28/11/2019 17:10
《小傳日記》侵侵突襲簽法案，魚缸表現好難看！
《小傳日記》今日就係花旗國感恩節，美股三大指數隔晚（２７日）再破頂。然後，侵侵失驚無神咁簽咗《香港人權與民主法案》，「孖屐」擔心會影響到中美兩國簽唔簽得成首階段貿易協議，累香江魚缸今朝低開１９０點，報２６７６３點，好彩嘅後已經係全日最低位，一度守唔住百天線（２６７７９點）同十天線（２６７８０點）。早段有ＱＱ（００７００）同本地磚頭佬撐市，魚缸跌幅收窄不單止，仲一度反彈３７點，報２６９９１點，為全日最高水位。 但「孖屐」始終對憂慮中美貿談會有差池，魚缸隨Ａ場跌返落去，最終埋單無咗６０點或唔夠半巴仙，報２６８９３點，但十天線同百天線失而復得。主板成交７６１﹒７８億銀，較上日減少約半巴仙。國貨收報１０５６１點，趴低５８點或半巴仙。 Ａ場方面，上證綜指報２８８９點，跌１３點。深成指報９６２２點，跌２６點。兩市成交合共３１７９億人仔，較噚日少咗逾半巴仙。 重磅藍戰士方面，ＱＱ（００７００）新推出社交軟件「有記」，全日揚１巴仙，報３３８銀；大象（００００５）打算轉移客戶資產去區塊鏈託管平台，全日軟唔夠半巴仙，報５８﹒８銀；生發發（００３８８）見漲１巴仙，報２５０﹒４銀；ＡＩＡ（０１２９９）升半巴仙，報８０﹒２銀；建行（００９３９）軟唔夠半巴仙，報６﹒４銀。 另外，今日大摩同美銀美林齊齊唱好融創（０１９１８），大讚佢買起雲南省城市建設投資集團持有嘅兩間子公司，全日漲超過２巴仙，報３８﹒９銀，係表現最好嘅國貨佬！
＊人權法案簽出口佬被淹，唉瘋出大屏舜宇好歡迎＊
侵侵簽《香港人權及民主法案》，「孖屐」擔心中美貿議談判再起波瀾，出口佬全日受壓。創科（００６６９）挫半成，報５８﹒９５銀，係表現最差藍戰士！申洲（０２３１３）跌４巴仙，報１０５銀，係表現最差國指佬！耐世特（０１３１６）挫逾５巴仙，報６﹒６６銀；萬洲（００２８８）蒸發１巴仙，報８﹒２８銀；敏華（０１９９９）軟唔夠巴仙，報５﹒７２銀。 泡菜國爆料話，蘋果將會喺出年推出更多尺寸嘅「唉瘋」，包括５﹒４英寸、６﹒１英寸、６﹒７英寸，當中６﹒７英寸將會係蘋果所有手機型號中最大嘅尺寸。手機設備佬跟漲，舜宇（０２３８２）醒目升４巴仙，報１３１﹒６銀，係全日表現最好嘅藍戰士！瑞聲（０２０１８）漲近３巴仙，報５６﹒２銀；富智康（０２０３８）升超過兩巴仙，報１﹒３１銀；華顯光電（００３３４）無升跌，報０﹒４９５銀；丘鈦（０１４７８）趴低１巴仙，報１１﹒８６銀；高偉電子（０１４１５）蒸發１巴仙，報１﹒１８銀。
＊阿里獲升價估值不停加，電訊表現弱５Ｇ較跳躍＊
阿里系魚毛今日各走各，而大佬阿里巴巴（０９９８８）噚日就有匯證首予佢「買入」評級，同時畀「他屐」２４１蚊，今日埋單繼續起飛近６巴仙，報２０４銀，入缸三日已經升咗一成六，勁！阿里健康（００２４１）獲中金睇好，升佢８巴仙「他屐」至１０﹒９銀，同維持「跑贏行業」評級，全日踼高逾６巴仙，報９﹒１２銀。高鑫零售（０６８０８）彈起唔夠半巴仙，報９﹒０６銀。不過，阿里影業（０１０６０）中期虧損擴大至約３﹒９億人仔，成績咁曳搞到佢埋單軟近１巴仙，報１﹒３銀。神州動向（０３８１８）仆低逾３巴仙，報０﹒８７銀。 神州電訊佬同５Ｇ佬表現都喺一般般，其中，中聯通（００７６２）趴低近３巴仙，報６﹒９銀，盤中低見６﹒８６銀，創近十年新低，慘！中通服（００５５２）軟腳唔夠半巴仙，報５﹒３８銀。神州電信（００７２８）唔見近１巴仙，報３﹒０３銀。中興通訊（００７６３）就小跳唔夠半巴仙，報２１銀。神州鐵塔（００７８８）有高佬撐實，升佢「他屐」同叫「掃貨」，埋單就彈起近１巴仙，報１﹒６３銀。
＊旅客恐縮水賭股難進取，藥價急急降藥佬好沮喪＊
馬交（澳門）下個月２０號就係慶祝回歸神州廿周年嘅大日子，但瑞信就出咗報告話，馬交自上星期五（２２日）開始就收緊訪澳旅客嘅安排，預計會影響馬交貴賓廳同優越中場客人嘅到訪咁話，缸友收到風即刻掟貨散水，一哥銀娛（０００２７）跣低逾２巴仙，報５２﹒５５銀。美高梅（０２２８２）蒸發逾兩巴仙，報１１﹒７８銀。金沙（０１９２８）唔見左逾１巴仙，報３７﹒３５銀；永利馬交（０１１２８）同澳博（００８８０）都係唔見咗約２巴仙，報１７﹒４６銀同８﹒０２。 醫藥佬近排相當運滯，隨住新版國家醫保藥品目錄正式出爐，係帶量採購下，新增嘅７０個藥品，平均降價接近六成一，全線街坊幾乎全線插水，綠葉製藥（０２１８６）走低逾２巴仙，報６﹒１４銀；四環醫藥（００４６０）蒸發超過４巴仙，報０﹒９１銀。中生製藥（０１１７７）早段一度唔見逾４巴仙，但埋單跌幅收窄至近一巴仙，報１０﹒６２銀。石藥（０１０９３）軟近半巴仙，報１９﹒７４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
＊人權法案簽出口佬被淹，唉瘋出大屏舜宇好歡迎＊
侵侵簽《香港人權及民主法案》，「孖屐」擔心中美貿議談判再起波瀾，出口佬全日受壓。創科（００６６９）挫半成，報５８﹒９５銀，係表現最差藍戰士！申洲（０２３１３）跌４巴仙，報１０５銀，係表現最差國指佬！耐世特（０１３１６）挫逾５巴仙，報６﹒６６銀；萬洲（００２８８）蒸發１巴仙，報８﹒２８銀；敏華（０１９９９）軟唔夠巴仙，報５﹒７２銀。 泡菜國爆料話，蘋果將會喺出年推出更多尺寸嘅「唉瘋」，包括５﹒４英寸、６﹒１英寸、６﹒７英寸，當中６﹒７英寸將會係蘋果所有手機型號中最大嘅尺寸。手機設備佬跟漲，舜宇（０２３８２）醒目升４巴仙，報１３１﹒６銀，係全日表現最好嘅藍戰士！瑞聲（０２０１８）漲近３巴仙，報５６﹒２銀；富智康（０２０３８）升超過兩巴仙，報１﹒３１銀；華顯光電（００３３４）無升跌，報０﹒４９５銀；丘鈦（０１４７８）趴低１巴仙，報１１﹒８６銀；高偉電子（０１４１５）蒸發１巴仙，報１﹒１８銀。
＊阿里獲升價估值不停加，電訊表現弱５Ｇ較跳躍＊
阿里系魚毛今日各走各，而大佬阿里巴巴（０９９８８）噚日就有匯證首予佢「買入」評級，同時畀「他屐」２４１蚊，今日埋單繼續起飛近６巴仙，報２０４銀，入缸三日已經升咗一成六，勁！阿里健康（００２４１）獲中金睇好，升佢８巴仙「他屐」至１０﹒９銀，同維持「跑贏行業」評級，全日踼高逾６巴仙，報９﹒１２銀。高鑫零售（０６８０８）彈起唔夠半巴仙，報９﹒０６銀。不過，阿里影業（０１０６０）中期虧損擴大至約３﹒９億人仔，成績咁曳搞到佢埋單軟近１巴仙，報１﹒３銀。神州動向（０３８１８）仆低逾３巴仙，報０﹒８７銀。 神州電訊佬同５Ｇ佬表現都喺一般般，其中，中聯通（００７６２）趴低近３巴仙，報６﹒９銀，盤中低見６﹒８６銀，創近十年新低，慘！中通服（００５５２）軟腳唔夠半巴仙，報５﹒３８銀。神州電信（００７２８）唔見近１巴仙，報３﹒０３銀。中興通訊（００７６３）就小跳唔夠半巴仙，報２１銀。神州鐵塔（００７８８）有高佬撐實，升佢「他屐」同叫「掃貨」，埋單就彈起近１巴仙，報１﹒６３銀。
＊旅客恐縮水賭股難進取，藥價急急降藥佬好沮喪＊
馬交（澳門）下個月２０號就係慶祝回歸神州廿周年嘅大日子，但瑞信就出咗報告話，馬交自上星期五（２２日）開始就收緊訪澳旅客嘅安排，預計會影響馬交貴賓廳同優越中場客人嘅到訪咁話，缸友收到風即刻掟貨散水，一哥銀娛（０００２７）跣低逾２巴仙，報５２﹒５５銀。美高梅（０２２８２）蒸發逾兩巴仙，報１１﹒７８銀。金沙（０１９２８）唔見左逾１巴仙，報３７﹒３５銀；永利馬交（０１１２８）同澳博（００８８０）都係唔見咗約２巴仙，報１７﹒４６銀同８﹒０２。 醫藥佬近排相當運滯，隨住新版國家醫保藥品目錄正式出爐，係帶量採購下，新增嘅７０個藥品，平均降價接近六成一，全線街坊幾乎全線插水，綠葉製藥（０２１８６）走低逾２巴仙，報６﹒１４銀；四環醫藥（００４６０）蒸發超過４巴仙，報０﹒９１銀。中生製藥（０１１７７）早段一度唔見逾４巴仙，但埋單跌幅收窄至近一巴仙，報１０﹒６２銀。石藥（０１０９３）軟近半巴仙，報１９﹒７４銀。請請！
《編者按》本欄搜羅即日熱門傳聞，惟消息未經證實，《經濟通》亦不保證內容之準確性 本文只供參考之用，並不構成要約、招攬或邀請、誘使、任何不論種類或形式 之申述或訂立任何建議及推薦，讀者務請運用個人獨立思考能力自行作出投資 決定，如因相關建議招致損失，概與《經濟通》、編者及作者無涉。
《說說心理話》與你分享被性騷擾解決辦法，大量真實個案，唔同場所如何提防及應對？► 即睇