《開市Ｇｏｏｄ　Ｍｏｒｎｉｎｇ》香江魚缸今日猶如坐上過山車！早市受累騰訊（００７００）大股東將持續減持消息，魚缸最多插２７７點，低見２１９５２點，早市顯著走弱。不過，午市神州宣布放寬入境檢疫措施，由「１４＋７」放寬至「７＋３」，消息帶挈魚缸倒升，最終升１８９點，收報２２４１８點。聽日為半年結，喺粉飾櫥窗效應下，好友會否乘勢推升大市？７月部署策略又係點？　　內地放寬入境檢疫措施，旅遊、航空、餐飲、濠賭股齊齊造好！金沙（０１９２８）、銀娛（０００２７）、海底撈（０６８６２）飆介乎７－１１％，包辦表現最佳的三隻藍籌；攜程（０９９６１）飆升逾１６％。現時部署相關股份遲唔遲？咩板塊現價部署仍值博？　　汽車股今日表現亦搶眼，比亞迪（０１２１１）兼破頂，惟９天ＲＳＩ有頂背馳跡象，並接近超賣水平，股份上望空間有幾多？中金唱好神州６月汽車銷量按月將錄得高增長，首選吉利（００１７５）、長城（０２３３３）及造車新勢力，車企６月成績表有幾大憧憬？車股自５月底位反彈幅度顯著，國策利好因素有幾大程度已反映喺股價上？　　聽日（２９日）《開市Ｇｏｏｄ　Ｍｏｒｎｉｎｇ》搵嚟駿達資產管理投資策略總監熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。　　記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟（ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｖｗｖＪｑｂ８Ｂ＿Ｉｇ）打個卡先又得！

etnet榮獲HKEX Awards 2023 「最佳表現證券數據供應商」大獎► 了解詳情