Sex & Love

　　「聖誕幾時得閒啊你？」節日前我例牌約朋友。

　　「我無嘢做啊。」她欲語還休的。

　　「無約男朋友？」

　　「無啊...佢話聖誕、新年嗰幾日同朋友party，應該無時間見我。」

　　他們拍拖半年多，日子說短不短，相處時間卻很有限，平時約會不多，一星期頂多見一晚，總有工作或朋友為擋箭牌，到了節日，放假喎，依然無時間見？

　　「再忙都要見嘅。」我總覺得他們相處怪怪的。

　　「你知佢不嬲難約...平時話OT忙，weekend佢一係休息，一係約咗朋友，我慣啦。」

Read more：買二手手袋送女友，有面子又不用破費？

　　忙是個好理由，不哄不解釋，足夠讓她閉嘴不敢多要求，識趣的自動自覺退下。平日busy，好吧，那即將到來的聖誕新年都預早fully booked？朋友在前，party要緊，女友晾在一旁，齋等他約見面，有男友灰過無男友。

　　「拍拖拍到咁唔奇怪咩？」我試著道出實況。

　　「可能佢鍾意約朋友…預咗到時搵佢唔到，我唯有算啦。」

　　遷就是包容還是忍耐？一連五大日子 - 平安夜、聖誕、Boxing Day，接著的跨年、1月1日，情侶怎會不一起過，好幾天假期，要陪朋友並無不可，但一日都安排不到給女友，怪異吧。放假還放假，他就是有不同的理由推搪不見面。

　　「有無諗過佢可能有第二個，所以俾唔到時間你？」我不是當事人能找到證據，但不就是局外人才更看清狀況麼。

　　節日不是特難約就是失蹤，身為「女友」的她總是見不著人影，該有的相處時間？還是有更重要的人要陪？偷食慣犯同樣會在大時大節失聯，他或者是其一？沒什麼，真正要陪的是另有其人，自然分身不暇理會其他等閒對象，她不就像個副選嗎？！

　　真難約、假難約，陪朋友都不陪女友，事實擺在眼前，自己感受啦。

　　有些事情不說出來，不是因為不知道真相，只是不知道怎樣面對真相。

　　「你出面係咪有另一個女人？我希望你可以坦白話我知。」那個晚上，她終於按捺不住，將埋藏內心已經幾個月的炸彈引爆。

　　「你想講咩嘢呀？」丈夫以問題回應問題，也借此掩飾心虛。

　　「我希望係你主動開口講，唔使我攞哂證據出嚟你先認。」她微微吸了口氣後再說：「你係咪出面有另一個女人？」

　　「係我做錯咗，對你唔住，希望你可以原諒我，畀個機會我。」他覺得太太的說話像是最後通牒，經過內心盤算，他終於承認一年前開始出軌。

　　「其實我早已察覺到佢有問題，呢個可能係女人嘅第六感。」有一次她在輔導室內指早在大半年前已感覺到丈夫行為有異：

　　1）雙方以往都知道彼此的手機密碼，但後來發現他的手機密碼經常轉變。他解釋是有同事借用他的手機，借用完後他會更換密碼。

　　2）雙方之前協議每個月會將收入中的一定金額轉賬入聯名戶口，但他過去有兩個月沒按協議做。他解釋是借了錢給朋友，所以財政較緊。

　　3）她發現他的銀行收支記錄中，有一項是珠寶公司的購物支出，但她從沒收過他任何禮物，那他是送給誰呢？他解釋是代朋友購買的。

　　「咁牽強嘅解釋，你估我會信咩！」由她起初的疑心到他解釋的不可信，她幾可肯定出軌的事已經發生。

　　「既然你有所謂的第六感，點解唔繼續追問，篤爆佢講大話？」我問她。

　　「如果嗰時對質，佢必定要我攞出佢出軌嘅證據，而嗰時我真係冇確實嘅證據。」她繼續說：「而且，如果證實係真，我可以點做？有無轉圜餘地？佢會唔會改？離婚？繼續一齊？我都唔知可以點做？」

　　不戮破他偷腥，是因為內心的驚：驚面對事情的真相，驚面對婚姻的失去，驚面對不知的未來。這股恐懼伴隨著她半年，直至有一天她在他的背囊中發現有安全套。

　　「我同佢做愛，無做任何避孕措施，唔通佢要帶套自慰！」當自己再難給他找到任何理由，她終於按捺不住跟他對質，不能再迴避一直想迴避的事。

　　女人，真的有第六感嗎？如果有，第六感給了她一個矛盾：帶給她洞察感情的直覺，卻又帶來她洞察關係後的恐懼。

　　有些偷食男人以為女伴懵然不知，原來她的懵然不知是在想挽救關係。