《開市Ｇｏｏｄ　Ｍｏｒｎｉｎｇ》香江魚缸喺今年最後一個期結日坐咗火箭爆升！日內最多升４６１點，高見１７０８６點；收市仲守到萬七關，收升４１８點，報１７０４３點，成交回升至１０９９億銀。不過即使連升兩日，但魚缸仲未重返年內低位反彈０﹒２３６倍水平；一日未到呢個水平，一日都唔可以咁淡定？明年外圍目光落喺花旗國聯儲局減息進程，但孖屐預期加足六次息，市況係咪已提早過熱？比起激進加息，激進減息對經濟嘅負面影響或會更波及廣、持續更久？　　今日表現跑贏大市嘅汽車股，可能係受眾多好消息帶動！不過最受孖屐關注嘅肯定係小米（０１８１０）新車發布會啦！未見其車、先聞其術：小米ＳＵ７無論外表定性能都表明想追上保時捷同Ｔｅｓｌａ，以小米現時嘅市場條件同技術，要各方面媲美保時捷同Ｔｅｓｌａ仍有一段距離？先唔講佢哋想廿年內成為全球前５大汽車廠商係咪過分樂觀，第一步係新車能否如期落到地、三年內仲有無得生存先係較務實嘅問題？不過始終係行業新挑戰者，預料會對新能源車企帶來即時威脅嗎？雷軍自己劇透小米ＳＵ７「確實有點貴」，以現時孖屐嘅消費力而言，或成小米新車嘅一大敗筆？　　聽日（２９日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ｏＦｘｙ７ｗＰＫｕ８４　打個卡先又得！

全新節目《說說心理話》講述被情緒困擾真實個案，情緒病最終如何走出低谷？► 即睇