《開市Ｇｏｏｄ　Ｍｏｒｎｉｎｇ》香江魚缸萬七阻力大，今日連跌第二日，收跌１２０點，報１６９６１點，成交逾１１００億銀。萬七難保、１６８００點支持力度又有幾大？即使有三大利好因素都好似撐唔起市咁，想進一步上回舊年８月中嘅下跌裂口（約１９０００點）屬天荒夜談？　　近期醫藥相關股消息多、股價波幅亦大。繼早前傳出阿爺撐創新藥後，花旗國再出招打壓中國生科企藥明康德（０２３５９），講到明踢走藥明康德，唔通生科股已經無投資價值？反而生產減肥藥嘅股份，有望跟隨美股減肥藥股一樣炒得起嗎？　　小米（０１８１０）下星期二（１９日）就會放榜，市場聚焦手機及汽車業務指引能否符合期望。但小米創辦人兼董事長雷軍每次出面發言都好「大口氣」，似乎只有高管自己對其小米新車充滿期待及憧憬，一眾投資者似乎還未敢妄動，股價今日更低收逾１巴先。小米而家除咗面對行業競爭澉烈外，仲有咩穩憂？　　聽日（１５日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｏ７ＡｚＰｚｊＱＩＡ８　打個卡先又得！

WoW WoW星期三：健康網購產品低至$99 (只限今天)► 火速行動