世事政情

　　【晴報專訊】劉沛蘅（Hillary）上月認愛洪卓立（Ken），兩人公開戀情後，不時在社交平台放閃，羨煞旁人。Hillary昨日到銅鑼灣出席活動，提到戀情時笑得相當甜蜜，更大方承認雙方已見家長，家人對Ken的印象相當不錯，但她否認與男友同居。

蜜運中的Hillary心情靚爆。

Ken與Hillary公開戀情後，愛得高調。（資料圖片）

　　劉沛蘅昨日出席活動，被問到戀情時表示︰「目前做嘢為主，但係我哋都唔介意情侶檔出席活動，總之有job就得。」她直言公開戀情後，暫未受到壓力，「本身希望感情穩定先公開，但既然被發現咗，就順其自然公開戀情，但我哋依家唔係同居呀。」問Hillary是否已見家長？她指已見了雙方父母，並笑言︰「都係食下家常便飯，『6膠（《膠戰》主持）』都上過嚟屋企食飯㗎。（父母對男友有乜意見？）佢哋好搞笑咁話『喺電視睇好似無真人咁高喎！』但佢哋都覺得Ken好乖仔，斯文有禮貌。」說到Ken的優點，Hillary欣賞男友夠細心，又大讚他下廚功夫相當不錯，至於會否一起煮飯仔？Hillary坦言暫未試過。

蘇麗珊落舖沖咖啡

　　另外，日前「6膠」之一的呂爵安（Edan）透露有機會開拍《膠戰》第三輯，Hillary大感興奮︰「始終主題曲喺第二季臨尾先出，都希望首歌可以延續到去下一季嘅，而且我哋『6膠』私下一直有聯絡，默契方面絕對無問題。」

蘇麗珊

　　同場的蘇麗珊久未出席公開場合，她透露正忙於拍攝ViuTV新劇，雖然已連續工作幾晚通宵，但與新拍檔合作非常開心，同時也忙於錄歌。身兼按摩店及餅店老闆的蘇麗珊，直言希望把握防疫政策放寬的機會，她說︰「按摩店會喺嚟緊周末試業，會向客人提供自家曲奇餅，當係一條龍服務。（自己做生招牌？）我可以到場沖咖啡，哈哈！」

　　「今時今日咁嘅服務態度唔夠㗎」這句對白，係香港人都會耳熟能詳，因為在廿多年前，劉德華在政府宣傳片上，呼籲服務業巿民，要以禮待客。估唔到，咁多年後，再要推出這個禮貌廣告。但經歷時代變遷，廣告的人物變成了電影圈年輕一輩演員的天下，由宣萱帶領，跟胡子彤、吳肇軒、等人演出，而且還有重量級電影人助陣。

　　旅發局即將推出新的一輯禮貌宣傳片，由電影新貴之一的吳肇軒打開開場白，取代劉德華講出金句：「今時今日咁嘅服務態度係唔夠」，隨後再問：「點樣先至夠？」之後影片就講述胡子彤、吳肇軒、林熙彤和劉沛蘅等人重復金句去試鏡，對著面試的導演宣萱講一句對白，宣萱擺出厭惡嘴臉回應，最後朱鑑然都不明白她，問她究竟要甚麼。

　　當宣萱嘆氣不滿意之際，鏡頭一轉有個男人身影步入面試室，令宣萱滿意，表現得興隻碌大對眼。而這個人的背影相當熟悉，加上膚色，不難令人猜到是古天樂。而且片段還寫道：「故仔待續。」

　　今次宣傳片，以電視出身的熒幕經典CP宣萱和古天樂再度合作，令人相當驚喜。而有份參與演出的吳肇軒，都感覺Amazing，他表示：「細細個就成日幻想如果係由我嚟演繹『今時今日咁嘅服務態度，係唔夠㗎』會點～而家終於畀我等到機會喇 ！參考咗前輩嘅演繹（大約mix咗2-3位），再做多一步，溝少少自己嘅個人魅力，令『今時今日嘅服務態度』昇華咗做『好客之道』。」

　　相信宣傳片故事還有下文，除了有「故仔待續」之外，胡子彤在IG都有透露玄機，他表示：「近排去咗個試鏡，見到 @hillarylau @hazel.1120 @siuhinng 。唔知大家估唔估到最尾邊個贏到呢個角色呢？大大話話我用咗幾十種唔同方式演繹，堅有做多一步，我相信佢哋就係要呢啲！但希望我冇做多咗～結果好快就會揭曉。」