世事政情

　　【晴報專訊】36歲的姜麗文（Lesley）原定前年與圈外男友柏豪結婚，因疫情延至今年三月才於美國成婚。Lesley日前在IG公布成為人妻，更創作新歌《爸爸放心我出嫁》送給爸爸秦沛，並邀請爸爸出任MV男主角。現年77歲的秦沛在MV中即興耍拳伴舞，活力十足。昨日Lesley接受本報訪問說︰「爸爸好鍾意柏豪，但相信天下所有爸爸嫁女都會好唔捨得，我訂婚時feel到爸爸有啲擔心，所以寫咗呢首歌送畀佢。」

秦沛突然耍拳，令姜麗文及舞蹈員一臉驚喜。（影片截圖）

　　Lesley透露秦沛喜歡音樂及跳舞，但真正學舞已是40年前，所以拍MV前找老師教舞：「爸爸跳舞時非常enjoy，我就有啲擔心，成日提佢攰要休息飲水，但佢精力充沛、好興奮，睇得出佢對我嘅愛同支持。（爸爸耍拳？）係呀，我事前叫佢可以隨意跳，但無諗到佢會即興打拳，MV入面我同舞蹈員都係真實反應，哈哈！」她已看過MV超過50次，「每次都笑住睇，感動到眼濕濕，呢個MV係我同爸爸永遠嘅回憶。」

姜麗文在MV中分享兒時跟秦沛的合照。（影片截圖）

　　秦沛女兒姜麗文（Lesley）一早認定老公柏豪，無奈好事多磨，結婚儀式同各種繁文縟節拖咗4年都未完成晒。今日Lesley分享同老公向家人們敬茶時嘅珍貴片段，場面非常溫馨！

　　Lesley今日post出同老公嘅合照，留言同老公示愛，又話老公係佢最好嘅朋友，非常之sweet！不過最溫馨都係佢哋向家中長輩敬茶嘅畫面，錫到佢燶嘅爸爸秦沛笑到見牙唔見眼，完全感受到佢嘅喜悅，Lesley留言：「與我們的家人一起進行敬茶儀式，美妙的方式來見證我們的愛。」相中仲見到Lesley四叔姜大衞一家，不過就未有見到細叔爾冬陞。

　　其實Lesley同柏豪原定2020年2月2日結婚，惟受新冠疫情措施影響將婚事押後，到前年6月去荷里活拍劇時，靜俏俏順道於外國註冊，當時一對新人都非常簡約，最愛嘅家人朋友都係睇zoom見證二人成婚。

　　Lesley同柏豪結婚時只有婚姻監禮人在場，佢亦透露爸爸秦沛都好錫柏豪，亦表示喺香港一定會補擺婚宴，而今日終於完成敬茶儀式。由求婚籌備婚禮至今四年都仲未完成晒所有繁文縟節，不過能夠將呢份喜悅延長，睇嚟都未嘗唔係一件好事！