《開市Ｇｏｏｄ　Ｍｏｒｎｉｎｇ》政府公布新一份《財政預算案》，焦點措施之一係實施逾十年嘅樓市三大辣招全面取消、放寬部分物業按揭成數上限及取消按揭貸款壓力測試等。彭博分析預料，香江全年一手住宅交易量有望增加５成，美聯就料未來４個月成交有望急升７０％，「撤辣」對推動成交嘅幫助有幾大？惟影響樓市嘅負面因素仍然存在，今年樓價難止跌回升？魚缸方面，高位挑戰１００天線（１６７４１點）失敗後回落，整固後可有力再上？　　百度（０９８８８）收市後將公布業績，孖屐平均料第四季營收３５０億元人仔，按年增逾半成，當中核心營收按年增６﹒５巴仙至約２７３億元，整體經調整淨利近６４億元，按年增近一成九，ＡＩ業務文心一言嘅貢獻可反映於今次業績上？宏觀環境疲軟，廣告業務表現難睇好？　　聽日（２９日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＱｅＶｑＫｍＺＣＮｊｃ打個卡先又得！

《說說心理話》與你分享應對性騷擾三部曲，減輕心理陰影創傷、提升自我肯定方法 ► 即睇