《開市Ｇｏｏｄ　Ｍｏｒｎｉｎｇ》孖屐觀望今晚公布的消費數據，花旗魚缸受壓，Ａ股亦有沽壓，不過難得香江魚缸可以走出獨立行情！今朝高開後愈升愈有，一口氣升穿百天線、１６８００點阻力同萬七關後，發力創今年新高，係１７１４５點啊！成交仲有近千五億咁多，反映高位仍有買盤願意追入，不過高位同時見到有唔少資金追入熊證，唔通大家都被指數呃得多，唔信佢真係轉勢？技術走勢上，魚缸喺日線圖上終於突破舊年１月以來的下降軌，但如果睇埋月線圖就仲差一大截，下一目標睇幾多？　　重磅科技股係升市火車頭，當中以小米（０１８１０）表現最突出，小米汽車ＳＵ７於本月２８日正式發布，並開始交付，如果睇真Ｄ個股價圖，小米上兩次都係炒到正式公布個日，之後就大跳水，新車月底先公布，依家炒得出煙咁，話唔定會反高潮？騰訊（００７００）升逾４％，全日有近１０億的成交，唔少科技股都有績前炒上的情況，下星期放榜的騰訊都係因為炒憧憬？　　聽日（１３日）《開市Ｇｏｏｄ　Ｍｏｒｎｉｎｇ》搵嚟資深財經分析師熊麗萍，同大家分析上述股份、大市走勢，同埋當日嘅焦點股！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟　ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝ＹＰＳ９ｓｗｂＪＫ－ｃ打個卡先又得！

《說說心理話》與你分享被性騷擾解決辦法，大量真實個案，唔同場所如何提防及應對？► 即睇