《開市Ｇｏｏｄ　Ｍｏｒｎｉｎｇ》孖屐關注花旗今晚公布嘅通脹數據同美企業績表現，同時對聯儲局今年延遲減息預期升溫，香江魚缸今日難得唔跟跌，且走出「獨立行情」，今日成功向上挑戰萬七大關，仲差少少上埋１７２００點呢個今年高位，收市升幅收窄但都成功守全１７１００水平。走勢上，魚缸近期一直在頸線爭持，今日先後突破，量度目標可達１７６７４點，但全日成交額其實唔多，只有１０７２億元，上望１７５００點甚至１７６００點的難度有幾大？　　神州汽車市場全面回暖！乘聯會數據顯示３月份狹義乘用車零售銷量按年增加６巴仙，按月更勁升近５成３，數據咁「靚仔」係春節後效應，定係車企擺脫緊淡季表現嘅鐵證？如果已經捱過左淡季，４月係咪部署車股嘅好機會？特別留意主流新能源車４月第一個星期的交付數據，理想汽車（０２０１５）銷量成功反超咗「宿敵」問界，今個月有望Ｋｅｅｐ住個勢超越問界？難度有幾大？　　聽日（１１日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｄｘＡＪｈＮ＿２７Ｔ８打個卡先又得！

【免費講座】陸叔《2024 投資心法·養生之道》講座► ►火速報名