香江魚缸繼續窄幅上落，恒指低開後曾升近100點，但10天線(約19346)前有阻力，於19300水平附近好淡爭持，收報19286點，升66點，全日高低波幅只有170點，目前魚缸仍處於一頂低過一頂嘅下降通道之內，再度跌穿萬九關、向下繼續尋底嘅機會都好大？升又升唔起，跌又唔算跌得多，至少要等到下周特朗普上台後先會有方向？

　　紫金礦業(02899)及其在新疆嘅三家子公司被花旗國列入《維吾爾強迫勞動預防法》實體清單，今年8月份個陣，花旗國都曾制裁過紫金既子公司，今次制裁埋紫金，對紫金業務上嘅實際影響有幾大？紫金跌近6巴仙，不過資金淨買入近2.6億，回調反而係個買入機會？同時花旗國商務部亦出台最終規則，落實對神州聯網車實施禁令，對神州車企實際影響有幾大？

　　明天(16日)請來國農證券董事總經理林家亨，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am 昅實《經濟通》NewsTV直播節目--喇！或者click入嚟https://www.youtube.com/watch?v=IhZzQotbe9w打個卡先又得！

【你點睇？】本港2025年本港復甦緩慢，經濟受到衝擊，亦發生多宗社會重大事件。你點睇2025年的香港？展望2026年，你最期待哪方面？► 立即投票