27/06/2019 17:20
《小傳日記》中美或停戰，氣氛即改善；魚缸高位見，收復百天線！
《小傳日記》花旗國魚缸噚晚（２７日）表現不一，可能因為缸友買緊中美貿易戰會唔會達成協議嘅大細，不過侵侵出發去Ｇ２０之前話，如果達成協議可能會對３０００億美金嘅神州進口商品加徵１０巴仙關稅，而唔係原先提議嘅２５巴仙，「孖屐」就理解為好消息，恆指今朝高開１３０點，報２８３５２，即時收復５０天線（約２８３４６點），魚缸之後仲愈升愈有，加上神州統計局公布咗５月全國規模以上工業企業利潤總額，按年增長逾１巴仙，增速由負轉正，魚缸受Ａ股帶動，半日已鏟高逾３００點。午後有消息話，花旗國同神州都同意喺貿易摩擦上暫時休戰，同時暫停花旗下一輪徵稅行動，魚缸狂踩油最多升近４００點，收復百天線（約２８５６８點），最終魚缸喺期指結算日，以全日最高位埋單報２８６２１點，生猛踢高３９９點，升幅逾１巴仙，企番上５０天線（２８３４７點）同１００天線，主板成交７８４﹒３１億銀踢高近兩成一。 國貨佬指數收報１０８９７點，叉足電升１３１點或逾１巴仙。 Ａ場就蜈蚣彈，上証收報２９９６點，踢高２０點或逾半巴仙，差啲上返三千關口。深証收報９２３９點，彈起１１７點或逾１巴仙。兩個魚缸合共成交４７５８億人仔。 大隻藍戰士方面，大象（００００５）今日踢高逾１巴仙，報６５﹒０５銀。坊間有消息話阿里集資規模降縮水一半到１００億美金，不過生發發（００３８８）就無頭耷耷，起哄逾１巴仙，報２７７銀。５Ｇ雲端遊戲成為近期缸邊熱話，ＱＱ（００７００）有力撐，收踢逾１巴仙，報３５２﹒８銀。噚日野村決定維持中移動（００９４１）「買貨」評級，同樣「他屐」１００銀，今日醒神走高近２巴仙，報７１﹒４銀。ＡＩＡ（０１２９９）畀缸友追住掃貨，全日鏟高近２巴仙，報８４﹒２銀，成功再破頂。
＊大會騷哥利中興有飛士，蘋果股價揚舜宇跟住漲＊
話說呢幾日喺上海搞緊「移動通訊大會」，會上最光芒綻放肯定就係聯通（００７６２）同中興（００７６３），因為佢地一齊合作搞５Ｇ技術，仲拎ＱＱ雲遊戲騷「哥利」，展示祖國偉大嘅通訊技術，幾咁有「飛士」，連帶股價都直線急升，中興飛起逾６巴仙，報２３﹒１銀。聯通漲近２巴仙，報８﹒６１銀。其他相關股都造好，小米（０１８１０）升近２巴仙，報１０銀。聯想集團（００９９２）踢高近逾２巴仙，報６﹒０４銀。 「手機孖寶」舜宇（０２３８２）同瑞聲（０２０１８）今日都升得好靚仔，事關蘋果股價又重返二百美金關口，之後又有消息指中美兩位大佬暫時唔打交住，有傳半年後先約埋去講數。華強北班手足終於有安樂茶飯食幾口啦！舜宇今日抽高４巴仙，報８１﹒３銀，係全日表現最好藍戰士。瑞聲同樣漲近３巴仙，報４４﹒２５銀。比亞迪電子（００２８５）升逾４巴仙報１１﹒２４銀。通達（００６９８）低位返彈漲逾３巴仙，報０﹒６１銀。鴻騰精密（０６０８８）跳高近３巴仙，報３﹒１７銀。
＊燃氣兩頭走神州燃氣嘔，神州券商漲中信証券強＊
今日魚缸升得咁勁，但神州燃氣（００３８４）反而仆得好犀利，有專家認為燃氣嗰浪潮可能就快完，神州燃氣埋單就順利成章做咗表現最差國貨佬，回吐逾半巴仙，報２９﹒７５銀！而其他燃氣佬就各有各走，昆侖能源（００１３５）彈起逾１巴仙，報６﹒８２銀。港華燃氣（０１０８３）起飛近１巴仙，報５﹒６４銀。華潤燃氣（０１１９３）趴低近１巴仙，報３８﹒５５銀。 Ａ場上証今日差啲衝破３０００點關口，雖然最後無企穩，但神州券商佬都跟住Ａ場搵到食，中信証券（０６０３０）全日埋單省鏡跳高近５巴仙，報１６﹒５８銀，係表現最勁嘅國貨佬！廣發証券（０１７７６）及國泰君安（０２６１１）各彈起娥１巴仙，分別報９﹒４４銀及１４銀。光大證券（０６１７８）起飛近２巴仙，報５﹒９９銀。祖國銀河（０６８８１）都跳高逾３巴仙，報４﹒６２銀。 ＊賭業漸回穩馬交佬脫困，貿談有希望公用需求降＊ 瑞信唱好馬交賭佬貴賓廳嘅生意已經開始回穩，加上花旗券商話外資賭場營運商續唔到賭牌嘅機會好微，消息都利好馬交佬嘅走勢。永利馬交（０１１２８）踢高逾半成，報１７﹒３４銀。銀娛（０００２７）漲近４巴仙，報５２﹒３５銀。金沙（０１９２８）飆逾３巴仙，報３７﹒５銀。新濠（００２００）亦起哄逾４巴仙，報１６﹒７８銀。澳博（００８８０）及美高梅（０２２８２）齊齊升逾４巴仙，分別報８﹒８６銀及１３﹒３４銀。 魚缸是日期結，大市氣氛變得活躍，加上神州同花旗嘅貿易戰有望喺後日開完會之後短暫停戰，公用股嘅避險需求都縮晒水，全日本地公用佬表現靜蠅蠅。畀高盛首予中性評級同「他屐」９０銀嘅中電（００００２）漲逾１巴仙，報８６﹒６銀。長江基建（０１０３８）就失魂軟近半巴仙，報６４銀，仲係包尾藍戰士。領展（００８２３）逆市跌一格報９７﹒６銀。神州公用股方面，祖國水務（００８５５）全年多賺多兩成，股價急漲近４巴仙，報８﹒１銀。粵海投資（００２７０）走低唔夠半巴仙，報１５﹒６６銀。潤電（００８３６）就揚近１巴仙，報１１﹒３８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊大會騷哥利中興有飛士，蘋果股價揚舜宇跟住漲＊
話說呢幾日喺上海搞緊「移動通訊大會」，會上最光芒綻放肯定就係聯通（００７６２）同中興（００７６３），因為佢地一齊合作搞５Ｇ技術，仲拎ＱＱ雲遊戲騷「哥利」，展示祖國偉大嘅通訊技術，幾咁有「飛士」，連帶股價都直線急升，中興飛起逾６巴仙，報２３﹒１銀。聯通漲近２巴仙，報８﹒６１銀。其他相關股都造好，小米（０１８１０）升近２巴仙，報１０銀。聯想集團（００９９２）踢高近逾２巴仙，報６﹒０４銀。 「手機孖寶」舜宇（０２３８２）同瑞聲（０２０１８）今日都升得好靚仔，事關蘋果股價又重返二百美金關口，之後又有消息指中美兩位大佬暫時唔打交住，有傳半年後先約埋去講數。華強北班手足終於有安樂茶飯食幾口啦！舜宇今日抽高４巴仙，報８１﹒３銀，係全日表現最好藍戰士。瑞聲同樣漲近３巴仙，報４４﹒２５銀。比亞迪電子（００２８５）升逾４巴仙報１１﹒２４銀。通達（００６９８）低位返彈漲逾３巴仙，報０﹒６１銀。鴻騰精密（０６０８８）跳高近３巴仙，報３﹒１７銀。
＊燃氣兩頭走神州燃氣嘔，神州券商漲中信証券強＊
今日魚缸升得咁勁，但神州燃氣（００３８４）反而仆得好犀利，有專家認為燃氣嗰浪潮可能就快完，神州燃氣埋單就順利成章做咗表現最差國貨佬，回吐逾半巴仙，報２９﹒７５銀！而其他燃氣佬就各有各走，昆侖能源（００１３５）彈起逾１巴仙，報６﹒８２銀。港華燃氣（０１０８３）起飛近１巴仙，報５﹒６４銀。華潤燃氣（０１１９３）趴低近１巴仙，報３８﹒５５銀。 Ａ場上証今日差啲衝破３０００點關口，雖然最後無企穩，但神州券商佬都跟住Ａ場搵到食，中信証券（０６０３０）全日埋單省鏡跳高近５巴仙，報１６﹒５８銀，係表現最勁嘅國貨佬！廣發証券（０１７７６）及國泰君安（０２６１１）各彈起娥１巴仙，分別報９﹒４４銀及１４銀。光大證券（０６１７８）起飛近２巴仙，報５﹒９９銀。祖國銀河（０６８８１）都跳高逾３巴仙，報４﹒６２銀。 ＊賭業漸回穩馬交佬脫困，貿談有希望公用需求降＊ 瑞信唱好馬交賭佬貴賓廳嘅生意已經開始回穩，加上花旗券商話外資賭場營運商續唔到賭牌嘅機會好微，消息都利好馬交佬嘅走勢。永利馬交（０１１２８）踢高逾半成，報１７﹒３４銀。銀娛（０００２７）漲近４巴仙，報５２﹒３５銀。金沙（０１９２８）飆逾３巴仙，報３７﹒５銀。新濠（００２００）亦起哄逾４巴仙，報１６﹒７８銀。澳博（００８８０）及美高梅（０２２８２）齊齊升逾４巴仙，分別報８﹒８６銀及１３﹒３４銀。 魚缸是日期結，大市氣氛變得活躍，加上神州同花旗嘅貿易戰有望喺後日開完會之後短暫停戰，公用股嘅避險需求都縮晒水，全日本地公用佬表現靜蠅蠅。畀高盛首予中性評級同「他屐」９０銀嘅中電（００００２）漲逾１巴仙，報８６﹒６銀。長江基建（０１０３８）就失魂軟近半巴仙，報６４銀，仲係包尾藍戰士。領展（００８２３）逆市跌一格報９７﹒６銀。神州公用股方面，祖國水務（００８５５）全年多賺多兩成，股價急漲近４巴仙，報８﹒１銀。粵海投資（００２７０）走低唔夠半巴仙，報１５﹒６６銀。潤電（００８３６）就揚近１巴仙，報１１﹒３８銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情