06/09/2019 17:15
《小傳日記》期指交易今重光，惠譽降級唔心慌！
《小傳日記》隔晚（５日）花旗國公布嘅有「小非農」之稱嘅ＡＤＰ私人部門就業新增職位數據相當靚仔，８月新增１９萬份，高過預期嘅１５萬份。除此之外，非製造業ＰＭＩ同樣令「孖屐」眼前一亮，由７月嘅５３﹒７升至５６﹒４，遠過預期嘅５４。兩個數字咁得體，花旗國魚缸三大指數都彈起超過１巴仙。 香江呢邊，衍生工具交易系統終於暫時擺脫「死機災難」，期指今朝成交即時急增，而且睇嚟都多咗好倉部署，魚缸順勢高開２５７點，喺Ａ場帶動下，內銀佬再度造好，加上生發發（００３８８）喺期指重光後反彈，魚缸最多彈起２７５點，高見２６７９０點。 之後評級機構惠譽將香江評級由ＡＡ＋下調至ＡＡ，展望負面，加上ＱＱ（００７００）一度冇乜人吼，魚缸升幅一度最多縮水至４７點，全日低見２６５１５點，但最終埋單都有１７５點或超過半巴仙升幅落袋，報２６６９０點，無懼惠譽撥冷水！主板成交９９９億銀，較噚日多咗兩成。國貨佬指數報１０４３０，升咗４６點或近半巴仙。 Ａ場造好，上證指報２９９９，升１３點或近半巴仙。深成指報９８２３，升３９點或近半巴仙。兩市成交共６３４０億人仔，按日少咗近兩成一。 重磅藍戰士今日升幅唔算好明顯，大象（００００５）彈起超過半巴仙，報５７﹒９銀。生發發漲近１巴仙，報２４９﹒４銀。ＱＱ升半巴仙，報３４３﹒４銀。神州移動（００９４１）升咗一格，報６６﹒１銀。ＡＩＡ（０１２９９）進帳超過一巴仙，報７９﹒７銀。建行（００９３９）同工行（０１３９８）都分別彈起近一巴仙，報６﹒０３銀同５﹒１８銀。平保（０２３１８）升半巴仙，報９３﹒８銀。
＊期待新「唉瘋」瑞聲連日衝，深圳有目標５Ｇ股狂飆＊
蘋果將會喺下周二（１０日）發布新「唉瘋」，加上花旗國同神州已經確定下個月會舉行貿易談判，貿易戰總算叫做降吓溫，手機設備佬呢幾日都偷步炒高，瑞聲（０２０１８）噚日勁彈一成二後，今日繼續升近３巴仙，報４０﹒２５銀！舜宇（０２３８２）一樣彈起近３巴仙，報１１６﹒４銀，最高仲見１２０蚊，創超過一年新高，勁！丘鈦（０１４７８）最架勢，有近一成升幅落袋，報８﹒４９銀。富智康（０２０３８）同鴻騰精密（０６０８８）都升咗兩巴仙，報０﹒９９銀同３﹒６３銀。 深圳前日（４日）舉行咗「５Ｇ建設動員大會」，話要喺出年８月前，起好４﹒５萬個５Ｇ基站，相關股呢兩日都有鑊氣，中興通訊（００７６３）勁升近９巴仙，報２１﹒２５銀。長飛光纖（０６８６９）漲逾４巴仙，報１３﹒８８銀。京信通信（０２３４２）彈近３巴仙，報１﹒９銀。神州鐵塔（００７８８）升咗約３巴仙，報１﹒９１銀。
＊缸友作送別華融卻報捷，申洲今除淨表現仍強勁＊
「十．一」黃金周在即，同時又係神州７０周年國慶，喺維穩大過天下，「孖屐」除咗憧憬人行會放水外，仲會有其他利好經濟嘅措施，Ａ場今個星期勁彈近４巴仙，唔少中資金融佬都有唔錯嘅表現，雖然神州信達（０１３５９）、神州華融（０２７９９）同華泰六八八六（０６８８６）由今日收市起唔再係國貨佬指數成員，但被叮走前都有唔少資金作送別，信達升咗超過兩巴仙，報１﹒７銀。華融勁升４巴仙，報１﹒２７銀，仲要係表現最好嘅國貨佬！華泰彈起３巴仙，報１２﹒８８銀。其他神州券商都攞唔少彩，神州銀河（０６８８１）升咗約４巴仙，報４﹒２９銀。海通證券（０６８３７）進帳近３巴仙，報８﹒６９銀。中信証券（０６０３０）跳起近兩巴仙，報１５﹒６８銀。 另外四隻被納入國貨佬嘅街坊就冇咩睇頭，旺旺（００１５１）同融創（０１９１８）就雙雙唔見咗逾１巴仙，報６﹒２３銀同３２﹒９銀。復星國際（００６５６）跌咗一格，報１０﹒４銀。太平（００９６６）彈起兩格，報１８﹒６４銀。已經係國貨佬嘅申洲（０２３１３）雖然今日除淨，派中期息９０仙，但仍彈起３巴仙，報１１２﹒４銀，為表現最勁嘅藍戰士！藥佬逆市捱沽，中生製藥（０１１７７）插逾三巴仙，報１１﹒４２銀，係跌幅最大嘅藍戰士！石藥（０１０９３）蒸發兩巴仙，報１５﹒９８銀。
＊計劃出新政車佬好高興，ＳＫ棄中燃風光不再現＊
神州諗緊出個新政策去支持四個轆產業發展，缸友當然唔會走漏眼，追住汽車佬嚟跑啦！廣汽（０２２３８）鏟起逾４巴仙，報７﹒８３銀。東風（００４８９）８月銷售量雖然只係升近３巴仙，但埋單飛起近２巴仙，報７﹒２５銀。不過，佢同廣汽就慘慘豬啦，事關佢地由今日收市起唔再係國貨佬成員嘅一份子喇！吉利（００１７５）就加入咗國貨佬嘅行列，同華晨（０１１１４）一齊跳起逾１巴仙，分別報１２﹒７６銀，同８﹒５４銀。比亞迪（０１２１１）踢高逾２巴仙，報４１﹒３銀。 燃氣佬今日表現相當弱雞，其中仆得最金就莫過於神州燃氣（００３８４），佢畀泡菜國大股東ＳＫ集團掟貨，出售約１﹒６億股，雖然野村都仲喺維持佢個評級同「他屐」，不過都打救唔到佢，埋單面青青趴低近７巴仙，報３０﹒１銀，係表現最差嘅國貨佬！其他燃氣佬面色都唔太好，新奧能源（０２６８８）就腳軟跣低近１巴仙，報８０銀。天倫燃氣（０１６００）仆低逾１巴仙，報７﹒９１銀。潤燃（０１１９３）碌低４巴仙，報３６﹒４銀。中裕燃氣（０３６３３）碌低近１巴仙，報８﹒０２銀。港華燃氣（０１０８３）獲受捧升逾兩巴仙，報５﹒４５銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊期待新「唉瘋」瑞聲連日衝，深圳有目標５Ｇ股狂飆＊
蘋果將會喺下周二（１０日）發布新「唉瘋」，加上花旗國同神州已經確定下個月會舉行貿易談判，貿易戰總算叫做降吓溫，手機設備佬呢幾日都偷步炒高，瑞聲（０２０１８）噚日勁彈一成二後，今日繼續升近３巴仙，報４０﹒２５銀！舜宇（０２３８２）一樣彈起近３巴仙，報１１６﹒４銀，最高仲見１２０蚊，創超過一年新高，勁！丘鈦（０１４７８）最架勢，有近一成升幅落袋，報８﹒４９銀。富智康（０２０３８）同鴻騰精密（０６０８８）都升咗兩巴仙，報０﹒９９銀同３﹒６３銀。 深圳前日（４日）舉行咗「５Ｇ建設動員大會」，話要喺出年８月前，起好４﹒５萬個５Ｇ基站，相關股呢兩日都有鑊氣，中興通訊（００７６３）勁升近９巴仙，報２１﹒２５銀。長飛光纖（０６８６９）漲逾４巴仙，報１３﹒８８銀。京信通信（０２３４２）彈近３巴仙，報１﹒９銀。神州鐵塔（００７８８）升咗約３巴仙，報１﹒９１銀。
＊缸友作送別華融卻報捷，申洲今除淨表現仍強勁＊
「十．一」黃金周在即，同時又係神州７０周年國慶，喺維穩大過天下，「孖屐」除咗憧憬人行會放水外，仲會有其他利好經濟嘅措施，Ａ場今個星期勁彈近４巴仙，唔少中資金融佬都有唔錯嘅表現，雖然神州信達（０１３５９）、神州華融（０２７９９）同華泰六八八六（０６８８６）由今日收市起唔再係國貨佬指數成員，但被叮走前都有唔少資金作送別，信達升咗超過兩巴仙，報１﹒７銀。華融勁升４巴仙，報１﹒２７銀，仲要係表現最好嘅國貨佬！華泰彈起３巴仙，報１２﹒８８銀。其他神州券商都攞唔少彩，神州銀河（０６８８１）升咗約４巴仙，報４﹒２９銀。海通證券（０６８３７）進帳近３巴仙，報８﹒６９銀。中信証券（０６０３０）跳起近兩巴仙，報１５﹒６８銀。 另外四隻被納入國貨佬嘅街坊就冇咩睇頭，旺旺（００１５１）同融創（０１９１８）就雙雙唔見咗逾１巴仙，報６﹒２３銀同３２﹒９銀。復星國際（００６５６）跌咗一格，報１０﹒４銀。太平（００９６６）彈起兩格，報１８﹒６４銀。已經係國貨佬嘅申洲（０２３１３）雖然今日除淨，派中期息９０仙，但仍彈起３巴仙，報１１２﹒４銀，為表現最勁嘅藍戰士！藥佬逆市捱沽，中生製藥（０１１７７）插逾三巴仙，報１１﹒４２銀，係跌幅最大嘅藍戰士！石藥（０１０９３）蒸發兩巴仙，報１５﹒９８銀。
＊計劃出新政車佬好高興，ＳＫ棄中燃風光不再現＊
神州諗緊出個新政策去支持四個轆產業發展，缸友當然唔會走漏眼，追住汽車佬嚟跑啦！廣汽（０２２３８）鏟起逾４巴仙，報７﹒８３銀。東風（００４８９）８月銷售量雖然只係升近３巴仙，但埋單飛起近２巴仙，報７﹒２５銀。不過，佢同廣汽就慘慘豬啦，事關佢地由今日收市起唔再係國貨佬成員嘅一份子喇！吉利（００１７５）就加入咗國貨佬嘅行列，同華晨（０１１１４）一齊跳起逾１巴仙，分別報１２﹒７６銀，同８﹒５４銀。比亞迪（０１２１１）踢高逾２巴仙，報４１﹒３銀。 燃氣佬今日表現相當弱雞，其中仆得最金就莫過於神州燃氣（００３８４），佢畀泡菜國大股東ＳＫ集團掟貨，出售約１﹒６億股，雖然野村都仲喺維持佢個評級同「他屐」，不過都打救唔到佢，埋單面青青趴低近７巴仙，報３０﹒１銀，係表現最差嘅國貨佬！其他燃氣佬面色都唔太好，新奧能源（０２６８８）就腳軟跣低近１巴仙，報８０銀。天倫燃氣（０１６００）仆低逾１巴仙，報７﹒９１銀。潤燃（０１１９３）碌低４巴仙，報３６﹒４銀。中裕燃氣（０３６３３）碌低近１巴仙，報８﹒０２銀。港華燃氣（０１０８３）獲受捧升逾兩巴仙，報５﹒４５銀。假期愉快，請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情