《開市Ｇｏｏｄ　Ｍｏｒｎｉｎｇ》香江魚缸龍年開市連升兩日，高位上過萬六關樓上，收市靠穩，升６５點，報１５９４４點，北水未回歸，成交只有４７０億。雖然守得住１０天及２０天平均線，始終現時大市目前冇乜方向，要進一步突破仍需有成交配合，待神州魚缸復市、北水回歸再部署都未遲？　　花旗國對沖基金經理Ｍｉｃｈａｅｌ　Ｂｕｒｒｙ進一步增持阿里巴巴（０９９８８）、京東（０９６１８），阿里更成為旗下對沖基金最大持倉，佔其資產６﹒１５巴仙，而楓葉國最大退休基金ＣＰＰＩＢ亦加倉阿里，大型基金撈底科技股，可作參考指標？雖然幾隻科技股基本面冇太大變化，但起碼令投資者稍微恢復信心？　　截至年初五共五日假期，到訪馬交旅客量已經近９０萬人次，當中以神州旅客為主，不過神州旅客消費習慣改變，上個黃金周長假期，都係旺丁不旺財，今次旅客量有增長又可否丁財兩旺？賭股呢波反彈到尾聲未？　　聽日（１６日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＷｅＬ＿ｅＥｗｈＳＸｇ打個卡先又得！

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動