《開市Ｇｏｏｄ　Ｍｏｒｎｉｎｇ》香江魚缸回吐兩日後，今日（９日）重拾上升動力，日內曾升２４６點，高見１８５６０點；最終收市升２２３點，收報１８５３７點，成交１２３６億銀。不過根據過往「逢缺必補」嘅經驗，今次似乎係會緩慢回補五月頭嘅上升裂口？但「熊」死又唔代表「牛」來，有咩條件確認到魚缸已踏入「真牛市」？魚缸早兩日連升斷纜後，大摩同日發文提醒追入有風險，魚缸反彈動力有無減弱到？牛市第一道防線喺邊？　　神州第一季經濟雖然有所復甦，但復甦並唔全面，而且自３月起動能放緩，整體總需求仍然疲弱；內房主要指標未見起色，料續拖經濟後腿？五一黃金周的假期數據反映到現時神州民眾消費意願審慎，但出境遊數字強勁，點樣解讀呢項分歧？　　　　至於下星期二（１４日）收市後將放榜嘅阿里巴巴（０９９８８），一拆六失敗後，仲有無機會捲土重來呢？而家嘅阿里巴巴又有無條件重新分拆上市？綜合１５間券商預測，大多關注阿里盈利能力及回購進度，Ｈａｒｒｉｓ又點睇？績前部署又可做點做？　　聽日（１０日）《開市Ｇｏｏｄ　Ｍｏｒｎｉｎｇ》搵嚟ｉＦＡＳＴ　Ｇｌｏｂａｌ　Ｍａｒｋｅｔｓ副總裁溫鋼城，同大家分析上述股份、大市走勢，當然唔少得分析其他焦點股份！歡迎大家提問投資及其他股票問題。記得準時８：５５ａｍ，昅實《經濟通》ＮｅｗｓＴＶ直播節目－－《開市Ｇｏｏｄ　Ｍｏｒｎｉｎｇ》喇！或者ｃｌｉｃｋ入嚟ｈｔｔｐｓ：╱╱ｗｗｗ﹒ｙｏｕｔｕｂｅ﹒ｃｏｍ╱ｗａｔｃｈ？ｖ＝Ｑ４ｆＳＷｐＰＨＤＺ８　打個卡先又得！

etnet榮獲HKEX Awards 2023 「最佳表現證券數據供應商」大獎► 了解詳情