香江魚缸周三(19日)出現回吐，低開近200點後，跌幅曾收窄至僅1點，但其後都係要跌，最終收市微跌32點，收報22944點，成交額2625億銀，魚缸23000點阻力大？現部署炒股或板塊而不炒市？

　　滙控(00005)公布了業績，上季稅前盈利按年升1.3倍至22.77億美元，而全年稅前盈利則按年升逾6巴仙至約323億美元，好過孖屐預期，而末期息派36美仙，績後股價造好，收升逾1巴仙，報88.4銀，續創新高，呢份業績交到功課？另外，恒生(00011)業績又點睇？

　　明日(20日)請來國農證券董事總經理林家亨，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=1_nWxSNQhkA打個卡先又得！

【香港好去處】2026去邊最好玩？etnet為你提供全港最齊盛事活動，所有資訊盡在掌握！► 即睇