世事政情

　　【晴報專訊】無綫全新風水命理節目《數你條命》，昨晚一集請來圈中出名有橫財運的梁思浩，他直認人生中過至少三次六合彩，全是四獎以上。思浩自覺與幸運數字有關，他指起床後，若然幸運數字一再出現，當天便是幸運日，他便會去買六合彩。思浩又分享買六合彩心得︰「唔好自己填，買一張電腦飛，個天自然會幫你揀。」

梁思浩在節目中，大方分享幸運號碼。

　　思浩在節目中大爆好友苑瓊丹的開運大法，他指昔日用傳呼機年代，每次打電話落call給對方，都會被call台追問機主全名，「係機主苑瓊丹要求，所以我每次至少講四次『苑瓊丹』，係用嚟嗌旺個名。」

梁思浩和苑瓊丹十分老友，曾一起合作主持網台，大爆娛圈秘聞。（資料圖片）

　　新春在即，一向顧家的苑瓊丹返港準備過年，更向大家宣佈近日獲頒「公主」名銜，更笑言要老公下跪請安：「大家叫我做『石榴公主』我都幾開心嘅，如果去大馬等地，申請埋老公做埋拿督，機場可以行紅地毯添！正所謂人一世物一世，試吓做公主都唔錯，我真名叫苑麗瓊，英文字係『King』嘛，根本就係皇族嚟嘅，所以買頂皇冠獎勵自己。」

　　早前傳出苑仔「息影」，依家仲「升呢」做公主，但係佢就冇諗住退休，仲話好鍾意工作：「我唔係『息影』，只係唔拍住！佢地分別係息影就唔洗搵我啦，唔拍係可以傾吓，但都係覆你唔得閒，因為嚟緊龍年好忙碌，要內地做直播之餘，仲想將呢個產業帶翻嚟香港，有時間想開個講健康嘅頻道添。」

　　講到新年願望，苑仔笑言收山唔會爆製「小公主」，專心照顧家中十多隻小狗：「依家有十幾隻狗仔，雖然我成日四圍走，但唔會搬佢地返內地喇，因為香港有兩個工人照顧佢，我返嚟就由公主變翻做奴才追住幫佢地『執金』。」