侵侵最新出嚟澄清話冇諗過降低或取消對神州嘅關稅，憧憬兩國會簽訂貿易協議嘅缸友如夢初醒，摟住美金點都安全過摟住人仔，離岸人仔（ＣＮＨ）今日低見７﹒０３１２；加上魚缸插水，神州磚頭當然冇運行，奧園（０３８８３）唔見超過３巴仙，報１０﹒８銀。碧桂園（０２００７）同富力地產（０２７７７）分別蒸發近３巴仙，報１０﹒９４銀同１２﹒５４銀。潤地（０１１０９）同中海外（００６８８）就各見跌逾兩巴仙，報３３﹒２銀同２５﹒９銀。萬科（０２２０２）同融創（０１９１８）就分別唔見近兩巴仙，報２７﹒８５銀同３６﹒３銀。 物管佬噚日爆升後全部回吐，鑫苑（０１８９５）跌最多，插水近７仙，報１﹒９３銀。新城悅（０１７５５）噚日爆升逾一成一兼破頂後，今日回吐超過２巴仙，報１０﹒９銀。藍光嘉寶（０２６０６）噚日又係急彈逾９巴仙兼破頂，今日表現仍然硬淨，逆市彈起近一巴仙，報４７﹒７５銀。早排愈升愈有嘅雅生活服務（０３３１９），今日都蒸發逾２巴仙，報２５﹒３５銀。
＊大市向下走ＥＴＦ防守，避險需求升黃金表現勝＊
今日魚缸表現好弱，缸友都擔心之後情況未咁快好轉，所以轉頭追捧反向ＥＴＦ佬，令一眾佢地齊齊彈起。華夏恆指（０７３２１）同ＦＩ南方恆指（０７３００）踢高逾２巴仙，前者報６﹒１銀，後者報５﹒５３銀。ＦＩ易方達恆指（０７３０２）跳起近２巴仙，報４﹒７６銀。ＦＩ三星國指（０７３２８）彈逾１巴仙，報４﹒９銀。不過，華夏納一百（０７３３１）就無變動，報８﹒２５銀。 市況唔好，可以用嚟避險嘅黃金佬亦同樣受捧。山東黃金（０１７８７）跳高近３巴仙，報１６﹒４銀。招金礦業（０１８１８）踢高近２巴仙，報８﹒３３銀。紫金礦業（０２８９９）增發逾２３億Ａ股，Ｈ股彈起逾１巴仙，報２﹒９３銀。恆興黃金（０２３０３）起飛逾２巴仙，報４﹒３８銀。不過，中國黃金國際（０２０９９）就唔見逾２巴仙，報５﹒８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊政局陷混沌磚頭跌未盡，領展業績讚缸友卻急散＊
香江自今個星期一（１１日）有警察喺西灣河向手無寸鐵嘅示威者開咗三槍後，連日嚟嘅示威活動明顯升溫，而中文大學更如戰場一樣，被催淚彈弄得一片狼藉。動亂未止，唔少本地薑公司都首當其衝，而磚頭佬更加係全線重挫，新世界（０００１７）蒸發咗半成，報１０﹒４６銀，係表現最差嘅藍戰士！信置（０００８３）唔見咗逾３巴仙，報１１﹒４４銀。恆地（０００１２）跌咗近３巴仙，報３７﹒２５銀。新地（０００１６）插水逾兩巴仙，報１０９﹒４銀。 收租佬方面，九倉（００００４）同九置（０１９９７）各自蒸發咗近四巴仙，報１８﹒３４銀同４２﹒２５銀。希慎（０００１４）都唔見約４巴仙，報２９﹒７銀。太地（０１９７２）跌咗超過３巴仙，報２２﹒７銀。領展（００８２３）中期可分派收入增加８巴仙，而續租租金平均加幅都有一成八；再加上佢話要將每手買賣單位拆細至１００股，但缸友依然睇淡佢嘅前景，全日都要跟住個市跌逾１巴仙，報８１﹒１銀。 示威加劇令「孖屐」睇衰香江經濟前景，銀行股自然難撈，大象（００００５）跣低逾１巴仙，報５８﹒２５銀。小象（０００１１）、中銀（０２３８８）、東亞（０００２３）各自蒸發逾兩巴仙，報１６２﹒５銀、２６﹒９５銀同１８﹒１２銀。
＊人仔繼續跌內地磚頭泄，上日齊爆升物管今日清＊
侵侵最新出嚟澄清話冇諗過降低或取消對神州嘅關稅，憧憬兩國會簽訂貿易協議嘅缸友如夢初醒，摟住美金點都安全過摟住人仔，離岸人仔（ＣＮＨ）今日低見７﹒０３１２；加上魚缸插水，神州磚頭當然冇運行，奧園（０３８８３）唔見超過３巴仙，報１０﹒８銀。碧桂園（０２００７）同富力地產（０２７７７）分別蒸發近３巴仙，報１０﹒９４銀同１２﹒５４銀。潤地（０１１０９）同中海外（００６８８）就各見跌逾兩巴仙，報３３﹒２銀同２５﹒９銀。萬科（０２２０２）同融創（０１９１８）就分別唔見近兩巴仙，報２７﹒８５銀同３６﹒３銀。 物管佬噚日爆升後全部回吐，鑫苑（０１８９５）跌最多，插水近７仙，報１﹒９３銀。新城悅（０１７５５）噚日爆升逾一成一兼破頂後，今日回吐超過２巴仙，報１０﹒９銀。藍光嘉寶（０２６０６）噚日又係急彈逾９巴仙兼破頂，今日表現仍然硬淨，逆市彈起近一巴仙，報４７﹒７５銀。早排愈升愈有嘅雅生活服務（０３３１９），今日都蒸發逾２巴仙，報２５﹒３５銀。
＊大市向下走ＥＴＦ防守，避險需求升黃金表現勝＊
今日魚缸表現好弱，缸友都擔心之後情況未咁快好轉，所以轉頭追捧反向ＥＴＦ佬，令一眾佢地齊齊彈起。華夏恆指（０７３２１）同ＦＩ南方恆指（０７３００）踢高逾２巴仙，前者報６﹒１銀，後者報５﹒５３銀。ＦＩ易方達恆指（０７３０２）跳起近２巴仙，報４﹒７６銀。ＦＩ三星國指（０７３２８）彈逾１巴仙，報４﹒９銀。不過，華夏納一百（０７３３１）就無變動，報８﹒２５銀。 市況唔好，可以用嚟避險嘅黃金佬亦同樣受捧。山東黃金（０１７８７）跳高近３巴仙，報１６﹒４銀。招金礦業（０１８１８）踢高近２巴仙，報８﹒３３銀。紫金礦業（０２８９９）增發逾２３億Ａ股，Ｈ股彈起逾１巴仙，報２﹒９３銀。恆興黃金（０２３０３）起飛逾２巴仙，報４﹒３８銀。不過，中國黃金國際（０２０９９）就唔見逾２巴仙，報５﹒８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇