國策市果然係國策市，十四屆全國人大三次會議早前係人民大會堂開幕，總理李強提到，今年要大力提振消費，會安排3000億元超長期特別國債支持以舊換新。

　　睇返半日恒指成分股入面，李寧(02331)爆升7%，安踏(02020)5.9%，申州(02313)5.6%，周大福(01929)5.3%，今日恒指由跌轉升。博客咁睇啦，過往兩會都係習慣有資金落場，國家面子工程的東西大家都懂，你睇A股今日都無咩點活動，資金都落曬香港自由行，就知道港股係國家的心目中仍有份量。

　　昨日博客都講過係咪「牛市」呢個問題，因為有種波動係叫「假升真跌」，即係咩？大莊係跌之前會裂口抽高造成一個「好熱烈」的情況，其實就係一個預備離場的動作。

　　睇返恒指期指成交，昨日(6日)係24150點呢個關口新開2萬幾張期指，係24400點都有18000幾張。
　
　　另外，今日資金都係沽阿里為主，大家要留意！

《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】「Save Lily」父母獲證實與男嬰有血緣關係，你認為在確認親生關係後，政府是否仍應繼續介入調查？今次事件中，社會是否對涉事父母過早作出負面判斷？ ► 立即投票