24/10/2019 17:10
《小傳日記》魚缸續守十天線，股王ＱＱ無貢獻！
《小傳日記》噚晚（２３日）缸友轉睇花旗國魚缸魚毛成績，雖然鐵鳥製造佬波音、重工佬卡特彼勒成績差過預期，但美股三大指數都踢高。 香江魚缸今朝都跟住踢高，加上人仔近期生猛，恆指今朝已經高開８４點，報２６６５１，雖然早段升幅曾經收窄至僅僅踢高２６點，報２６５９２點，但「孖屐」憧憬中證監鼓勵內銀佬融資，神州四大行推動魚缸踢高啲，半日已經高近過百點。雖然股王ＱＱ（００７００）同埋生發發（００３８８）晏晝繼續畀缸友追住掟，但魚缸收市之前發力，鏟高最多２４４點，報２６８１０點，最終魚缸報２６７９７高２３１點，續守十天線（約２６６４４點）。主板成交６８６﹒７５億銀多咗近１巴仙。國貨報１０５３２，高８１點或近１巴仙。 Ａ場輕微縮水，上證指數報２９４０跌近１點。深成指數報９５５５跌１１點，兩市成交僅３６０３億人仔。 大隻藍戰士方面，高佬估大象（００００５）第三季列帳稅前利潤要縮９巴仙，下年可能再有回購，所以維持「他屐」同「掃貨」評級，今日踢高逾１巴仙，報６１﹒８５銀。生發發少咗４毫子，報２４０﹒８銀。ＱＱ穿咗３２０蚊關口，雖然滙證微升「他屐」到４３３蚊，評級維持增持，但全日少１蚊，報３１９銀。ＡＩＡ（０１２９９）高近１毫子，報７５﹒３銀。神州移動（００９４１）中標４﹒９吉赫頻帶５Ｇ頻譜，全日收多３毫半子，報６５﹒３銀。
＊銀娛衝東瀛濠賭齊歡迎，蘋果創新高瑞聲好風騷＊
銀娛（０００２７）就話準備去發展東瀛大阪嘅綜合度假區項目，今日表現認真醒目，升逾２巴仙，報５１﹒９５銀。金沙（０１９２８）今日都出咗第三季度成績表，淨收益少咗２巴仙至２１﹒１億美金，全日揚逾２巴仙，報３８﹒４銀。其他濠賭佬都一齊升上嚟，永利馬交（０１１２８）飆近５巴仙，報１６﹒７８銀。美高梅（０２２８２）升４巴仙，報１２﹒４４銀。澳博（００８８０）都升近２巴仙，報８﹒２４銀。 瑞聲（０２０１８）畀交銀國際睇好，升「他屐」兼升評級，加上噚晚蘋果破頂，今日一支大陽燭上咗嚟，升４巴仙，報４８﹒８銀，係全日表現最好藍戰士。蘋果效應嘅帶動下其他手機佬表現都唔錯，舜宇（０２３８２）升２巴仙，報１１６﹒３銀。比亞迪電子（００２８５）升逾１巴仙，報１１﹒１銀。華顯光電（００３３４）漲４巴仙，報０﹒５４銀。通達（００６９８）升近２巴仙，報０﹒６３銀。
＊人民幣走強內房股上揚，業績快公布內銀全造好＊
人仔今日繼續發威，大部分神州磚頭佬都跟住沾光，當中融創（０１９１８）就提供員工八折買樓優惠，想加快達成全年「他屐」，全日省鏡起飛逾２巴仙，報３５﹒６５銀。潤地（０１１０９）早兩日股價暴瀉，今日終於有番啲起色，彈起近２巴仙，報３３﹒４銀。佳兆業（０１６３８）好似話要派中期息去報答返缸友，缸友即刻大力掃佢貨，埋單跳起４巴仙，報３﹒５４銀。世房（００８１３）踼高近２巴仙，報２５﹒８５銀。不過，中海外（００６８８）嘅「他屐」畀滙證由３６﹒６銀降至２７﹒１銀，評級由「買貨」降為「持有」，埋單自然趴低逾２巴仙，報２５﹒１５銀，仲係表現最差藍戰士！ 神州銀行佬就嚟公布成績表，缸友都睇好佢哋，所以今日嗰嗰彈起哂！工行（０１３９８）同農行（０１２８８）聽日（２５號）放榜，齊齊踼高近２巴仙，前者報５﹒６銀，後者報３﹒２５銀。交行（０３３２８）都一樣聽日放榜，埋單就無咁勁，微跳逾１巴仙，報５﹒３９銀。建行（００９３９）彈起近１巴仙，報６﹒３５銀。中行（０３９８８）跳高逾１巴仙，報３﹒２２銀。招行（０３９６８）起飛近３巴仙，報３８﹒３銀，喺表現最好國貨佬！
＊富瑞首唱好推高油服佬，神華畀人掃中燃氣仆倒＊
噚日油魔又出現，事關花旗國上星期原油庫存意外插水，噚晚油價鏟高近３巴仙，但三桶油升幅唔太明顯。中海油（００８８３）起哄逾１巴仙，報１２﹒０６銀。中石油（００８５７）省鏡升１巴仙，報４﹒０６銀。中石化（００３８６）踢高逾半巴仙，報４﹒６２銀。不過，油服佬反而有缸友撐實，事關富瑞第一次唱好佢哋。中海油服（０２８８３）高逾２巴仙，報１０﹒０４銀。宏華（００１９６）亦升逾２巴仙，報０﹒４８銀。另外，上海石化（００３３８）第三季純利大劈近５３巴仙至約５﹒３５億人仔，但全日亦原地踏步無升跌，報２﹒２３銀。 燃氣佬今日就個別發展，天倫燃氣（０１６００）鏟高近６巴仙，報７﹒４５銀。昆侖能源（００１３５）踢高逾４巴仙，報７﹒４銀。北京控股（００３９２）起哄逾２巴仙，報３８﹒０５銀。不過，神州燃氣（００３８４）早排被沽空機構ＧＭＴ狙擊，質疑佢嘅入帳方式同估值有問題，而缸友就收到風，中燃噚晚開咗個分析員會議澄清件事唔係咁，但缸友似乎唔太領情，全日大劈近３巴仙，報３１﹒８銀，係今日表現最差國貨佬。新奧能源（０２６８８）仆低逾１巴仙，報８６﹒３５銀。至於煤炭佬就有追捧，神華（０１０８８）鏟高近２巴仙，報１５﹒５銀。南方能源（０１５７３）踢高近１巴仙，報１﹒４銀。兗州煤業（０１１７１）起哄近１巴仙，報８﹒３５銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊銀娛衝東瀛濠賭齊歡迎，蘋果創新高瑞聲好風騷＊
銀娛（０００２７）就話準備去發展東瀛大阪嘅綜合度假區項目，今日表現認真醒目，升逾２巴仙，報５１﹒９５銀。金沙（０１９２８）今日都出咗第三季度成績表，淨收益少咗２巴仙至２１﹒１億美金，全日揚逾２巴仙，報３８﹒４銀。其他濠賭佬都一齊升上嚟，永利馬交（０１１２８）飆近５巴仙，報１６﹒７８銀。美高梅（０２２８２）升４巴仙，報１２﹒４４銀。澳博（００８８０）都升近２巴仙，報８﹒２４銀。 瑞聲（０２０１８）畀交銀國際睇好，升「他屐」兼升評級，加上噚晚蘋果破頂，今日一支大陽燭上咗嚟，升４巴仙，報４８﹒８銀，係全日表現最好藍戰士。蘋果效應嘅帶動下其他手機佬表現都唔錯，舜宇（０２３８２）升２巴仙，報１１６﹒３銀。比亞迪電子（００２８５）升逾１巴仙，報１１﹒１銀。華顯光電（００３３４）漲４巴仙，報０﹒５４銀。通達（００６９８）升近２巴仙，報０﹒６３銀。
＊人民幣走強內房股上揚，業績快公布內銀全造好＊
人仔今日繼續發威，大部分神州磚頭佬都跟住沾光，當中融創（０１９１８）就提供員工八折買樓優惠，想加快達成全年「他屐」，全日省鏡起飛逾２巴仙，報３５﹒６５銀。潤地（０１１０９）早兩日股價暴瀉，今日終於有番啲起色，彈起近２巴仙，報３３﹒４銀。佳兆業（０１６３８）好似話要派中期息去報答返缸友，缸友即刻大力掃佢貨，埋單跳起４巴仙，報３﹒５４銀。世房（００８１３）踼高近２巴仙，報２５﹒８５銀。不過，中海外（００６８８）嘅「他屐」畀滙證由３６﹒６銀降至２７﹒１銀，評級由「買貨」降為「持有」，埋單自然趴低逾２巴仙，報２５﹒１５銀，仲係表現最差藍戰士！ 神州銀行佬就嚟公布成績表，缸友都睇好佢哋，所以今日嗰嗰彈起哂！工行（０１３９８）同農行（０１２８８）聽日（２５號）放榜，齊齊踼高近２巴仙，前者報５﹒６銀，後者報３﹒２５銀。交行（０３３２８）都一樣聽日放榜，埋單就無咁勁，微跳逾１巴仙，報５﹒３９銀。建行（００９３９）彈起近１巴仙，報６﹒３５銀。中行（０３９８８）跳高逾１巴仙，報３﹒２２銀。招行（０３９６８）起飛近３巴仙，報３８﹒３銀，喺表現最好國貨佬！
＊富瑞首唱好推高油服佬，神華畀人掃中燃氣仆倒＊
噚日油魔又出現，事關花旗國上星期原油庫存意外插水，噚晚油價鏟高近３巴仙，但三桶油升幅唔太明顯。中海油（００８８３）起哄逾１巴仙，報１２﹒０６銀。中石油（００８５７）省鏡升１巴仙，報４﹒０６銀。中石化（００３８６）踢高逾半巴仙，報４﹒６２銀。不過，油服佬反而有缸友撐實，事關富瑞第一次唱好佢哋。中海油服（０２８８３）高逾２巴仙，報１０﹒０４銀。宏華（００１９６）亦升逾２巴仙，報０﹒４８銀。另外，上海石化（００３３８）第三季純利大劈近５３巴仙至約５﹒３５億人仔，但全日亦原地踏步無升跌，報２﹒２３銀。 燃氣佬今日就個別發展，天倫燃氣（０１６００）鏟高近６巴仙，報７﹒４５銀。昆侖能源（００１３５）踢高逾４巴仙，報７﹒４銀。北京控股（００３９２）起哄逾２巴仙，報３８﹒０５銀。不過，神州燃氣（００３８４）早排被沽空機構ＧＭＴ狙擊，質疑佢嘅入帳方式同估值有問題，而缸友就收到風，中燃噚晚開咗個分析員會議澄清件事唔係咁，但缸友似乎唔太領情，全日大劈近３巴仙，報３１﹒８銀，係今日表現最差國貨佬。新奧能源（０２６８８）仆低逾１巴仙，報８６﹒３５銀。至於煤炭佬就有追捧，神華（０１０８８）鏟高近２巴仙，報１５﹒５銀。南方能源（０１５７３）踢高近１巴仙，報１﹒４銀。兗州煤業（０１１７１）起哄近１巴仙，報８﹒３５銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
全新節目《說說心理話》青少年不可以戀愛！？真實個案講述驚心動魄經歷► 即睇