香江魚缸周一(24日)表現反覆。早段跌幅擴大至256點，低見23221點，之後一度回升約200點，高見23688點，再創三年高，隨後再度向下，最終收市跌136點，報23341點，大市成交仍有3560億銀。大市回調至咩水平吸納值博率會較大？全國兩會下周開幕，資金轉炒政策受惠股？

　　阿里巴巴(09988)計劃未來三年，將投入至少3800億人仔，用於建設雲計算和AI的基礎設施，未來AI發展前景可睇好？

　　據報花旗國總統特朗普在一次非公開會議上，警告製藥商應盡快將海外生產線轉移到美國，否則就會面臨關稅。藥明生物(02269)及藥明康德(02359)成表現最差兩隻藍籌，兩間公司營收仍高度依賴海外市場，特別係花旗國市場，一旦關稅真係落實，對藥明系影響有幾大？

　　周二(25日)請來輝立證券董事黃瑋傑，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得8:55am昅實《經濟通》NewsTV直播節目--喇！或者click入嚟https://www.youtube.com/watch?v=sBU9o0eckIk打個卡先又得！

【樂本健11月限時優惠！】 憑獨家優惠碼【ETN2511】，購物滿$500即送免費禮品► 了解詳情