人行出十招以穩住經濟，當中包括罕有同時降息降準，及供樓息降0.25厘，加上孖屐憧憬神州及花旗國會談有望改善關係，香江魚缸周三（7日）裂口高開逾500點，即重上50天線，不過其後升幅大為收窄，更以全日最低位收市，僅升29點，報22691點，兩萬三關得而復失。是次魚缸點解有好消息都升唔起？有散戶高位出貨？

　　孖屐憧憬神州及花旗國傾返計，一眾出口股炒上，創科(00669)及申洲(02313)分別收市靠穩及升逾2巴仙，呢啲股份可短炒一波？

　　另外，有消息指即將來香江上市的寧德時代，最快5月會招股，亦有傳考慮只供較A股折讓少於10巴仙幅度招股，呢隻股值得留子彈抽新股？

　　明天（8日）請來國農證券董事總經理林家亨，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=EEmE2vQ_aiA打個卡先又得！

【你點睇？】美伊技術磋商達成談判路線圖，你認為霍爾木茲海峽航運風險未來兩個月會否明顯下降？美伊雙方能否在60天內達成最終協議？► 立即投票