《開市Ｇｏｏｄ　Ｍｏｒｎｉｎｇ》神州出數據之際魚缸又唔畀面，月結日早段最多跌過２９１點，低位１５４１１點穿埋十天線。最終收跌２１８點，收報１５４８５點，成交仲係上唔返千億銀門欖。雖然話神州製造業ＰＭＩ有好轉，但終於仲喺５０盛衰分界線樓下，己經連續四個月上唔返去，孖屐唔會擔心長窮難顧咩？今日ＡＨ股市況足以反映孖屐信心危機？外圍有國際貨幣基金組織（ＩＭＦ）上調神州今年的經濟增長預測０﹒４個百分點至４﹒６巴仙，比中國科學院預測５﹒３巴仙左右、就相對保守一啲，林Ｓｉｒ又點睇？　　不幸中嘅大幸係上證同滬深３００嘅日線圖同樣見到現陀螺形態，唔通見底在即？但見底又唔代表反彈，以現時市場條件及氣氛而言，有條件營造春節行情嗎？現時「雪球」事件仍未結束　，恐現下一個「Ｉ　ｋｉｌｌ　ｙｏｕ　ｌａｔｅｒ」？　　新能源車企龍頭比亞迪（０１２１１）早前雖發盈喜，但拆細睇原來唔算太靚數！加埋花旗國商務部點名神州新能源車企同半導體行業，行業有排都無運行？由鋰價又可以點樣推斷到幾時係電動車周期見底之時？　　聽日（１日）《開市Ｇｏｏｄ　Ｍｏｒｎｉｎｇ》搵嚟國農證券董事總經理林家亨，同大家分析上述股份、大市走勢，當然唔少得花旗國１月議息結果同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＫＭｎＺｄＬ５２ｖＺｃ打個卡先又得！

【你點睇】美眾院通過法案，香港駐美經貿辦恐遭關閉，你是否支持中方對此作出強烈反制？► 立即投票