30/08/2019 17:30
《小傳日記》九月市況仍未明，熊市大軍恐攻城！
《小傳日記》噚晚（２９日）花旗國同神州都放風話希望恢復貿易談判，而神州仲話唔想貿易戰再次「升呢」，刺激花旗國魚缸隔晚強勢彈起，香江今朝都跟住外圍高開３０８點兼突破二萬六關，但原來已經係全日最大升幅，高見２６０１１點後就不斷「瀡滑梯」。到咗下晝，「孖屐」開始擔心今個星期六日會再有示威令香江政局變得緊張，搞到本地磚佬全線插水；加上，花旗國對神州商品加徵嘅新一輪關稅將會喺星期日（１日）開始生效，魚缸噚日又出現咗「終極死亡交叉」，缸友都認為呢一個係非常之唔吉利嘅徵兆，魚缸最多倒跌１６７點，低見２５５３６點。 不過，ＱＱ（００７００）同神州錢莊喺尾市發力，最終魚缸埋單踢高２１點，報２５７２４點。主板成交８７３億銀，較噚日多咗近一成一。國貨又再上返一萬關，報１００８３點，彈起９０點或近一巴仙。 至於８月份，魚缸就蒸發咗２０５３點或超過７巴仙。嚟緊９月份，業績期又完結，貿易談判同香江政局又冇乜進展，熊市大軍話唔定兵臨城下！ Ａ場同樣唔上唔落，上證綜指跌４點，報２８８６點。深成指唔見咗３２點，報９３６５點兩市成交５５４８億人仔，較噚日多咗一成六。 重磅大佬今日兩邊走，ＱＱ最架勢，彈起近兩巴仙，報３２５蚊。大象（００００５）跳起唔夠半巴仙，報５６﹒３銀。生發發（００３８８）跣低約１巴仙，報２４０蚊。神州移動（００９４１）跌咗唔夠半巴仙，報６４﹒９５銀。ＡＩＡ（０１２９９）蒸發半巴仙，報７６﹒２５銀。
＊成績算省鏡中海油最正，工行績後揚民行績前強＊
花旗國原油庫存急降１１００萬桶，加上颶風「多里安」侵襲佛羅里達州，截至噚日埋單，國際油價已經連彈三日；加上，「三桶油」出嚟嘅成績表見得吓人，中海油（００８８３）多賺近一成九，大摩仲唱好佢，話佢喺「三桶油」入面嘅首選。咁多好消息，缸友自然ＨＡＰＰＹ啦，中海油全日勁升超過半成，報１１﹒７銀，係全場最勁嘅藍戰士！神州石油（００８５７）雖然只係多賺近４巴仙，但都有得彈起近４巴仙，報３﹒８９銀。神州石化（００３８６）只係升咗超過１巴仙，報４﹒５９銀。 今個星期係內銀業績高峰期，雖然「孖屐」都唔多寄望，但工行（０１３９８）上半年多賺近半成至１６７９億人仔，高過預期嘅１６７１億人仔。成績不過不失，工行自然有人追啦，今日彈起超過１巴仙，報４﹒９５銀。建行（００９３９）、農行（０１２８８）同中行（０３９８８）都有一巴仙進帳，報５﹒８２銀、３﹒０２銀同２﹒９９銀。民行（０１９８８）今日放榜，績前勁彈近兩巴仙，報５﹒１６銀。
＊會德豐推盤股價無人捧，恆大銷售跌內房低位見＊
香江磚頭今日表現回吐，其中，會德豐（０００２０）今日喺康城有新盤推出，雖然仍超額認購，但缸友似乎仲未收貨，全日跌近１巴仙，報４５﹒５５銀。其他磚頭佬都無咩精神，恆地（０００１２）輕瀉逾半巴仙，報３６﹒５銀。新地（０００１６）回吐近２巴仙，報１１１﹒１銀。新世界（０００１７）跪低近２巴仙，報９﹒７８銀。長實（０１１１３）急回逾２巴仙，報５３﹒２５銀。太地（０１９７２）潛水近４巴仙，報２５﹒７５銀。 神州磚頭佬都唔好得幾多，四條三恆大（０３３３３）噚日公布嘅中期業績走晒樣，嚇到缸友走夾唔唞，全日蒸發近６巴仙，今日似乎仲未脫險，跣低超過半巴仙，報１６﹒２４銀，盤中低見１６﹒１銀，連續兩日創咗超過兩年低。恆大成績走樣，加上人仔繼續潛水，連帶成個內房都愁雲慘霧，中海外（００６８８）微潛唔夠半巴仙，報２４﹒８銀。融創（０１９１８）插水逾２巴仙，報３１﹒４銀。碧桂園（０２００７）跌近１巴仙，報９﹒７５銀。萬科（０２２０２）微漲唔夠半巴仙，報２７﹒１銀。
＊即將有大刁比亞迪狂飆，家電前景好海爾執到寶＊ 神州砵砵車呢排不時都有炒風，今日表現最好嘅就係之前一直落後嘅比亞迪（０１２１１）。事關外電報導，比亞迪有機會成為奧迪（Ａｕｄｉ）嘅電池供應商，而且協議仲已經到左最後階段，比亞迪炒上近７巴仙，報４０﹒６銀，仲係全日最佳國貨佬。不過，商務部發文促進砵砵車入口，部分車股升幅減少，吉利（００１７５）仍漲逾１巴仙，報１２﹒１２銀。長汽（０２３３３）升近１巴仙，報４﹒９８銀。今日收市放榜嘅廣汽（０２２３８）踢高近３巴仙，報７﹒９銀。 今個星期二（２７日）神州力谷消費，包括綠色智能家電同智能家居，為家電股帶來唔少支持。其中，上半年多賺８巴仙嘅海爾電器（０１１６９）狀態大勇，急飆逾９巴仙，報２０﹒４銀。國美零售（００４９３）亦升近３巴仙，報０﹒７１銀。ＴＣＬ電子（０１０７０）漲近１巴仙，報３﹒４５銀。但創維集團（００７５１）續瀉近４巴仙，報１﹒８１銀。海信家電（００９２１）亦跌逾１巴仙，報８﹒２２銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊成績算省鏡中海油最正，工行績後揚民行績前強＊
花旗國原油庫存急降１１００萬桶，加上颶風「多里安」侵襲佛羅里達州，截至噚日埋單，國際油價已經連彈三日；加上，「三桶油」出嚟嘅成績表見得吓人，中海油（００８８３）多賺近一成九，大摩仲唱好佢，話佢喺「三桶油」入面嘅首選。咁多好消息，缸友自然ＨＡＰＰＹ啦，中海油全日勁升超過半成，報１１﹒７銀，係全場最勁嘅藍戰士！神州石油（００８５７）雖然只係多賺近４巴仙，但都有得彈起近４巴仙，報３﹒８９銀。神州石化（００３８６）只係升咗超過１巴仙，報４﹒５９銀。 今個星期係內銀業績高峰期，雖然「孖屐」都唔多寄望，但工行（０１３９８）上半年多賺近半成至１６７９億人仔，高過預期嘅１６７１億人仔。成績不過不失，工行自然有人追啦，今日彈起超過１巴仙，報４﹒９５銀。建行（００９３９）、農行（０１２８８）同中行（０３９８８）都有一巴仙進帳，報５﹒８２銀、３﹒０２銀同２﹒９９銀。民行（０１９８８）今日放榜，績前勁彈近兩巴仙，報５﹒１６銀。
＊會德豐推盤股價無人捧，恆大銷售跌內房低位見＊
香江磚頭今日表現回吐，其中，會德豐（０００２０）今日喺康城有新盤推出，雖然仍超額認購，但缸友似乎仲未收貨，全日跌近１巴仙，報４５﹒５５銀。其他磚頭佬都無咩精神，恆地（０００１２）輕瀉逾半巴仙，報３６﹒５銀。新地（０００１６）回吐近２巴仙，報１１１﹒１銀。新世界（０００１７）跪低近２巴仙，報９﹒７８銀。長實（０１１１３）急回逾２巴仙，報５３﹒２５銀。太地（０１９７２）潛水近４巴仙，報２５﹒７５銀。 神州磚頭佬都唔好得幾多，四條三恆大（０３３３３）噚日公布嘅中期業績走晒樣，嚇到缸友走夾唔唞，全日蒸發近６巴仙，今日似乎仲未脫險，跣低超過半巴仙，報１６﹒２４銀，盤中低見１６﹒１銀，連續兩日創咗超過兩年低。恆大成績走樣，加上人仔繼續潛水，連帶成個內房都愁雲慘霧，中海外（００６８８）微潛唔夠半巴仙，報２４﹒８銀。融創（０１９１８）插水逾２巴仙，報３１﹒４銀。碧桂園（０２００７）跌近１巴仙，報９﹒７５銀。萬科（０２２０２）微漲唔夠半巴仙，報２７﹒１銀。
＊即將有大刁比亞迪狂飆，家電前景好海爾執到寶＊ 神州砵砵車呢排不時都有炒風，今日表現最好嘅就係之前一直落後嘅比亞迪（０１２１１）。事關外電報導，比亞迪有機會成為奧迪（Ａｕｄｉ）嘅電池供應商，而且協議仲已經到左最後階段，比亞迪炒上近７巴仙，報４０﹒６銀，仲係全日最佳國貨佬。不過，商務部發文促進砵砵車入口，部分車股升幅減少，吉利（００１７５）仍漲逾１巴仙，報１２﹒１２銀。長汽（０２３３３）升近１巴仙，報４﹒９８銀。今日收市放榜嘅廣汽（０２２３８）踢高近３巴仙，報７﹒９銀。 今個星期二（２７日）神州力谷消費，包括綠色智能家電同智能家居，為家電股帶來唔少支持。其中，上半年多賺８巴仙嘅海爾電器（０１１６９）狀態大勇，急飆逾９巴仙，報２０﹒４銀。國美零售（００４９３）亦升近３巴仙，報０﹒７１銀。ＴＣＬ電子（０１０７０）漲近１巴仙，報３﹒４５銀。但創維集團（００７５１）續瀉近４巴仙，報１﹒８１銀。海信家電（００９２１）亦跌逾１巴仙，報８﹒２２銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動