《開市Ｇｏｏｄ　Ｍｏｒｎｉｎｇ》香江魚缸連升第二日，日內升幅由二百幾點縮到得返百幾點收工，連阿爺開口撐市都唔算太畀面，係自身韌性不足先無力後抽？現時有無條件維持到反彈勢頭？花旗國孖屐月至今已回吐逾４巴仙，經濟強勁下好少見股市反而咁弱，近期弱勢關唔關稅季事呢？　　金價雖稍回調但仍處高位，多隻金礦股下周將放榜，邊份業績最值得期待？不過繼招金礦業（０１８１８）後，靈寶黃金（０３３３０）都宣布抑讓配股，怕唔怕引起新一波「抽水潮」？不過同樣係抽水，靈寶公布消息後股價有力由跌轉升，招金喺公布配股翌日反而大插逾９巴仙，點解讀兩者股價分歧？　　神州６Ｇ發展未有新進展，聽日（１９日）同下星期都有中資電訊商會放榜，預計咩方面業務可撐起業績？炒６Ｇ之前、或者可以吼下算力孖屐嘅發展潛力？中聯通（００７２８）早已搶飲啖湯，率先推出針對一般消費者嘅算力服務「聯通算卡」，溫總又點睇谷算力嘅發展空間？　　聽日（１９日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＧＨＯｘ＿ｇＱＪＹｄｗ打個卡先又得！

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動