職場

　　約了國內美女辣妹，甫見面她不談來港血拚戰績，卻談港人婚姻體驗。

　　「來港時看報，說香港每三對夫婦就有一對離婚。問卷調查顯示：低分項目是激情（62分）和性行為（60分）。我覺得港女太保守了。我的閨密都很前衛，勇於在性趣方面下功夫，例如將陰唇顏色改鮮、將陰道改窄等。」

　　「你咁潮，最近玩乜吖？」我問。

　　「玩啞鈴！」

　　「我都舉呀，不過係一磅，簡直羽量級。」我都唔好意思。

　　「我還輕！33克，輕過一兩。」

　　「咁輕？你舉空氣咩？」

　　「嘻嘻！是陰道啞鈴！」

　　「我真係孤陋寡聞，陰道竟然可以提鐵？」

　　她解釋說：

　　「這小玩意最初由醫院介紹給孕婦，原名私密處鍛鍊收縮陰球。」跟著她打開手機、看著從網商下載的說明書朗誦：

　　「兩端是橢圓形球體，中間有纖細強韌的連結，球體由高分子材料和重金屬組成，引線為尼龍線。每盒有五個球，由23至66克，從輕到重，依次遞增。」

　　「真係有用？」

　　「有呀！上面寫：除了治療分娩後陰道肌肉鬆弛，還可以緩解壓力性尿失禁、陰道子宮膨出或脫垂、甚至便秘等症狀啊。」

　　「其實香港人唔駛花286元人仔，就可以達到相同效果。」我努力為港人挽回面子。

　　接著我就敍述如何做「提肛收腹」運動，可以即時修腰，老時防失禁。

　　這是一位功夫老師教的，本來是令學員看起來精神奕奕，英姿颯颯。後經改良，可以減細肚腩、修正posture，真有奇效。

　　做法分兩層次：

　　一. 開始做時，猛力將大小便兩處迅速抽起，同時將腹部收縮至盡量貼近脊骨（想像而已），心中數六下，放下，再抽起。如此一組做十次，每天最少六組，可分不同時段做。

　　二.　熟習以後可增加難度，抽起後維持三十下，慢慢放下，緊記：慢……慢……做十次。

　　這兩個運動可以交替做，全程記得自然呼吸，不要谷住。相信我，係可以呼吸嘅！仲有，行住坐卧，一有時間就做。

　　後來還認識了一位鬼妹yoga老師，她提及這運動時，微笑說：“Very good for sex！＂

　　難怪辣妹「陰陰笑」練「陰功」啦！

　　富三代鍾培生一向都高調兼言論出位，自信爆棚嘅佢身邊長期不乏女伴，日前佢就連登一啲「仇女」言論拍Reel，指係某啲港男嘅個人問題先識唔到女仔，又分享自己認為一個稱職男友嘅應有條件。有網民挑機問到有關佢外形嘅問題，都被佢嘅自信回應秒殺。

　　鍾培生喺片段中講到連登論壇嘅男性認為所有港女都係「雞」（意指港女貪錢），佢表示：「雖然有啲港女真係雞嚟，但我自己覺得一個男性30歲，起碼要照顧到自己條女（女朋友），你話廿幾歲啱啱grad，未搞得掂，可以接受；但你三十而立，你起碼（做）各行各位都有番咁上下（位置）啦。最基本，照顧條女衣食住行，尊重自己條女，就算你今日搞唔掂，起碼邁向可以做得到先啦。如果唔係學咩人溝女呀，返去打xx啦（意指自慰）。」

　　唔少人都反對鍾培生講法，指香港生活指數做到佢講嘅嘢都有難度，而佢係含金鎖匙出世先咁「口響」：「有爸爸， 你照顧幾多條女都得。」、「你有錢先咁講啫，衣食住行，最難就係住，租屋租成世呀？買樓又冇你咁有錢，我諗你咁講全香港4成男人都要靠打xx過日子。」鍾培生回應：「sad fact（可悲的事實）, 所以啲女去晒嗰60%度。」

　　另外，都有唔少人關心鍾培生嘅外形，因為以佢嘅財力絕對可以更加「四正」，但鍾培生就長期「爛面」，生暗瘡同埋佈滿凹凸洞，有網民留言問：「點解你溝到女，但係唔整吓自己塊面？」鍾培生自信留言，指自己係為咗「斬桃花」，令呢位網民都反駁唔到：「唔想太多女，所以我出街都已經唔gel頭，日日uniqlo。」