27/02/2024 12:10
《魚缸博客》鼎益豐咁大件事,買過都怕怕!
《魚缸博客》話說近期內地除左雪球產品爆雷,仲有個鼎益豐(00612)都一齊爆,聽聞辦公室都人去留空,有唔少人買左佢個產品都兌現唔到,慘囉。 而今日都有個消息,就係證監會已在原訟法庭對公司前主席兼非執董隋廣義及另外20名人士展開法律程序,指該等人士於2018年3月1日至2018年9月14日期間操控公司的股份。 證監會尋求法庭作出多項命令,以便在法庭裁定各被告違反證券及期貨條例相關條文的情況下,使受影響的對手方回復至其交易前的狀況,以及限制各被告處置或以其他方式處理任何資產及財產,並同時確保有足夠的資產以履行有關的回復原狀令。 今日鼎益豐股價跌兩成幾,多唔多呢?博客其實覺得已經跌左少,江湖傳聞,鼎益豐個套玩法其實係透過股票市場「印股票」方式獲利,再將錢派俾客仔,所以之前必須炒高股價。 鼎益豐買唔買得過我唔敢講,但博客有班「死士」朋友走去撈,認為等風聲無咁緊就會再炒過,真係信不信由你,但買過都怕怕啦?分分鐘隨時停牌拉人封艇啊! 《編者按》本欄搜羅即市傳聞,惟消息未經證實,《經濟通》亦不保證內容之準確性。
【你點睇】的士業「放蛇」舉報Uber,政府應否將網約車合法化?你是否支持該類自行「放蛇」行為?► 立即投票