《魚缸博客》大市終於有返小小起色，睇返今日有隻「皇冠環球」（００７２７）有炒作，皆因履行所有復牌指引，已向聯交所申請自今日上午９時正起復牌。　　公司主要於中國從事物業投資、酒店營運、物業發展，以及提供大健康策劃管理服務。公司早前公布業績截，至２０２４年３月３１日止全年虧損擴大至１０﹒６９億元，而對上一年同期虧損７﹒２６億元，公司解釋，虧損主因中國物業市場的不利影響，預計出售投資物業虧損、開發中物業減值虧損及物業、廠房及設備減值虧損介乎１１億元及１２億元。　　即係話，唔係業務做得差，而係堆手頭上物業唔值錢，係會計學上係屬於「虧損」，咁咪當你大蝕特蝕。　　博客覺得，股價都跌到落仙股，已經跌無可跌，加上公司確實做物業，唔係話咩炒話題炒未來，堆買賣盤都出曬來，覺得應該短期內仍有炒作，建議低於一豪子可以繼續吸納，睇圖玩短線炒作應該都係一個幾唔錯選擇！　《編者按》本欄搜羅即市傳聞，惟消息未經證實，《經濟通》亦不保證內容之準確性。

WoW WoW星期三：精選保健品低至$99！ (只限今天)► 火速行動