《開市Ｇｏｏｄ　Ｍｏｒｎｉｎｇ》香江魚缸低開後跌幅曾擴大至１３３點，低見１７５３７點，之後大市一度回升，最多升８３點，高見１７７５３點，但企唔穩條５０天線（約１７７４９點）就再度向下。魚缸收市報１７５６８點，跌１０１點，大市成交９４１億銀。估值低但動力唔夠以致大市表現唔上唔落？早兩日反彈只係唞下氣？　　領展（００８２３）中期可分派總額逾３３億銀，按年增長１﹒７１巴仙，每基金單位分派１３０﹒０８仙，按年減少一成六，業績公布後，股價有所回升，收市升逾１巴仙，似乎市場對份業績都算收貨？本地零售物業組合收益及物業收入淨額，分別按年增加２﹒４巴仙及１巴仙。港人北上既趨勢有增無減，不過領展旗下商場，大部分在民生區，影響較其他商場集中於旅遊區嘅地產商細啲？　　汽車新勢力理想（０２０１５）將公布業績，第三季累計銷量達１０﹒５萬輛，超過公司第三季指引的１０萬至１０﹒３萬輛。第四季目標可睇得更遠？雖然交付量表現好亮眼，不過車企競爭激烈，一眾車企點都要採取更積極促銷活動應對，會否限制理想第四季汽車毛利率既上升空間？　　聽日（９日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，同埋當日嘅焦點股，當然唔少得美聯儲局議息結果！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＭＭｒ－０ｋｍ７ＸｘＵ打個卡先又得！

《說說心理話》與你分享遭遇欺凌該如何應對　教你兩個方法輕易彈走負面情緒► 即睇