24/03/2020 17:15
《小傳日記》花旗ＱＥ無上限，香江魚缸奮力彈！
《小傳日記》隔晚花旗國繼續開水喉，鮑爺祭出ＱＥ買債無上限嘅絕招，不過對孖屐嘅支持只係維持咗一陣，道指仍要挫近６００點，但跌幅終於唔再係千幾兩千點上落，加上金價反彈及美金回落，缸友們終於都無咁驚。今朝香江魚缸都跟隨道期反彈，高開８０１點報２２４９７，重上兩萬二關口。多隻大隻藍戰士包括ＱＱ（００７００）同生發發（００３８８）都彈高半成，支持魚缸飆近千點，但午收前升幅收窄至只有大約７００點，見全日最低位２２３８３點。 晏晝番來Ａ場上演Ｖ型反彈，加上道期升幅擴大，帶動魚缸進一步將升幅擴大，最多漲１０５６點高見２２７５３點，最終埋單報２２６６３，升９６７點或升逾４巴仙，主板成交１３７７﹒９７億銀，同上日差唔多。國貨佬報９１８４，升４３２點或升近半成。 Ａ場方面，上證綜指報２７２２，升６２點或升逾２巴仙，深成指數報９９２１，升２３０點或升逾２巴仙，兩市成交７１２５﹒２８億人仔，按日增加近４巴仙。 大隻藍戰士方面，大象（００００５）揚逾２巴仙，報４５﹒１銀；生發發走高近６巴仙，報２２３﹒８銀；ＡＩＡ（０１２９９）起哄近４巴仙，報６３﹒９銀；央媽旗下媒體話金融調控空間同工具都充足，建行（００９３９）飆逾半成，報６﹒２７銀。萬洲（００２８８）今日放榜，走高近一成一，報６﹒６銀，係最佳表現藍戰士。申洲國際（０２３１３）揚唔夠半巴仙，報７３﹒５元，已經係最差表現藍戰士。
＊聯通增派息電訊佬得戚，恆地紅股停尾段竟倒升＊ 神州電訊佬今日係升市火車頭，中聯通（００７６２）舊年純利增加一成一，而且派息亦多舊年一成，全日飆逾一成，報４﹒５銀；中電信（００７２８）舊年少賺３巴仙，但獲富瑞唱好其５Ｇ滲透率係神州移動（００９４１）嘅兩倍，更係該行嘅板塊首選，全日急漲近９巴仙，報２﹒２８銀；神州移動亦都唔執輸，跳高逾６巴仙，報５６﹒６銀；中興通訊（００７６３）漲近一成一，報２２﹒８銀。鐵塔（００７８８）升逾半成，報１﹒６６銀。 魚缸又再重拾升勢，本地磚頭佬普遍都有番啲起色。新地（０００１６）漲近半成，報９５﹒９銀；新世界（０００１７）起哄近６巴仙，報８﹒０４銀；長實（０１１１３）都踢高逾４巴仙，報３６﹒９５銀。恆地（０００１２）舊年基礎盈利倒退兩成六，取消派紅股，被大行唱淡，今朝一度插近半成，收市倒升近１巴仙，報２８﹒６銀。太古地產（０１９７２）升近３巴仙，報１９﹒１４銀。
＊聯儲局Ａｌｌｉｎ招金價更堅，賭場燈火照澳博見錢笑＊
花旗國聯儲局大玩無上限ＱＥ，將納入範圍擴大到公司債同市政債孖屐。咁樣印銀紙法自然推高咗金價，今日金價企穩１５００美金樓上，山東黃金（０１７８７）炒高逾一成二，報１７﹒８２銀；招金（０１８１８）勁飆近一成八，報７﹒６９銀；紫金（０２８９９）彈近８巴仙，報２﹒７５銀。資產淨值同金價掛勾嘅ＳＰＤＲ金ＥＴＦ（０２８４０）鏟高逾６巴仙，報１１５３銀。 馬交行政長官賀一誠話，現階段馬交嘅新增嘅新型肺炎病患都係輸入個案，全部都可以搵到源頭，宜家馬交仲係零社區感染，所以暫時唔需要再暫停娛樂場所營運。賭仔終於可以過下手癮，梗係開心到彈起，銀娛（０００２７）鏟高近８巴仙，報４３﹒９銀；新濠國際（００２００）踼高逾半成，報１１﹒５６銀；澳博（００８８０）炒高逾一成，報６﹒５１銀；永利（０１１２８）抽高近９巴仙，報１１﹒９４銀；金沙（０１９２８）起哄升近８巴仙，報２８﹒５５銀。
＊小米要發債疫情問題解，飛鶴純利飆即刻變大鵰＊
新經濟魚毛今日都幾多傳聞，外媒引述消息話，小米（０１８１０）計劃首次喺神州境內發債，用嚟還境內項目貸款利息，支持疫情防控，隻佬踼高逾半成，報１０銀。另有傳軟銀計劃出售阿里巴巴（０９９８８）股份，減持金額約１２０億至１５０億美金，有理無理跳近３巴仙，報１７４﹒５銀。美團（０３６９０）彈近６巴仙，報８５﹒５銀。ＱＱ旗下騰訊雲宣布推出雲會議工具，抽高近５巴仙，報３６５﹒２銀。眾安在綫（０６０６０）舊年淨虧損大幅收窄至４﹒５４億人仔，走高近半成，報２４﹒４銀。 神州食品佬陸續出上年成績表，賣ＢＢ奶粉等產品嘅Ｈ＆Ｈ國際（０１１１２）多賺一成九，今日抽高近９巴仙，報２４﹒８５銀。神州飛鶴（０６１８６）純利勁升逾７成半，亦彈起逾９巴仙，報１３﹒５銀。康師傅（００３２２）純利大增３５巴仙，增派特別息，踼高逾９巴仙，報１３﹒５２銀。最勁係中糧肉食（０１６１０）虧轉盈，純利１５﹒７億人仔，仲有息派添，炒高逾７巴仙，報１﹒９銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊聯通增派息電訊佬得戚，恆地紅股停尾段竟倒升＊ 神州電訊佬今日係升市火車頭，中聯通（００７６２）舊年純利增加一成一，而且派息亦多舊年一成，全日飆逾一成，報４﹒５銀；中電信（００７２８）舊年少賺３巴仙，但獲富瑞唱好其５Ｇ滲透率係神州移動（００９４１）嘅兩倍，更係該行嘅板塊首選，全日急漲近９巴仙，報２﹒２８銀；神州移動亦都唔執輸，跳高逾６巴仙，報５６﹒６銀；中興通訊（００７６３）漲近一成一，報２２﹒８銀。鐵塔（００７８８）升逾半成，報１﹒６６銀。 魚缸又再重拾升勢，本地磚頭佬普遍都有番啲起色。新地（０００１６）漲近半成，報９５﹒９銀；新世界（０００１７）起哄近６巴仙，報８﹒０４銀；長實（０１１１３）都踢高逾４巴仙，報３６﹒９５銀。恆地（０００１２）舊年基礎盈利倒退兩成六，取消派紅股，被大行唱淡，今朝一度插近半成，收市倒升近１巴仙，報２８﹒６銀。太古地產（０１９７２）升近３巴仙，報１９﹒１４銀。
＊聯儲局Ａｌｌｉｎ招金價更堅，賭場燈火照澳博見錢笑＊
花旗國聯儲局大玩無上限ＱＥ，將納入範圍擴大到公司債同市政債孖屐。咁樣印銀紙法自然推高咗金價，今日金價企穩１５００美金樓上，山東黃金（０１７８７）炒高逾一成二，報１７﹒８２銀；招金（０１８１８）勁飆近一成八，報７﹒６９銀；紫金（０２８９９）彈近８巴仙，報２﹒７５銀。資產淨值同金價掛勾嘅ＳＰＤＲ金ＥＴＦ（０２８４０）鏟高逾６巴仙，報１１５３銀。 馬交行政長官賀一誠話，現階段馬交嘅新增嘅新型肺炎病患都係輸入個案，全部都可以搵到源頭，宜家馬交仲係零社區感染，所以暫時唔需要再暫停娛樂場所營運。賭仔終於可以過下手癮，梗係開心到彈起，銀娛（０００２７）鏟高近８巴仙，報４３﹒９銀；新濠國際（００２００）踼高逾半成，報１１﹒５６銀；澳博（００８８０）炒高逾一成，報６﹒５１銀；永利（０１１２８）抽高近９巴仙，報１１﹒９４銀；金沙（０１９２８）起哄升近８巴仙，報２８﹒５５銀。
＊小米要發債疫情問題解，飛鶴純利飆即刻變大鵰＊
新經濟魚毛今日都幾多傳聞，外媒引述消息話，小米（０１８１０）計劃首次喺神州境內發債，用嚟還境內項目貸款利息，支持疫情防控，隻佬踼高逾半成，報１０銀。另有傳軟銀計劃出售阿里巴巴（０９９８８）股份，減持金額約１２０億至１５０億美金，有理無理跳近３巴仙，報１７４﹒５銀。美團（０３６９０）彈近６巴仙，報８５﹒５銀。ＱＱ旗下騰訊雲宣布推出雲會議工具，抽高近５巴仙，報３６５﹒２銀。眾安在綫（０６０６０）舊年淨虧損大幅收窄至４﹒５４億人仔，走高近半成，報２４﹒４銀。 神州食品佬陸續出上年成績表，賣ＢＢ奶粉等產品嘅Ｈ＆Ｈ國際（０１１１２）多賺一成九，今日抽高近９巴仙，報２４﹒８５銀。神州飛鶴（０６１８６）純利勁升逾７成半，亦彈起逾９巴仙，報１３﹒５銀。康師傅（００３２２）純利大增３５巴仙，增派特別息，踼高逾９巴仙，報１３﹒５２銀。最勁係中糧肉食（０１６１０）虧轉盈，純利１５﹒７億人仔，仲有息派添，炒高逾７巴仙，報１﹒９銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
etnet榮獲HKEX Awards 2023 「最佳表現證券數據供應商」大獎► 了解詳情