《開市Ｇｏｏｄ　Ｍｏｒｎｉｎｇ》香江魚缸今日高開１２１點，於１６７００水平爭持，喺Ａ股倒升下，升幅再度擴大至最多升２３６點，見１６８５７半日高位，重返２０日線之上。不過正當大家準備慶祝冬至、提早收爐之際，神州在Ａ股中午收市後突然投下震撼彈！國家新聞出版署公布網絡遊戲管理新規草案，打算大幅度收緊遊戲監管，重拳之下遊戲股連帶成個科技板塊集體下挫，拖累魚缸午後重返跌勢，遊戲股龍頭騰訊（００７００）及網易（０９９９９）應聲而下，齊齊刷新今年新低，收市仍跌一成二同接近兩成半。不過有分析話當局其實係「基於善意和想解決實際問題」，加上出版署同日公布新一批４０隻進口網絡遊戲版號，唔通孖屐真係反應過度？雖然唔係以ＤＡＹ　ＬＯＷ收市，但遊戲雙雄已經跌到「大特價」時段，股價反映曬負面消息未？　　神州六大銀行上星五下調存款利率，減存息的幅度介乎０﹒１厘至０﹒２５厘，視乎存款年期而定。加上臨近春節呢個消費旺季，理論上民眾會手持更多現金，從而鼓勵消費，但「消費降級」風氣盛行，對內需股幫助有限？即使憧憬神州２０２４年經濟復甦步伐加快，都係揀主打干平價產品的消費股？　　先喺度祝大家聖誕節快樂！放完假返嚟（２７日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股同神州通脹數據！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｆｅｂ－９ＫＢｔ７ｓｋ打個卡先又得！！

【母親節限時優惠】 送價值$288維柏健30天逆轉肌齡(膠原蛋白+生物素) ► 火速行動