03/12/2020 17:30
《小傳日記》小米今反彈大象唔再孱；魚缸再回勇缸友有揸拿
《小傳日記》隔晚花旗國三大指數因為私人企業職位數據唔好，表現反覆，但民主黨同意用跨黨紓困方案做談判基礎，標指收市創新高。香江魚缸開升９０點報２６６２３點，一啲重磅科指佬未有受花旗國眾議院通過備認為限制中概股上市嘅《外國公司問責法》影響，依然有反彈，醫藥板塊逆轉頹勢，本地銀號繼續造好，大摩睇好神洲旅客會喺出年第二季至第三季回升，更新多隻本地收租佬嘅評級同他屐，領展（００８２３）同九置（０１９９７）表現幾好；恆指早市升幅最多擴大到２４９點見２６７８１點，最終收報２６７２８點，升１９５點或０﹒７４巴仙，主板成交１３５４﹒５億銀，無咗逾２５巴仙。國指收報１０５８６點，升１２點或０﹒１２巴仙。 重磅科指股回升，科指反彈９１點或１﹒１７％，報７９４０點。 重磅藍戰士方面，大象（００００５）再跳逾２巴仙，報４３﹒４銀，係自舊年１０月２５號以嚟，相隔超過１３個月再度收企２５０天線樓上。憧憬多啲中資公司嚟香江上市，生發發（００３８８）升逾１巴仙，報３８４﹒８銀。神洲官媒預期降準機會減，建行（００９３９）無咗近２巴仙，報６﹒０６銀；中移動（００９４１）踼高逾１巴仙，報４７﹒４銀；ＡＩＡ（０１２９９）起哄升近１巴仙，報８８﹒９銀。 Ａ場兩市個別發展，上證綜指收報３４４２點，跌７點或０﹒２１巴仙；深證成指報１３９７０點，升９點或０﹒０７巴仙，總成交８２６３﹒５３億人仔，少逾６巴仙。
＊花旗國出招中概股苦笑，小米有得升ＱＱ阿里勁＊
估唔到侵侵臨交替前再出招，眾議院一致通過《外國公司問責法》，可以限制中概股上市，唔符合法規嘅股份有機會被除牌，部分二次來港上市嘅股份都唔知好嬲定好笑，好似新東方（０９９０１）潛水近４巴仙，報１２２５銀；寶尊電商（０９９９１）漲逾３巴仙，報１０２﹒９銀；萬國數據（０９６９８）跌唔夠半巴仙，報８７﹒９銀；華住（０１１７９）升唔夠半巴仙，報３９４﹒６銀。 小米（０１８１０）噚日急跌拖低重磅科指佬表現，今日飛起逾４巴仙，報２５﹒３銀。阿里巴巴收漲近１巴仙，報２５７﹒４銀；ＱＱ（００７００）飛起近３巴仙，報５８９銀；即將染藍嘅美團（０３６９０）回吐近１巴仙，報２７５﹒８銀；京東（０９６１８）踼高近２巴仙，報３３１﹒４銀。
＊特斯拉做淡雅迪股價插，發遊戲版號手遊佬造好＊
花旗新能源車商Ｔｅｓｌａ隔晚股價跌咗接近３巴仙，多就唔算好多，之不過原來電影《孤注一擲》主角原型Ｍｉｃｈａｅｌ Ｂｕｒｒｙ最新喺Ｔｗｉｔｔｅｒ度話，自己沽空咗Ｔｅｓｌａ。佢仲話Ｔｅｓｌａ要靠賣碳排放積分保證盈利，而隨住政策逐漸到期或者交付量遇到樽頸，公司嘅增長就會放緩喎。今日香江相關概念股個別發展，雅迪控股（０１５８５）大插逾９巴仙，報１４﹒２銀；贛鋒鋰業（０１７７２）跳起近１巴仙，報６５﹒５銀；恆大汽車（００７０８）抽高４巴仙，報２８﹒４銀；耐世特（０１３１６）唔見逾２巴仙，報８﹒２６銀。比亞迪股份（０１２１１）計劃發新Ｈ股集資，大行對呢件事睇法好壞參半，隻佬收市彈高一格，報１７２﹒９銀。 神州發出今個月第一批進口遊戲版號，一共有４２隻遊戲獲批。手遊佬特別開心，有３款Ｇａｍｅ中標嘅網易（０９９９９）跌低逾１巴仙，報１３６銀。創夢天地（０１１１９）、中手遊（００３０２）、心動公司（０２４００）各自中２款ｇａｍｅ。創夢天地彈近半巴仙，報３﹒９銀；中手游無升跌，報２﹒７銀；心動公司飛起逾１巴仙，報３９﹒８５銀。
＊疫苗新消息藥佬變積極，大摩力吹奏領展升唔夠＊
疫苗好消息一浪接一浪，唔單止花旗將向民眾提供疫苗，米字國都向民眾發放疫苗，呢期弱過藥煲的藥佬終於識彈，石藥（０１０９３）曾經高見７﹒９６銀，不過８蚊阻力唔細，埋單飆近６巴仙，報７﹒８９銀；中生製藥（０１１７７）彈近１巴仙，報６﹒７１銀；復星醫藥（０２１９６）走高近４巴仙，報３５﹒０５銀。之前被股東減持嘅康方生物（０９９２６），獲大摩及中金繼續唱好，評級分別係增持同跑贏大市，反彈近７巴仙，報２５﹒９５銀。藥明生物（新）（０２２６９）走上逾２巴仙，報７８﹒３銀；藥明康德（０２３５９）起哄逾３巴仙，報１２３銀。 接連有疫苗好消息，孖屐都憧憬疫情消退，經濟復蘇。大摩就預計來自神州旅客量將喺明年第二季至第三季開始反彈，因此香江零售市場將迎來兩年恢復期，所以睇好九置同領展，將兩者評級升至「增持」，並分別上調目標價至４２銀同７８銀。本地收租佬梗係開心到彈起，九置飆高逾４巴仙，報３８﹒４５銀；領展抽高近６巴仙，報７０﹒８銀；置富（００７７８）升逾２巴仙，報７﹒０６銀。不過其他磚頭佬無咩精神，新世界跣低近３巴仙，報３８銀；恆地（０００１２）跌逾１巴仙，報３１﹒６５銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊花旗國出招中概股苦笑，小米有得升ＱＱ阿里勁＊
估唔到侵侵臨交替前再出招，眾議院一致通過《外國公司問責法》，可以限制中概股上市，唔符合法規嘅股份有機會被除牌，部分二次來港上市嘅股份都唔知好嬲定好笑，好似新東方（０９９０１）潛水近４巴仙，報１２２５銀；寶尊電商（０９９９１）漲逾３巴仙，報１０２﹒９銀；萬國數據（０９６９８）跌唔夠半巴仙，報８７﹒９銀；華住（０１１７９）升唔夠半巴仙，報３９４﹒６銀。 小米（０１８１０）噚日急跌拖低重磅科指佬表現，今日飛起逾４巴仙，報２５﹒３銀。阿里巴巴收漲近１巴仙，報２５７﹒４銀；ＱＱ（００７００）飛起近３巴仙，報５８９銀；即將染藍嘅美團（０３６９０）回吐近１巴仙，報２７５﹒８銀；京東（０９６１８）踼高近２巴仙，報３３１﹒４銀。
＊特斯拉做淡雅迪股價插，發遊戲版號手遊佬造好＊
花旗新能源車商Ｔｅｓｌａ隔晚股價跌咗接近３巴仙，多就唔算好多，之不過原來電影《孤注一擲》主角原型Ｍｉｃｈａｅｌ Ｂｕｒｒｙ最新喺Ｔｗｉｔｔｅｒ度話，自己沽空咗Ｔｅｓｌａ。佢仲話Ｔｅｓｌａ要靠賣碳排放積分保證盈利，而隨住政策逐漸到期或者交付量遇到樽頸，公司嘅增長就會放緩喎。今日香江相關概念股個別發展，雅迪控股（０１５８５）大插逾９巴仙，報１４﹒２銀；贛鋒鋰業（０１７７２）跳起近１巴仙，報６５﹒５銀；恆大汽車（００７０８）抽高４巴仙，報２８﹒４銀；耐世特（０１３１６）唔見逾２巴仙，報８﹒２６銀。比亞迪股份（０１２１１）計劃發新Ｈ股集資，大行對呢件事睇法好壞參半，隻佬收市彈高一格，報１７２﹒９銀。 神州發出今個月第一批進口遊戲版號，一共有４２隻遊戲獲批。手遊佬特別開心，有３款Ｇａｍｅ中標嘅網易（０９９９９）跌低逾１巴仙，報１３６銀。創夢天地（０１１１９）、中手遊（００３０２）、心動公司（０２４００）各自中２款ｇａｍｅ。創夢天地彈近半巴仙，報３﹒９銀；中手游無升跌，報２﹒７銀；心動公司飛起逾１巴仙，報３９﹒８５銀。
＊疫苗新消息藥佬變積極，大摩力吹奏領展升唔夠＊
疫苗好消息一浪接一浪，唔單止花旗將向民眾提供疫苗，米字國都向民眾發放疫苗，呢期弱過藥煲的藥佬終於識彈，石藥（０１０９３）曾經高見７﹒９６銀，不過８蚊阻力唔細，埋單飆近６巴仙，報７﹒８９銀；中生製藥（０１１７７）彈近１巴仙，報６﹒７１銀；復星醫藥（０２１９６）走高近４巴仙，報３５﹒０５銀。之前被股東減持嘅康方生物（０９９２６），獲大摩及中金繼續唱好，評級分別係增持同跑贏大市，反彈近７巴仙，報２５﹒９５銀。藥明生物（新）（０２２６９）走上逾２巴仙，報７８﹒３銀；藥明康德（０２３５９）起哄逾３巴仙，報１２３銀。 接連有疫苗好消息，孖屐都憧憬疫情消退，經濟復蘇。大摩就預計來自神州旅客量將喺明年第二季至第三季開始反彈，因此香江零售市場將迎來兩年恢復期，所以睇好九置同領展，將兩者評級升至「增持」，並分別上調目標價至４２銀同７８銀。本地收租佬梗係開心到彈起，九置飆高逾４巴仙，報３８﹒４５銀；領展抽高近６巴仙，報７０﹒８銀；置富（００７７８）升逾２巴仙，報７﹒０６銀。不過其他磚頭佬無咩精神，新世界跣低近３巴仙，報３８銀；恆地（０００１２）跌逾１巴仙，報３１﹒６５銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情