《魚缸博客》話說今日睇到有單新聞咁講：　「一名華府消息人士指出，在中美兩國近年關係緊張影響下，眾多美企已停止向中芯南方（ＳＭＩＣ　Ｓｏｕｔｈ）供貨。有專家指，中芯南方是中芯國際唯一具備為Ｍａｔｅ　６０　Ｐｒｏ生產７納米芯片能力的工廠。但供應商Ｅｎｔｅｇｒｉｓ每年仍向中芯南方供應數以百萬美元計的芯片原材料，有關供應安排符合美國法例。」　　　以事論事，並唔係幫中方說話，生產晶片來來去去最緊要幾樣東西：光刻機、矽、同光刻膠。光刻機中國未必擁有技術，雖然歐美一直話禁止荷蘭出售，不過中國係禁令生效前一早大量囤貨；矽中國大把，更加無有怕；光刻膠呢樣東西真係需要靠入口，而目前光刻膠出口大國就係日本，呢個就係國際政治敏感位置，日本一邊要同中國做生意，一邊又唔可以得罪美國，但目前情況日本未有出聲話禁止出口，否則佢堆膠放係處，真係變左「硬膠」就賣唔出啦。　　就算今日消息一出，中芯（００９８１）個股價都硬淨過鬼，無他，已經跌無可跌，反而似係做緊圓底，睇平均線似乎有小小反彈意味。　　美國近幾年來似乎積極打壓中國晶片發展，無錯，中國晶片真係進度慢左，但並非完全「無進步」，迫人入窮巷反而激發起中國人研發能力，以前「兩彈一星」都係咁研發出來，中芯只要一日有梁孟松係到，真係仲有機會！　《編者按》本欄搜羅即市傳聞，惟消息未經證實，《經濟通》亦不保證內容之準確性。

etnet榮獲HKEX Awards 2023 「最佳表現證券數據供應商」大獎► 了解詳情